Բեյրութը կստանձնի Իսրայելի հետ համաձայնագրի կատարման պատասխանատվությունը. Ժոզեֆ Աուն
Լիբանանի նախագահ Ժոզեֆ Աունը շաբաթ օրն իր ամերիկացի գործընկեր Դոնալդ Թրամփին հայտնել է, որ լիբանանյան պետությունը կստանձնի Իսրայելի հետ վերջերս ձեռք բերված համաձայնագրի կատարման պատասխանատվությունը, հաղորդում է AFP-ն՝ հղում անելով Աունի գրասենյակի հայտարարությանը։
«Աունը հայտարարել է, որ լիբանանյան պետությունը կկատարի շրջանակային համաձայնագրի շրջանակում ստանձնած իր պարտավորությունները և հույս է հայտնել, որ Միացյալ Նահանգները կօգնեն կանխել համաձայնագրի ցանկացած խախտում և կապահովեն բոլոր պարտավորությունների կատարումը, մասնավորապես՝ Իսրայելի վրա ճնշում գործադրելով, որպեսզի ստիպեն նրան հեռանալ այն շրջաններից, որոնք նա օկուպացրել է Լիբանանի հարավում, ինչը կհեշտացնի լիբանանյան բանակի տեղակայումը մինչև միջազգային սահման», – ասվում է Լիբանանի նախագահի գրասենյակի հայտարարության մեջ։
Հեռախոսազրույցի ավարտին Թրամփն ասել է, որ մոտ ապագայում անհամբերությամբ սպասում է Վաշինգտոնում Աունի հետ հանդիպմանը, ասվում է հայտարարության մեջ։
