Միջազգային

Թուրքիայի իշխանությունները մայիսի 7-ից լրացուցիչ միջոցներ կձեռնարկեն COVID-19-ի տարածումը թույլ չտալու համար: Այդ մասին հաղորդել են երկրի ՆԳ նախարարությունում։

Դեղամիջոցների եվրոպական գործակալությունը (EMA) աստիճանական փորձաքննության գործընթացով սկսել է կորոնավիրուսի դեմ չինական Vero Cell պատվաստանյութի ուսումնասիրությունը: Այդ մասին ասվում է գործակալության հաղորդագրության մեջ։

Արցախյան երկրորդ պատերազմն իր օրինակով ցույց տվեց, որ Ադրբեջանի կողմից իրականացվող  հակահայկական  քարոզչությունը նպատակին հասնում է և կարող է հասնել միմիայն մեդիագրագիտության թերի ընկալման և տիրապետելու դեպքում։ Այս և այլ հարցերի շուրջ զրուցել ենք ադրբեջանագետ Էդգար Էլբակյանի հետ, ում համոզմամբ՝  Հայաստանում թերի մեդիագրագիտությամբ բնակչության  զանգվածը բավականին մեծ է։

Վաղը մեկնարկում է ՌԴ ԱԳ նախարար Սերգեյ Լավրովի հետպատերազմյան հերթական այցը տարածաշրջան, որի շրջանակում մայիսի 5-6-ը նա լինելու է Երևանում, իսկ մայիսի 10-11-ը՝ Բաքվում: Այցը կազմակերպվում է աշխարհաքաղաքական ու լոկալ մի շարք ուշագրավ զարգացումների ֆոնին՝ ԵԱՀԿ ՄԽ արևմտյան համանախագահները ջանում են վերսկսել ԵԱՀԿ ՄԽ աշխատանքը, ԱՄՆ վարչակազմը կոշտ, միևնույն ժամանակ՝ ճկուն քաղաքականություն է վարում ՌԴ-ի, Թուրքիայի և Իրանի ուղղությամբ, Բայդենը ճանաչել է Հայոց ցեղասպանությունը, ռուս-իրանական և իրանաչինական հարաբերություններում նոր իրողություններ են ի հայտ գալիս:

Բելառուսի նախագահ Ալեքսանդր Լուկաշենկոն հրամանագիր է ստորագրել, որով 80 նախկին զինծառայողների և ուժային կառույցների աշխատակիցների զրկել է զինվորական ու հատուկ կոչումներից՝ «զրպարտչական» գործողությունների պատճառով: Այդ մասին հաղորդում է Բելառուսի նախագահի մամուլի ծառայությունը:

Ֆրանսիացի դերասան, հումորիստ Դեդոնե ՄԲալան նամակ է հղել Թուրքիայի նախագահ Ռեջեփ Թայիփ Էրդողանին, խնդրելով տրամադրել քաղաքական ապաստան Թուրքիայում։

Ադրբեջանը Շուշիի Սուրբ Ղազանչեցոց եկեղեցու գմբեթը հանել է և վերանորոգելու անվան տակ ոչնչացնում է հայկական հետքը։ Օրեր առաջ էլ թշնամին ոչնչացրել էր եկեղեցու մուտքի մոտ գտնվող  հրեշտակներին։

Հունաստանի լրագրողների եւ զանգվածային լրատվամիջոցների աշխատակիցների արհմիությունները մայիսի 4-ին 24-ժամյա գործադուլ են անցկացնում Մայիսի 1-ի՝ կոլեկտիվ եւ անձնական իրավունքների, սոցիալական արդարության եւ խաղաղության, առողջության եւ անվտանգության համար աշխատավորների պայքարի միջազգային օրվա կապակցությամբ։

«168 Ժամ»-ի թղթակցի հետ զրույցում ռուս արևելագետ Ալեքսեյ Մալաշենկոն ասաց, որ ՌԴ ԱԳ նախարարի այցը հակամարտ երկրներ կարևոր է, քանի որ տեղի է ունենում ռուս-թուրքական հարաբերությունների համար նոր իրավիճակում: «Այսինքն՝ վերջին այցերը տեղի էին ունեցել պատերազմից հետո, երբ այն դեռ նոր էր ավարտվել, դա էր տարածաշրջանի նոր իրավիճակը, որում որևէ երկիր, բացի Ռուսաստանից, դեռ դիրքավորված չէր»:

Ադրբեջանցի լրագրող Ֆուադ Աբբասովը, որն արտաքսվել է Ռուսաստանից, կոչ է անում կանխել «ահաբեկչությունը» (չակերտները` Խմբ.) և թույլ չտալ մայիսի 9-ին Ստեփանակերտում Ռուսաստանի Դաշնության խաղաղապահների մասնակցությամբ Հաղթանակի շքերթի անցկացումը:

Թեհրանում Շվեյցարիայի դեսպանության բարձրաստիճան աշխատակցուհին զոհվել է՝ ընկնելով բարձրահարկ շենքից, որտեղ նա ապրում էր (չի ճշտվում՝ կինն ընկել է տանիքից, թե պատուհանից):

ԱՄՆ նախագահ Ջո Բայդենը Կոնգրեսին տեղեկացրել է, որ իր վարչակազմը երկարացնում է «Ազատության աջակցության ակտի» 907-րդ ուղղման կասեցումը, որի արդյունքում թույլատրվում է ԱՄՆ-ի կողմից ուղիղ ռազմական օգնությունն Ադրբեջանին այնքան ժամանակ, քանի դեռ պետքարտուղարը հավաստում է, որ նման օգնությունը չի նպաստում Լեռնային Ղարաբաղում հակամարտության սրմանը, գրում է The Hill-ը։

«Ցեղասպանության կանխարգելման և նրա պատժի մասին կոնվենցիայում 2-րդ հոդվածի 3-րդ կետն ասում է, որ ցեղասպանություն են համարվում այնպիսի գործողությունները, որոնք անհնարին են դարձնում մարդու բնակվելը իր բնակվելու վայրում։ Այն, ինչ տեղի է ունենում Սյունիքում, Ստեփանակերտում, այլ գյուղերում, Արցախում, այդ կրակոցները․․․ դրանք հենց 3-րդ կետին համապատասխանող հանցագործություններ են, ցեղասպանության եզրույթի ներքո դիտարկվող գործողություններ են, և այս առումով անպաշտպան թողնել այն գյուղերը, որոնց մասին գիտենք, դա, կներեք, աջակցություն կամ մասնակցություն է ցեղասպանական գործողություններում՝ արդեն հայկական իշխանության կողմից։ Ցավոք, մենք այսօր չունենք այնպիսի իշխանություններ, որոնք ապահովում են թե՛ մարդու, թե՛ ազգային անվտանգությունը»,- նկատեց Լարիսա Ալավերդյանը։

Աֆղանստանի հյուսիս-արեւմուտքի Հերաթի նահանգում հորդառատ անձրեւների հետեւանքով առաջացած հեղեղումներից տասներեք մարդ է զոհվել:

Վրաստանում 3,2 մագնիտուդ ուժգնությամբ երկրաշարժ է տեղի ունեցել:

ԱՄՆ-ի վարչակազմը կգերադասեր կայուն հարաբերություններ հաստատել Ռուսաստանի հետ եւ դա կանի, եթե Մոսկվան եւս նման ուղեգիծ վերցնի:

Մայիսի 3-ի երեկոյան Մեխիկոյում փլվել է մայրաքաղաքային մետրոյի ճյուղերից մեկի՝ Olivos կայարանի մերձակայքում գտնվող մետրոկամուրջը, երբ դրա վրայով անցնում էր գնացքը:

Թուրքիան ամենաշատ մտավորականների անազատության մեջ պահող 3 երկրներից մեկն է աշխարհում: Այս մասին հայտնի է դարձել գրողների միջազգային ՊԷՆ (PEN) ընկերակցության ԱՄՆ-ի մասնաճյուղի հրապարակած «Գրելու ազատություն 2020» զեկույցից: Այս մասին տեղեկացնում է ermenihaber.am-ը։

Եվրահանձնաժողովն (ԵՀ) առաջարկում է մեղմացնել ԵՄ մուտքի սահմանափակումները՝ հաշվի առնելով պատվաստման հաջողությունները եւ երրորդ երկրներում COVID-19-ի հետ կապված իրադրությունը: Այդ մասին ասվում է ԵՀ-ի՝ մայիսի 3-ին հրապարակված առաջարկության մեջ։

Հնդկաստանը մայիսի 1-ին ձեռք է բերել  կորոնավիրուսի դեմ ռուսական Sputnik V պատվաստանյութի առաջին խմբաքանակը:

«Չեմ կարծում, որ թուրք-ադրբեջանական ալյանսը համաձայնի նման տարբերակի, երբ իրենք հաղթած են և կարողանում են ՀՀ կապիտուլյանտ իշխանություններին ցանկացած բան պարտադրել: Երբևէ չեն գնա նման քայլի, որ միջանցք լինի Հայաստան-Իրան կապի ապահովման համար: Բացի այս, կրկնում եմ՝ իրանական շրջանակներում նորից սկսել են խոսել այն մասին, որ սա որևէ հարց չի լուծի, և Սյունիք-Զանգեզուրի հավանական կորուստը դա աղետ է լինելու նաև Իրանի ազգային անվտանգության և տարածքային ամբողջականության համար, և Իրանի դերակատարությունը հասցնելու է գրեթե զրոյականի հարավկովկասյան ռազմաքաղաքական և տնտեսական իրադարձություններում»,- եզրափակեց Արամ Շահնազարյանը:

Ադրբեջանցի իրավապաշտպան Ահմեդ Շահիդովը Twitter-ի իր էջում գրել էր, որ հունիսից Ստեփանակերտը լինելու է Ադրբեջանի զինված ուժերի լիակատար վերահսկողության ներքո՝ լինի դա խաղաղ ճանապարհո՞վ, թե՞ ուժի կիրառմամբ: Ըստ նրա՝ հայերը բավականաչափ տեղեկացված չեն նոյեմբերի 9-ի եռակողմ հայտարարությունից, հետևաբար, եթե իրեն չեն հավատում, կարող են հարցնել Նիկոլ Փաշինյանից:

Հնդկաստանի առողջապահության եւ ընտանիքի բարեկեցության նախարարությունն անցած օրն արձանագրել է կորոնավիրուսով ախտահարման 368 147 դեպք, համավարակի ամբողջ ժամանակամիջոցում վարակվածների ընդհանուր թիվը երկրում հասել է 19 925 604-ի:

Գերմանիայի կառավարությունն ընդունել է նախագիծ ՝ մեղմացնելու կարանտինը COVID-19- ից վերականգնվածների և պատվաստվածների համար:  Այս մասին ճեպազրույցում հայտնել է Գերմանիայի նախարարների կաբինետի պաշտոնական ներկայացուցիչ Շտեֆեն Զայբերտը:

Իրանում կորոնավիրուսից մահերի թիվը հասել է 72 հազար 875-ի, որից 391-ը մահացել է վերջին 24 ժամվա ընթացքում: Այս մասին հայտնում է IRNA-ն՝ հղում կատարելով Իրանի առողջապահության նախարարության հրապարակած տվյալներին:

2020 թվականին Իտալիայում մահացել է գրեթե 750 հազար մարդ, ինչը 18 տոկոսով ավելի է, քան 2019 թվականին՛ Այդ մասին ասված է Վիճակագրության ազգային ինստիտուտի(Istat) ՝ մայսի 3-ին տարածված զեկույցում։

ԿԺԴՀ-ի նկատմամբ ԱՄՆ-ի քաղաքականությունը թշնամական չէ, այն ուղղված է Կորեական թերակղզու միջուկազերծման խնդրի լուծմանը:

Կայքը գրում է, որ համաձայն ՀՀ վարչապետի պաշտոնակատար Նիկոլ Փաշինյանի հնչեցրած տվյալների՝ Սյունիքի մարզի տարածքում տեղակայվել են ՌԴ Զինված ուժերի միանգամից երկու հենակետեր, ուր գտնվում են զրահատեխնիկա և մարտական ավիացիայի միջոցներ:

Իրաքի ներքին գործերի նախարարության աշխատակիցները ձերբակալել են «Իսլամական պետություն» ահաբեկչական խմբավորման կազմի մեջ մտնող միավորումներից մեկի պարագլխին:

Ռուսաստանի ռազմավարական նշանակության հրթիռային զորքերում (ՌՆՀԶ) ավելի քան 100 տարբեր վարժանքներ են պլանավորվում անցկացնել ուսուցման ամառային ժամանակաշրջանում: Այդ մասին հաղորդել են ՌԴ պաշտպանության նախարարության տեղեկատվության եւ զանգվածային հաղորդակցությունների դեպարտամենտում։