Որքան շատ գիտես, այնքան երկար կապրես. գիտնականներն ապացուցել են, որ կրթությունն ազդում է երկարակեցության վրա
Բարձրագույն կամ միջնակարգ մասնագիտական կրթություն ունեցող մարդկանց կենսաբանական տարիքն ավելի ցածր է, քան նրանց հասակակիցներինը, ովքեր միայն դպրոցն են ավարտել: Սա հայտնաբերել են Դյուկի համալսարանի (ԱՄՆ) գիտնականները, գրում է համալսարանի Dukeupress ամսագիրը։
Ընդգծենք, որ խոսքը կոնկրետ կենսաբանական տարիքի մասին է. այսինքն՝ մարմնի բջիջների և համակարգերի «երիտասարդության» իրական վիճակի մասին։
Դյուկի համալսարանի ուսումնասիրությանը մասնակցել է ավելի քան 14 հազար ամերիկացի: Արդյունքում պարզվել է, որ կրթություն ստանալը ուղղակիորեն կապված է դանդաղ ծերացման հետ։
Որո՞նք են պատճառները։ Գաղտնիքը տեղեկատվությունը կարդալու, վերլուծելու և մտածելու ունակության մեջ է։ Կարևոր է նաև՝ մարմինը լսելու և ժամանակին բժշկի դիմելու պատրաստակամությունը։ Կարծիք կա, որ բարձրագույն կրթություն ունեցող մարդիկ ավելի սթրեսակայուն են, քանի որ ավելի շատ հմտություններ ունեն այն կառավարելու համար:
