Ամերիկյան հարվածներից վնասվել է Թեհրան-Մաշհադ երկաթգիծը

Իրանի իշխանությունները հայտարարել են, որ ԱՄՆ-ի հասցրած գիշերային հարվածների հետևանքով վնասվել է Թեհրանից դեպի երկրի հյուսիս-արևելքում գտնվող Մաշհադ քաղաք տանող երկաթուղային գծի մի հատվածը։ Ինչպես հաղորդում են իրանական լրատվամիջոցները, Թեհրան-Մաշհադ երկաթուղային գծով ուղևորատար գնացքների երթևեկությունը դադարեցվել է։

Դեպքի վայր են ուղարկվել տեխնիկական խմբեր, որոնք արդեն սկսել են վերականգնման աշխատանքները՝ նպատակ ունենալով երթուղին վերագործարկել «հնարավորինս կարճ ժամկետում»։ Ուղևորների տեղափոխումն իրականացվել է ավտոմոբիլային ճանապարհով։

Իրանի սրբազան քաղաքը համարվող Մաշհադում հուլիսի 9-ին նախատեսված է Իրանի հանգուցյալ հոգևոր առաջնորդ այաթոլլա Ալի Խամենեիի հուղարկավորությունը։ Սգո արարողությունները երկրում մեկնարկել էին մոտ մեկ շաբաթ առաջ։

Խամենեին, ինչպես նաև նրա ընտանիքի մի շարք անդամներ, զոհվել էին փետրվարի 28-ին Իրանի դեմ ԱՄՆ-ի և Իսրայելի կողմից սկսված ռազմական գործողությունների հետևանքով։