Միջազգային

Ֆրանսիայում կորոնավիրուսի համավարակի ֆոնին մտցված սահմանափակումները կհանվեն մայիսի 3-ին: Այդ մասին հաղորդել է երկրի կառավարության պաշտոնական ներկայացուցիչ Գաբրիել Ատալը:

Ռուսաստանի Դաշնությունը որոշել է երկարաձգել երկրում գտնվելու օրինական հիմքեր չունեցող անձանց և նրանց ընտանիքների ժամանակավոր կացության ժամկետը:

Եվրախորհրդարանի (ԵԽ) ղեկավար Դավիթ Սասոլին հուսով է, որ ԵԽ-ն կկարողանա մոտ ժամանակներս կրկին լիագումար նստաշրջաններ անցկացնել Ստրասբուրգում՝ կորոնավիրուսի համավարակի պատճառով մեկ տարվա դադարից հետո: Այդ մասին նա հայտարարել է ապրիլի 21-ին՝ տեսակապով հանդես գալով Եվրոպայի խորհրդի խորհրդարանական վեհաժողովում (ԵԽԽՎ):

Ամերիկայի Միացյալ Նահանգներում մեկ օրում հաստատվել է կորոնավիրուսի ավելի քան 54 հազար նոր դեպք: Այս մասին հայտնում է ՌԻԱ Նովոստին:

Հերթական անգամ Նիկոլ Փաշինյանը փորձել է հավատացնել, որ նոյեմբերի 9-ի հայտարարության մեջ ոչ Զանգեզուր, ոչ Սյունիք, ոչ միջանցք արտահայտություններ չկան,  և, որ խոսք է գնում  տարածաշրջանային կոմունիկացիաների բացման մասին:

Էստոնիայում, Լիտվայում և Լեհաստանում գտնվող ՆԱՏՕ-ի կործանիչ ինքնաթիռները մի քանի անգամ բարձրացել են օդ՝ Բալթիկ ծովի երկնքում ռուսական կործանիչներ, ռմբակոծիչներ և հետախուզական ինքնաթիռներ որսալու նպատակով: Ինչպես հայտնում է ՌԻԱ Նովոստի, այս մասին ասված է ՆԱՏՕ-ի ռազմաօդային ղեկավարության տարածած հաղորդագրությունում:

Եվրոպական խորհրդի նախագահ Շառլ Միշելն աշխատանքային այցով կրկին Վրաստանում է ներքաղաքական ճգնաժամը կարգավորելու նպատակով: Եվրոպացի պաշտոնյայի վրացական այցից ակնկալիքներն այս անգամ էապես շատ են` հաշվի առնելով հանգամանքը, որ այցից մեկ օր առաջ քաղաքական ուժերը համաձայնել են կարգավորման Միշելի կամ Արևմուտքի պլանին:

Ռուսաստանի Դաշնությունը պերսոնա նոն գրատա է հայտարարել երկրում Ամերիկայի Միացյալ Նահանգների դեսպանության 10 աշխատակիցների: Այս մասին հայտնում է ՌԴ Արտաքին գործերի նախարարության պաշտոնական կայքը:

Գերմանիայի Դաշնային Հանրապետության կառավարությունը շարունակում է աջակցել ԵԱՀԿ Մինսկի խմբի համանախագահների դիվանագիտական ջանքերին` կարևորելով տարածքային ամբողջականության, հակամարտությունների խաղաղ կարգավորման և ժողովուրդների ինքնորոշման հիմնարար սկզբունքները:

ԱՄՆ-ի նախագահ Ջո Բայդենն ապրիլի 22 – 23-ը կայանալիք կլիմայական գագաթնաժողովից առաջ մտադիր է հայտարարել Միացյալ Նահանգների կողմից մինչև 2030 թվականը մթնոլորտ ջեմոցային գազերի արտանետումների կիսով չափ կրճատման պլանների մասին: Ապրիլի 20-ին այդ մասին հայտնել է The New York Times թերթը՝ վկայակոչելով ԱՄՆ-ի նախագահի վարչակազմի աղբյուրներ:

Լեհաստանը որոշ շրջաններում մտցնում է հակավիրուսային սահմանափակումները չեղարկելու քաղաքականություն: Այս մասին հայտարարել է Լեհաստանի Առողջապահության նախարար Ադամ Նեդզելսկին:

Իրանի իշխանությունները պլանավորել էին կորոնավիրուսի դեմ միլիոնավոր դեղաչափերի պատվաստանյութ ստանալ COVAX-ի (միջազգային մեխանիզմ, որն ԱՀԿ-ն գործարկել է կորոնավիրուսի դեմ պատվաստանյութերի մատակարարման համար) միջոցով, սակայն դրան խանգարել են ԱՄՆ-ի պատժամիջոցները:

ՌԴ նախագահ Վլադիմիր Պուտինը Դաշնային ժողովին ուղղված իր ուղերձում անդրադարձել է 44-օրյա պատերազմի դադարեցման գործում Ռուսաստանի դերակատարությանը:

Ինդոնեզական սուզանավը, որի մեջ 53 մարդ կար, ապրիլի 21-ին կորել է Բալի կղզուց դեպի հյուսիս ընկած շրջանում:

Ուկրաինայի նախարարների կաբինետն ապրիլի 21-ին կայացած նիստում հավանություն է տվել ԱՊՀ-ի՝ Կենդանիների պաշտպանության կենսապատրաստուկների եւ այլ միջոցների միջպետական պահուստի ստեղծման վերաբերյալ համաձայնագրից երկրի դուրս գալու մասին օրինագծին. նիստի հեռարձակումն իրականացվել է YouTube-ում կառավարության ալիքով։

COVID-19-ի հետ կապված կարանտինի պատճառով ԿԺԴՀ-ն լքել են հումանիտար կազմակերպությունների, ներառյալ ՄԱԿ-ի Պարենավորման ու գյուղատնտեսական կազմակերպության (ՖԱՕ), վերջին աշխատակիցները. 2020 թվականի աշնանից Հյուսիսային Կորեայում հումանիտար օգնության ոչ մի կոնտեյներ չի ստացվել:

Ադրբեջանի արտաքին գործերի նախարարության մամուլի ծառայության ղեկավար Լեյլա Աբդուլաևան մեկնաբանել է երկրի նախագահ Իլհամ Ալիևի երեկվա հնչեցրած հայտարարությունը Զանգեզուրի վերաբերյալ, ինչպես նաև անդրադարձել է ՀՀ ԱԳՆ վերջին հայտարարությանը, գրում է haqqin.az-ը:

Թուրքիայի ԱԳ նախարար Մեւլյութ Չավուշօղլուն հայտարարել է, որ Ուկրաինային մարտական անօդաչուներ վաճառելու շուրջ գործարքն ուղղված չէ ՌԴ-ի դեմ։

Ապրիլի 20-ի ցերեկը Կոլումբուսում (Օհայոյի նահանգ) սպայի սարքած գնդակոծության հետեւանքով զոհվել է 16-ամյա սեւամորթ աղջիկ՝ Մաքայա Բրայանթը:

Նիկոլիզմից հետո՝ ակտիվ արտաքին քաղաքականությունը նորից պետք է դառնա մեր պետության գլխավոր զենքերից մեկը։ Իսկ տնտեսությունը, անվտանգությունը և պետական կառավարումը՝ բացառապես առանց պոպուլիզմի։ Քաղաքական պոպուլիզմի դրսևորումներն այս ոլորտներում՝ պետք է արգելվեն օրենքով։ Ընդհանրապես, պոպուլիզմով զբաղվող քաղաքական գործիչներն ու քաղաքական ուժերը պետք է դուրս մղվեն հայկական քաղաքական դաշտից։

Թուրքիայի արտաքին գործերի նախարար Մևլյութ Չավուշօղլուն հայտարարել է, որ ԱՄՆ նախագահ Ջո Բայդենի կողմից 1915 թվականին Օսմանյան կայսրությունում հայերի զանգվածային սպանությունները պաշտոնապես Ցեղասպանություն ճանաչելն էլ ավելի վնաս կհասցնի ՆԱՏՕ-ի գծով դաշնակիցների առանց այդ էլ լարված հարաբերություններին, հաղորդում է Reuters-ը։

Առողջապահության համաշխարհային կազմակերպության (ԱՀԿ) ղեկավար Թեդրոս Ադհանոմ Գեբրեյեսուսը կարծում է, որ արդեն մոտ ապագայում կհաջողվի զսպել COVID-19 կորոնավիրուսի համավարակը։

Շվեյցարիայի հանրային առողջության դաշնային գրասենյակը (BAG) Թուրքիային առաջին անգամ ներառել է ռիսակային երկրների ցանկում:

Մեծ Բրիտանիան հայտարարել է նոր համավարակների արդյունավետ դիմակայման հարցով միջազգային փորձագիտական խմբի ստեղծման մասին: Ապրիլի 20-ին այդ մասին հայտնել է Reuters գործակալությունը:

Մեծ Բրիտանիայում սկսվել է Լինդա և Ուայնե Ռիկարդների հարցով դատական գործընթացը. ամուսինները կասկածվում են իրենց տանտիրոջ՝ Ջեյմս Սութերանի մահվան համար, հայտնում է բրիտանական Daily Mail պարբերականը։

Էտալոնային մակնիշի նավթի գներն ապրիլի 20-ի սակարկությունների ընթացքում աճում են ԱՄՆ-ի դոլարի թուլանալու ֆոնին, որը նպաստում է այն ակտիվների պահանջարկի ավելացմանը, որոնք նոմինացված են դոլարներով: Brent մակնիշի նավթի հունիսյան ֆյուչերսների արժեքը ICE Futures լոնդոնյան բորսայում Երևանի ժամանակով ապրիլի 20-ի ժամը 09:18-ի դրությամբ բարելի դիմաց կազմել է 67,75 դոլար, ինչը 0,7 դոլարով (1,04 տոկոս) բարձր է նախորդ նստաշրջանի փակման պահի գնից: Ապրիլի 19-ի սակարկությունների արդյունքներով այդ պարտավորագրերը թանկացել են 0,28 դոլարով (0,4 տոկոս)՝ բարելի դիմաց մինչև 67,05 դոլար:

Մալդիվյան կղզիների իշխանությունները վերանայել են օտարերկրացիների մուտքի պահանջները, ապրիլի 20-ից պատվաստում ստացած ճանապարհորդները կարող են չներկայացնել կորոնավիրուսի ՊՇՌ-թեստի բացասական արդյունքը, բայց ռուսաստանցիների վրա նոր կանոնը դեռ չի տարածվում:

Ադրբեջանի նախագահ Իլհամ Ալիևը հայտարարել է, որ Զանգեզուրի միջանցքի ստեղծումը լիովին համապատասխանում է Ադրբեջանի ազգային, պատմական և ապագայի շահերին:

Ադրբեջանը չի կատարում անցյալ տարվա նոյեմբերի 9-ի համատեղ հայտարարության շրջանակներում ստանձնած պարտավորությունները:  Այդ մասին ԵԽԽՎ լիագումար նիստում հայտարարել է պորտուգալացի պատգամավոր Պոլ Սոչպիսկոն՝ ավելացնելով, որ պատգամավորները պետք է պնդեն հայ ռազմագերիների և ձերբակալվածների վերադարձը:

Ֆրանսիացի պատգամավոր Բեռնար Ֆուրնյեն ԵԽԽՎ գարնանային նստաշրջանի իր ելույթում Ադրբեջանի կառավարությանը կոչ արեց ազատ արձակել հայ ռազմագերիներին: «ՄԻԵԴ-ը հակամարտության ընթացքում և դրանից հետո կողմերին կոչ է արել կատարել Գերիների մասին կոնվենցիայի դրույթները: ՄԻԵԴ-ը ձերբակալված անձանց վերաբերյալ բազմաթիվ դիմումներ է ստացել, որոնք ներկայացվել են կառավարությունների և հարազատների կողմից»,- ասել է նա: