Ռուսաստանը ուրախ կլիներ տեսնել հայ երգիչներին «Интервидение» մրցույթում. Լավրով
Ռուսաստանը շատ ուրախ կլիներ տեսնել հայ երգիչներին «Интервидение» միջազգային մրցույթին։ Այս հայտարարությունն արել է Ռուսաստանի արտաքին գործերի նախարար Սերգեյ Լավրովը երաժշտական միջոցառման նախապատրաստական աշխատանքներին նվիրված մամուլի ասուլիսի ժամանակ, գրում է Комсомольская правда-ն:
Լավրովը նշել է, որ «Интервидение»-ում հայ արտիստների բացակայությունը հարց է, որը պետք է ուղղել ոչ թե Մոսկվային, այլ Երևանին։
«Մեր հայ ընկերները շատ լավ գիտեին մրցույթի մասին: Մենք ուրախ կլինեինք տեսնել բոլորին, այդ թվում, իհարկե, մեր հայ ընկերներին»,- ասել է դիվանագետը:
