ԱՄՆ և Ռուսաստանի Դաշնության պատվիրակությունները ՄԱԿ-ում՝ ՌԴ արտգործնախարար Սերգեյ Լավրով այցի շրջանակում հանդիպումներ չեն նախատեսում:
ԼՂ-ից բռնի տեղահանված մեր հայրենակիցների կարիքների բավարարման համար ՀՀ բյուջեից արդեն իսկ ծախսվել է ավելի քան 160 միլիոն ԱՄՆ դոլար։ Նյու Յորքում ՄԱԿ-ի կայուն զարգացմանը նվիրված բարձր մակարդակի քաղաքական ֆորումի ժամանակ այս մասին ասել է ՀՀ ԱԳ նախարար Արարատ Միրզոյանը։
Ուկրաինայի դեմ Ռուսաստանի պատերազմը կավարտվի ոչ ուշ, քան մեկ տարի անց։ Նման կանխատեսմամբ է հանդես եկել Վրաստանի իշխող «Վրացական երազանք-Ժողովրդավարական Վրաստան» կուսակցության հիմնադիր և պատվավոր նախագահ Բիձինա Իվանիշվիլին՝ կուսակցության նախընտրական քարոզարշավի պաշտոնական բացման ժամանակ: Նրա խոսքով՝ «եթե Ամերիկայի նախագահի ընտրություններում հաղթեն հանրապետականները, պատերազմը կարող է ավարտվել արդեն հունվարին»:
ՌԴ պաշտպանության նախարարությունը հայտնել է, որ բանակցային գործընթացի արդյունքում ուկրաինական գերությունից վերադարձվել է 95 ռուսաստանցի զինծառայող։
Մեծ Բրիտանիան դարձել է եվրոպական առաջին պետությունը, որը հավանություն է տվել ընտանի կենդանիներին կերակրելու համար նախատեսված արհեստական մսի կոմերցիոն արտադրությանը։ Այս մասին հաղորդում է Financial Times (FT) պարբերականը։
Բրյուսելը և Կիևն ստորագրել են Ուկրաինայի ենթակառուցվածքային օբյեկտների վերակառուցման՝ 150 միլիոն եվրոյի համաձայնագիր։ Այս մասին հաղորդել է Բելգիայի արտաքին գործերի նախարարությունը։
Հայաստանի հետ վիզաների ազատականացման երկխոսություն սկսելու, ինչպես նաև Հայաստանին Եվրոպական խաղաղության գործիքակազմով աջակցություն տրամադրելու հարցերը ներառվել են Եվրոպական միության արտաքին հարաբերությունների խորհրդի (նախարարների խորհրդի) հուլիսի 22֊ի նիստի օրակարգում, այս մասին հայտարարել է ԱԺ եվրոպական ինտեգրման հարցերի մշտական հանձնաժողովի նախագահ Արման Եղոյանը:
Reuters գործակալությունը՝ վկայակոչելով դաշնային հանրապետության 2025 թվականի պետական բյուջեի նախագիծը, գրում է, որ 2025թ. Գերմանիան կիսով չափ կկրճատի Ուկրաինային տրամադրվող ռազմական օգնության ծավալը։
Մեծ Բրիտանիայի թագավոր Չառլզ 3-րդը կոնսորտ թագուհու՝ Կամիլայի հետ ժամանել է նոր գումարման խորհրդարանի նստաշրջանի բացմանը: Նրանք խորհրդարան են ժամանել ոսկեգույն կառքով, գրում է Daily Mail-ը:
Ռուսական ՀՕՊ համակարգերը նախորդ օրվա ընթացքում խոցել են ուկրաինական 59 անօդաչու թռչող սարք, HIMARS–ի 2 արկ և Hammer ավիառումբ: Այս մասին հայտնում է Ռուսաստանի պաշտպանական գերատեսչությունը։
ՌԴ 95 զինծառայող վերադարձել են Կիևի ռեժիմի վերահսկողության տակ գտնվող տարածքից։ Տեղեկությունը հայտնում է ՌԴ պաշտպանության նախարարությունը։
«Թրամփի նախագահության տարիներին Ռուսաստանի համար որևէ լավ բան չէր կատարվում, բայց գոնե երկխոսություն կար Մոսկվայի և Վաշինգտոնի միջև», – այսօր հայտարարել է Կրեմլի պաշտոնական ներկայացուցիչ Դմիտրի Պեսկովը։
Թուրքիայում ԱՄՆ դեսպան Ջեֆֆ Ֆլեյքը սեպտեմբերի 1-ին կավարտի իր դիվանագիտական առաքելությունը:
Տարիներ տևած բանակցություններից հետո Եվրամիությունն անդամ բոլոր երկրների դեսպանների մակարդակով հաստատել է Հայաստանի հետ վիզաների ազատականացման շուրջ բանակցություններ սկսելու՝ Եվրահանձնաժողովի առաջարկը։ Այս մասին հայտնում է «Ազատություն»-ը՝ հղում անելով իր դիվանագիտական աղբյուրներին։
Հունաստանում Հայաստանի Հանրապետության արտակարգ և լիազոր դեսպան Տիգրան Մկրտչյանը հանդիպել է Սալոնիկի քաղաքապետ Ստելիոս Անգելուդիսին։
Հայաստանի Հանրապետության արտաքին գործերի նախարար Արարատ Միրզոյանը հուլիսի 16-ին Նյու Յորքում հանդիպում է ունեցել Լիբանանի ԱԳ նախարար Աբդալլահ Բու Հաբիբի հետ:
Եվրամիության քաղաքական և անվտանգության հանձնաժողովը հաստատել է Հարավային Կովկասի և Վրաստանում ճգնաժամի հարցերով հատուկ ներկայացուցչի պաշտոնում Մագդալենա Գրոնոյի թեկնածությունը. նա այդ պաշտոնում կփոխարինի Տոյվո Կլաարին։ Այս մասին հայտնել է ԵՄ-ում Չեխիայի մշտական ներկայացուցչությունը։
«Առաջիկա շաբաթներին ԱՄՆ 45-րդ նախագահ, նախագահի հանրապետական թեկնածու Դոնալ Թրամփի դեմ նոր մահափորձ կարող է կազմակերպվել»,- Politico հանդեսի հետ զրույցում նշել են ամերիկյան հատուկ ծառայություններին մոտ կանգնած աղբյուրները։
ԵՄ երկրների մշտական ներկայացուցիչների կոմիտեն համաձայնեցրել է Ռուսաստանի դեմ 2014 թվականին սահմանված տնտեսական պատժամիջոցների հերթական երկարաձգումը կես տարով՝ մինչև 2025 թվականի հունվարի վերջ: Տեղեկությունը հայտնում է ՏԱՍՍ-ը՝ հղում անելով ԵՄ-ում դիվանագիտական աղբյուրին։
ԱՄՆ նախագահ Ջո Բայդենը նախընտրական արշավի շրջանակներում կորցնում է ընտրողների աջակցությունը 14 առանցքային նահանգներում, հայտնում է CNN հեռուստաալիքը՝ վկայակոչելով BlueLabs կազմակերպության ուսումնասիրությունը, որն անցկացվել է Դեմոկրատական կուսակցության համար:
Փարիզի քաղաքապետ Աննա Իդալգոն լողացել է Սենայում՝ քաղաքային վարչակազմի շենքից ոչ հեռու գտնվող առափնյա հատվածում։ Տեղեկությունը հայտնում է BFMTV-ն:
Չինաստանը որոշել է դադարեցնել ԱՄՆ-ի հետ սպառազինությունների վերահսկման և չտարածման շուրջ խորհրդակցությունները՝ ամերիկյան կողմից Թայվան կղզու վարչակազմին զենքի վաճառքի պատճառով։ Այս մասին ճեպազրույցի ընթացքում հայտնել է Չինաստանի արտաքին գործերի նախարարության պաշտոնական ներկայացուցիչ Լին Ցզյանը։
Ուկրաինայի հատուկ հանգամանքներում անհետ կորածների միասնական գրանցամատյանում ներկայում նշված է, որ որոնվում է անհետ կորած 42 000 մարդ։ Այս մասին հայտարարել է Ուկրաինայի ներքին գործերի նախարարության՝ հատուկ հանգամանքներում անհետ կորածների բաժնի ղեկավար Դմիտրի Բոգատյուկը։
«Վրացական կառավարության գործողությունները հիմնովին փոխել են հարաբերությունները ոչ միայն Միացյալ Նահանգների, այլև եվրոպական երկրների հետ», – մամուլի ասուլիսի ժամանակ ասել է Միացյալ Նահանգների Պետդեպարտամենտի խոսնակ Մեթյու Միլլերը։
Բելառուսի մաքսավորները կասեցրել են Եվրամիությունից Ռուսաստան 1 տոննայից ավելի թմրամիջոցների և հոգեմետ դեղերի մաքսանենգությունը։ Այդ մասին հայտնել է Բելառուսի պետական մաքսային կոմիտեի մամուլի ծառայությունը։
Հուլիսի 16-ին Նյու Յորքում ՄԱԿ-ի Անվտանգության խորհրդի՝ առավել արդար, ժողովրդավարական և կայուն աշխարհակարգի ստեղծման շահերից ելնելով բազմակողմ համագործակցության շուրջ բաց բանավեճի շրջանակում, տեղի է ունեցել հանդիպում Ռուսաստանի Դաշնության ԱԳ նախարար Սերգեյ Լավրովի և Իրանի Իսլամական Հանրապետության արտաքին գործերի նախարարի պաշտոնակատար Ալի Բաղերի Քանիի միջև, հայտնում է ՌԴ ԱԳՆ-ն:
ԱՄՆ-ն կշարունակի ռազմական համագործակցությունը Վրաստանի հետ` չնայած զորավարժությունների չեղարկմանը։ Այս մասին լրագրողների հետ հերթական ճեպազրույցում հայտնել է Պենտագոնի մամուլի քարտուղար Պատրիկ Ռայդերը։
Ադրբեջանի, Ղազախստանի, Ղրղզստանի, Տաջիկստանի և Ուզբեկստանի պաշտպանության նախարարները ծանոթացել են Ղազախստանի Մանգիստաուի մարզում անցկացվող «Բիռլեստիկ-2024» միջազգային տարածաշրջանային զորավարժությունների ընթացքին։ Այս մասին հաղորդել է Ղազախստանի ռազմական գերատեսչությունը։
Արևմուտքը ՄԱԿ-ի անվտանգության խորհրդի նիստերի շրջանակում հող է նախապատրաստում Ուկրաինայի հարցով Ռուսաստանի հետ բանակցությունների նոր հնարավորության համար։ Այս հայտարարությունն արել է ՌԴ ԱԳՆ պաշտոնական ներկայացուցիչ Մարիա Զախարովան:
ԱՄՆ նախագահ Ջո Բայդենը հայտարարել է, որ դուրս կգա նախագահական ընտրապայքարից, եթե բժիշկներն ասեն, որ նա առողջական լուրջ խնդիր ունի։ Այս մասին Սպիտակ տան ղեկավարն ասել է BET News-ին տված հարցազրույցում։
