Հունաստանում պայթյուն է որոտացել պայթանյութեր արտադրող գործարանում
Պայթյուն է որոտացել պայթանյութերի արտադրության գործարանում, որը գտնվում է Արեւմտյան Մակեդոնիայի Գրեւենա քաղաքի մերձակայքում: Այդ մասին երկուշաբթի օրը հաղորդել է Հունաստանի հրշեջ ծառայությունը:
ERT հեռուստաընկերության նախնական տվյալներով՝ երեք մարդ անհետ կորել է, նրանք, հավանաբար, պահակներն են:
«Պայթունը եղել է շատ ուժգին: Այն զգացվել է նույնիսկ Գրեվենա քաղաքում, որը գտնվում է գործարանից 30 կիլոմետր հեռավորության վրա: Գործարանն ավերվել է»,-ասվում է հաղորդագրության մեջ:
Դեպքի վայր են ուղարկվել հրշեջներ եւ բնական աղետների դեմ պայքարի հատուկ ստորաբաժանումներ (ԵՄԱԿ), հաղորդել է ՌԻԱ Նովոստին:
