Կիևը պարտավոր է մինչև սեպտեմբեր վճարել 1.4 միլիարդ դոլարի պետական պարտքը. Bloomberg
Bloomberg-ը, վկայակոչելով աղբյուրները և սեփական հաշվարկները, հայտնում է, որ Ուկրաինայի կառավարությունն ուսումնասիրում է պետական պարտքի վերակառուցման հնարավորությունը, քանի որ մինչև սեպտեմբերի 1-ը վճարումները պետք է 1.41 մլրդ դոլար կազմեն։ Արժույթի միջազգային հիմնադրամը (ԱՄՀ) աջակցություն է առաջարկել Կիևին։
Կիևը քննարկում է խնդրի լուծման մի քանի տարբերակ, որոնցից մեկի շրջանակներում թողարկողը կարող է պարտատոմսերի սեփականատիրոջից պահանջել փոխել թողարկված արժեթղթերի պայմանները։
Երկրորդ տարբերակը ռուսական սառեցված ակտիվները որպես գրավ օգտագործելն է։ Առայժմ այդպիսի նախաձեռնության օրինականությունը կասկածի տակ է։
Ուկրաինայի՝ դոլարով և եվրոպարտատոմսերով առևտրի պայմանները վկայում են ճգնաժամի և վերակառուցման ռիսկի մասին, գրում է պարբերականը:
2022-ի մարտին ԱՄՀ-ն հավանություն էր տվել Ուկրաինային 1.4 միլիարդ դոլար հատկացմանը որպես շտապ օգնության շրջանակներում:
Ուկրաինայի նախագահ Վլադիմիր Զելենսկին երկրի բյուջեի ամսական դեֆիցիտը 7 միլիարդ եվրո էր գնահատել: Դա այն գումարն է, որը պետք է ուղղվի աշխատավարձերին, թոշակներին և սոցիալական աջակցությանը։ Զելենսկին խնդրել է G7 երկրներին 50 մլրդ դոլար հատկացնել։
Մայիսին ԱՄՆ Կոնգրեսի Ներկայացուցիչների պալատը հավանություն էր տվել Ուկրաինային պետական պարտքի կրճատման համար օգնություն տրամադրելու օրինագծին։
