Աշխարհ

Անցյալ շաբաթ աշխարհում արձանագրվել են կորոնավիրուսով վարակման ավելի քան 4,1 միլիոն դեպք եւ 84 հազարից ավելի մահացու վախճան: Նախորդ յոթ օրվա համեմատությամբ հիվանդացությունը նվազել է 14 տոկոսով, մահացությունը՝ 2 տոկոսվ, մայիսի 26-ին Ժնեւում հայտնել է Առողջապահության համաշխարհային կազմակերպությունը (ԱՀԿ)։

Մայիսի 25-ին Մեծ Սիթքին հրաբխի կարճաժամկետ ժայթքում է արձանագրվել ԱՄՆ-ի Ալյասկայի նահանգում: Այդ մասին հայտնել է ԱՄՆ-ի Երկրաբանական ծառայությունը։

ԱՄՆ-ի՝ 18 եւ բարձր տարիքի քաղաքացիների 50 տոկոսը լրիվ պատվաստվել է COVID-19-ի դեմ: Այդ մասին վկայում են Հիվանդությունների վերահսկողության եւ կանխարգելման կենտրոնների (CDC) տվյալները։

Միացյալ Նահանգները խստորեն դատապարտել է Մալիի անցումային կառավարության ղեկավարների ձերբակալումը:

Բելառուսում գտնվող մեծ թվով օտարերկրյա քաղաքացիներ չեն կարողանում վերադառնալ իրենց երկրներ՝ կապված բելառուսական ավիաընկերությունների չվերթների չեղարկման և Բելառուսի տարածքով այլ ավիաընկերությունների թռիչքները դադարեցնելու փաստի հետ:

Լեհաստանի կառավարությունն արգելել է բելառուսական ինքնաթիռների թռիչքը երկրի օդային տարածքով:

Մալիի ժամանակավոր նախագահ Բա Նդաոն և վարչապետ Մոկտար Ուանը, որոնք զինվորականների կողմից երկու օր առաջ ձերբակալվել էին, հրաժարական են տվել և լքել են պաշտոնները:

Եվրամիության անդամ 27 երկրների և ԱՄՆ առաջնորդների գագաթնաժողովը տեղի կունենա հունիսի 15-ին Բրյուսելում։

«Արցախի պատերազմի ավարտից հետո աշխարհաքաղաքական փոփոխությունները կարող են կործանարար լինել նաև Իրանի համար։ Իրանում հասկանում են, որ թուրքական օղակը կարող է սեղմվել Իրանի հյուսիսից, Հայաստանը հիմա մի փոքր զարկերակով է սնվում Իրանի հետ։ Եթե հանկարծ դա խցանվեց թուրքական ազդեցիկ կոմունիկացիոն նախագծերով, ապա նման զարգացումը և՛ մեր, և՛ Իրանի համար լրջագույն հետևանքներ է ունենալու»,- ասաց ՀՀԿ փոխնախագահը։

ԱՄՆ-ի, Ֆրանսիայի, Գերմանիայի, Իտալիայի եւ Մեծ Բրիտանիայի արտաքին քաղաքական գերատեսչությունների ղեկավարները Սիրիայում նախագահական ընտրությունների նախաշեմին նախազգուշացրել են, որ այդ գործընթացն արդարացի եւ ազատ չեն համարում։

Հայ դատի Ամերիկայի հանձնախմբի ջանքերի արդյունքում ԱՄՆ Ներկայացուցիչների պալատի տասնյակ անդամներ միացել են Դեյվիդ Վալադաոյին և Կոնգրեսի հայկական խմբի ղեկավարներին` Բայդենի վարչակազմին կոչ անելով դադարեցնել Ադրբեջանին տրվող ամերիկյան ռազմական օգնությունը, որն ուղղակիորեն և անուղղակիորեն նպաստում է Ադրբեջանի ռազմական գործողություններին և այդ երկրի ռազմական կարողականությունների բարձրացմանը:

Շվեյցարիայի ռազմաօդային ուժերի ինքնաթիռն աղետի է ենթարկվել վարժական թռիչքի ժամանակ, օդաչուն կատապուլտվել է եւ ողջ է:

Ապրիլին ԱՄՆ պաշտպանության նախարարության համալիրը՝ Պենտագոնը, Անկարային ծանուցել էր ամերիկյան F-35 նոր սերնդի կործանիչների արտադրության ծրագրից Թուրքիային պաշտոնապես հեռացնելու մասին: Այս մասին տեղեկացնում է ermenihaber.am-ը։

ԱՄՆ-ի պաշտպանության նախարարության մամուլի քարտուղար Ջոն Քիրբին հույս է հայտնել, որ բոլոր պետությունները, որոնք ներքաշված են սիրիական խնդրի մեջ, կխուսափեն այնպիսի գործողություններից, որոնք կարող են իրադրության ապակայունացման հանգեցնել Սիրիայում։

Հեղեղումների պատճառով ավելի քան 1,2 միլիոն մարդ է տարհանվել Հնդկաստանի արեւելյան ափից, որոնք առաջացրել է այստեղ մոլեգնող «Յաաս» փոթորկի հարվածը: Այդ մասին հաղորդել է Associated Press գործակալությունը:

Առնվազն մեկ մարդ է զոհվել մայիսի 25-ին Լիսբերգ քաղաքի (Ֆլորիդայի նահանգ) օդանավակայանից ոչ հեռու հրշեջ ուղղաթիռի կործանման ժամանակ:

Ճապոնիայի իշխանությունները պարզում են ճապոնական եւ ռուսական ձկնորսանավերի բախման հանգամանքները, որը տեղի է ունեցել մայիսի 26-ին Օխոտի ծովում:

Զբոսաշրջիկները, որոնք պատվաստումն ստացել են Դեղամիջոցների եվրոպական գործակալության (EMA) կամ Առողջապահության համաշխարհային կազմակերպության (ԱՀԿ) կողմից հավանության արժանացած պատվաստանյութերով, կկարողանան հունիսի 7-ից մուտք գործել Իսպանիա:

Մեքսիկայի իշխանությունները սկսել են թուլացնել կորոնավիրուսով պայմանավորված սահմանափակումները երկրում և վերադառնալ բնականոն կյանքին:

Բրիտանական հանրահայտ «The Guardian» թերթը Թուրքիայի իշխանություններին մեղադրել է կորոնավիրուսի հետ կապված վիճակագրության կեղծման մեջ։ Այս մասին տեղեկացնում է ermenihaber.am-ը։

«Այս պահին, երբ հավանականությունը շատ մեծ է, որ Նիկոլ Փաշինյանը չի վերընտրվելու և Հայաստանում չի վերարտադրվելու իրենց թուրքահպատակ իշխանությունը, թշնամին փորձելու է հնարավորինս կորզել, պոկել ՀՀ-ից: Այն փաստաթուղթը, որ մեզ այս պահին պարտադրվում է, և ՀՀ օկուպացիոն իշխանություններն էլ բավականին ինքնավստահ, լկտի ձևով ասում են, որ իրենք ստորագրելու են, և դա 100 տոկոսով բխում է Հայաստանի շահերից, փաստացի ստորագրելու են 2 կապիտուլյացիոն համաձայնագիրը թշնամու հետ»,- 168TV-ի «Ռեվյու» հաղորդման ընթացքում ասաց նա՝ ընդգծելով, որ 2 շատ մեծ վտանգ է տեսնում:

Եվրոպական միության գագաթնաժողովում որոշում է կայացվել ընդլայնել Բելառուսի դեմ սահմանված տնտեսական պատժամիջոցները և սև ցուցակում նոր անձանց ու կազմակերպությունների անուններ ներառել:

ԱՄՆ պետքարտուղար Էնթոնի Բլինքենը խոստացել է «մոբիլիզացնել միջազգային աջակցությունը»՝ Գազային օգնելու համար:

Իտալահայ պրոդյուսեր Էդգար Հովսեփյանը մեզ հետ զրույցում հայտնեց, որ Եվրատեսիլի կիսաեզրափակչի ժամանակ Rai Gold (որը համակարգում է Rai 4, Rai Premium e Rai Movie ալիքները) հեռուստաալիքի մեկնաբանը քմծիծաղով և ծաղրական տոնով ասել է, որ Ադրբեջանը ոչ միայն Հայաստանի դեմ պատերազմն է հաղթել, այլև հայտնվել է եզրափակչում, իսկ Հայաստանը գումար չունենալու պատճառով չի էլ մասնակցել մրցույթին:

 Եվրամիության չափահաս բնակչության 46 տոկոսն արդեն ստացել է նոր կորոնավիրուսի դեմ պատվաստանյութի առաջին դեղաչափը: Մայիսի 25-ին այդ մասին հայտարարել է Եվրահանձնաժողովի (ԵՀ) ղեկավար Ուրսուլա ֆոն դեր Լյայենը՚

«Այդ նրբությունն առավելապես ընկալելի է ներքին լսարանի համար: Իսկ արտաքին լսարանի համար՝ կոնկրետ ինձ համար, նկատելի է եղել, որ կա ցանկություն՝ չփոխադրել հակամարտությունը հայ-ադրբեջանական հարթություն, բայց բանակցողը մշտապես եղել է Հայաստանից, ՀՀ իշխանությունը ստորագրեց հրադադարի հայտարարությունը: Փաթեթավորվել է հակամարտությունը՝ որպես Ղարաբաղյան, բայց մի շարք պատճառներից ելնելով՝ հնարավոր չի եղել այն պահպանել այդ սահմաններում: Եվ ներկայումս ստացվում է, որ մի տեղում կան խաղաղապահներ և պահպանվում է հրադադար, և խնդրահարույց է դարձել հայ-ադրբեջանական սահմանը, քանի որ սահմանն ընդլայնվել է, և պատերազմից հետո բոլոր քաղաքական ու ռազմական հարցերը չէ, որ լուծվել են»,- ասաց նա:

Նիդերլանդների խորհրդարանը ձայների գերակշիռ մեծամասնությամբ ընդունել է բանաձև, որով կոչ է անում կառավարությանը ջանքեր գործադրել, որպեսզի Եվրամիությունը պահանջի Ադրբեջանից՝ անմիջապես դուրս բերել ուժերը Հայաստանի տարածքից:

ԱՄՆ-ի նախագահ Ջո Բայդենը մտադիր է ռուսաստանցի իր պաշտոնակից Վլադիմիր Պուտինի հետ իր առաջին անձնական հանդիպումը հունիսի 15-16-ին անցկացնել Շվեյցարիայում:

Մայիսի 12-ին Սյունիքի և Գեղարքունիքի մարզեր ադրբեջանական զինվորականների ներխուժման ֆոնին սպասվում է Իրանի Իսլամական Հանրապետության արտաքին գերատեսչության ղեկավար Մոհամադ Ջավադ Զարիֆի այցը տարածաշրջան, մասնավորապես՝ Երևան և Բաքու:

ԱՄՆ-ի նախագահ Ջո Բայդենը Բելառուսում Ryanair-ի ինքնաթիռի հետ կապված միջադեպը որակել է «միջազգային նորմերին հասցված ուղղակի անարգանք» եւ հանձնարարել միջոցներ ձեռնարկել մեղավորներին պատասխանատվության ենթարկելու համար: