Տարածաշրջան

Էդգար Ղազարյանն ու Դավիթ Սարգսյանը «Երկու ճակատ» պոդկաստի հերթական թողարկմանն ամփոփում և վերլուծում են շաբաթական լրահոսը։

Վրաստանի իշխող մեծամասնությունը մտադիր չէ Սահմանադրությունից հանել Եվրամիության և ՆԱՏՕ-ի ինտեգրման մասին հոդվածը, հայտարարել է վարչապետ Իրակլի Կոբախիձեն՝ պատասխանելով լրագրողի հարցին։

«Ակնհայտ է, որ դրանում առկա է Արևմուտքի մեծ ազդեցությունը, որը հատկապես ներկայումս Երևանին թույլ չի տալու ազատություն ռուսական ուղղությամբ, չեմ կարծում, որ Երևանն էլ առանձնապես ցանկանում է կոնտակտներ ունենալ Մոսկվայի հետ։ Սակայն Երևանում հասկանում են նաև, որ որոշակի շփումներ պահել հարկավոր է, ելնելով ողջախոհության անհրաժեշտությունից, քանի որ աշխարհաքաղաքական իրողությունները կարող են արմատականորեն փոխվել, այդ թվում՝ Հարավային Կովկասում էականորեն»,- նման կարծիք հայտնեց քաղաքագետը։

Օգոստոսի 17-ին Թուրքիայում Արարատ լեռան գագաթը բարձրանալուց և իջնելուց հետո Հայաստանի 48-ամյա քաղաքացի Ա.Վ.-ի առողջական վիճակը հանկարծակի վատացել էր։ Կինը, ով կորցրել էր գիտակցությունը, տեղափոխվել էր Դողուբայազեթի Յաշար Էրյըլմազի անվան պետական հիվանդանոց։ Այս մասին տեղեկացնում է ermenihaber.am-ը։

Հայաստանի Անկախության հռչակագրի ընդունման 34-րդ տարեդարձի առթիվ իր ուղերձում Նիկոլ Փաշինյանը նշել է, որ 1990թ. օգոստոսի 23-ին ընդունված Անկախության հռչակագրին հղումը հետագայում՝ 1995 թվականին, տեղ գտավ և մինչև օրս առկա է Հայաստանի Հանրապետության Սահմանադրության նախաբանում, բայց «սա չի նշանակում, թե Անկախության հռչակագրի ողջ բովանդակությունը ներառված է ՀՀ Սահմանադրության մեջ և այս երկու փաստաթղթերի բովանդակությունը նույնական են»:

Քաղաքագետ Հրանտ Միքայելյանի խոսքով՝ ՌԴ նախագահն է Նիկոլ Փաշինյանին փոխանցում Ալիևի հետ հանդիպման արդյունքնները, քանի որ հայ-ադրբեջանական ուղիղ բանակցություններ, կարելի է ասել, այս պահին չկան։

Իրանի արտգործնախարար Աբբաս Արաղչին և ԵՄ արտաքին գործերի և անվտանգության քաղաքականության հարցերով բարձր ներկայացուցիչ Ժոզեպ Բորելը հեռախոսազրույցի ընթացքում քննարկել են Թեհրանի և Եվրոպայի հարաբերությունները, Գազայի հատվածում ընթացող պատերազմը և այլ հարցեր։ Այս մասին հաղորդում է Mehr լրատվական գործակալությունը։

Ադրբեջանում Վրաստանի դեսպան Զուրաբ Պատարաձեն ժամկետից շուտ հետ է կանչվել զբաղեցրած պաշտոնից, համապատասխան հրամանագիր է ստորագրել վարչապետ Իրակլի Կոբախիձեն, փաստաթուղթն ուղարկվել է նախագահի հաստատմանը, հայտնում են վրացական լրատվամիջոցները:

Շարունակում եմ լինել այն կարծիքին, որ այս պահին հայ-ադրբեջանական հարցը Ռուսաստանի համար ածանցյալ է, իսկ Պուտինի Բաքու այցի առանցքային նպատակը Հյուսիս-հարավ օրակարգն է:

Վրաստանի վարչապետ Իրակլի Կոբախիձեն հայտարարել է, որ եթե հոկտեմբերին կայանալիք խորհրդարանական ընտրություններում իշխող «Վրացական երազանք» կուսակցությունը սահմանադրական մեծամասնություն ստանա, ապա դատական գործընթաց կսկսի նախկին իշխող «Միասնական ազգային շարժում» կուսակցության արգելման համար. այդ ժամանակ ինքնաբերաբար հարց կբարձրանա այս կուսակցության ստացած պատգամավորական մանդատները չեղյալ հայտարարելու վերաբերյալ։

Վրաստանի նախկին նախագահ Միխեիլ Սաակաշվիլու «Միասնական ազգային շարժում» կուսակցությունը հակասահմանադրական կճանաչվի, իսկ քաղաքական այդ ուժի խորհրդարանականները կզրկվեն պատգամավորական մանդատից։ Այս մասին, ՌԻԱ Նովոստիի փոխանցմամբ, լրագրողներին հայտարարել է Վրաստանի վարչապետ Իրակլի Կոբախիձեն։

Այսօր առավոտյան տեղի է ունեցել Փաշինյան-Պուտին հեռախոսազրույցը։ Ինչպես ավելի վաղ Բաքու կատարած պետական այցի ընթացքում հաղորդել էր ՌԴ նախագահ Վլադիմիր Պուտինը, Ադրբեջանի նախագահ Իլհամ Ալիևի հետ բանակցությունների արդյունքները ՀՀ-Ադրբեջան գործընթացի վերաբերյալ կներկայացնի նաև Նիկոլ Փաշինյանին հեռախոսազրույցի միջոցով։

Ադրբեջանի բանակի հրթիռահրետանային զորքերի ստորաբաժանումները մարտական պատրաստության պարապմունքներ են անցկացնում՝ «Սմերչ» համազարկային կրակի ռեակտիվ համակարգի կիրառմամբ:

Ադրբեջանական բանակի հրթիռահրետանային զորքերի «Սմերչ» բազմակի հրթիռային համակարգերի ստորաբաժանումները մարտական պատրաստության վարժանքներ են անցկացնում, հայտնում է Ադրբեջանի պաշտպանության նախարարությունը։

Թուրք ուժայիններն ավելի քան 6 տասնյակ մարդու են ձերբակալել «Իսլամական պետություն» ահաբեկչական խմբավորման հետ առնչություն ունենալու կասկածով։

Ադրբեջանցի Քաբութար Բաբաևան Անթալիայում (Թուրքիա) ամուսնու հետ վեճից հետո իրեն նետել է գետը։ Ինչպես հաղորդում է թուրքական մամուլը, նրա ամուսինը՝ Թուրքիայի քաղաքացի Էմին Յապիչիլարը, անմիջապես դիմել է փրկարար ծառայությանը։

Ռազմական փորձագետ Դավիթ Ջամալյանն անհեթեթություն է որակում այս օրերին շրջանառվող այն տեսակետները, թե Ռուսաստանը վերակենդանացրել է «Զանգեզուրի միջանցք»-ի հարցը, և, որ դա բխում է ՌԴ շահերից:

Այս մասին Իվանիշվիլին ասել է Մցխեթայում երեկ կայացած նախընտրական հանդիպմանը։

ՌԴ նախագահ Վլադիմիր Պուտինի Բաքու այցից հետո ՌԴ ԱԳՆ պաշտոնական ներկայացուցիչ Մարիա Զախարովան ևս հայտարարեց՝ ՌԴ-ն պատրաստ է օգնել Երևանին և Բաքվին բարձր մակարդակով եռակողմ պայմանավորվածությունների համալիրի բոլոր ուղղություններով։

«30 տարի այս փաստաթղթի համար որևէ մեկը որևէ բողոք չի ներկայացրել, նման բան չի արել որևէ երկիր կամ միջազգային կազմակերպություն։ Հռչակագրի վերաբերյալ մենք ունեինք ամբողջական կոնսենսուս և՛ ներսում, և՛ դրսում։ Միայն այս իշխանության օրոք է, որ հանկարծ ծլեց Հռչակագրի խնդիրը, որի հիմքը հանդիսացավ պատերազմում պարտությունը և գլուխ բարձրացրեցին Թուրքիան և Ադրբեջանը»,- ասաց Արամ Մանուկյանը։

Ադրբեջանը, մի կողմ դնելով իր հետևողական սպառազինվելու փաստը (ընդ որում՝ հարձակողական բնույթի զինատեսակներով), ինչպես նաև՝ Թուրքիայի հետ ռազմատեխնիկական և ռազմարդյունաբերական ծրագրերը, վերջին շրջանում դարձյալ թիրախում է պահում Հայաստանի զինվելու հանգամանքն ու պայմանավորվածությունները:

Իրանի նախկին նախագահ Էբրահիմ Ռայիսիի այրին՝ Ջամիլե Սադաթ Ալամոլհոդան, քննադատել է արևմտյան ԶԼՄ-ներին՝ հայտարարելով, որ Արևմուտքը Իրանի վախեցնող կերպար է ստեղծել մեդիայի միջոցով:

Իսկ մի քանի, իբր թե արևմտամետ, դիզերտիրներ ձվեր են նետում բելառուսական դեսպանատան ուղղությամբ։ Տղա՞ եք, ձու ունե՞ք, դրանք նետեք Փաշինյանի կառավարության ուղղությամբ։

Ադրբեջանի նախագահ Իլհամ Ալիևը կնոջ՝ Մեհրիբան Ալիևայի հետ պետական ​​այցով ժամանել է Տաշքենդ, օդանավակայանում նրանց դիմավորել է Ուզբեկստանի վարչապետ Աբդուլլա Արիպովը։ Այս մասին հաղորդում է ՏԱՍՍ-ը։ Այցի ծրագրի համաձայն՝ Տաշքենդում տեղի կունենան բարձր մակարդակի բանակցություններ և Բարձրագույն միջպետական ​​խորհրդի առաջին նիստը՝ Ուզբեկստանի և Ադրբեջանի ղեկավարների նախագահությամբ։

Հոկտեմբերին Վրաստանի խորհրդարանի ընտրությունը շատ կարևոր նշանակություն կունենա Կովկասի համար: Ավելին, այդ ընտրության արդյունքը ավելի մեծ նշանակություն կունենա Կովկասի համար, քան նոյեմբերին կայանալիք ԱՄՆ նախագահի ընտրությունը: Սա ասում եմ մի փոքր հարաբերականությամբ, որովհետև, մեծ հաշվով, ԱՄՆ դիրքորոշումն է լինելու Վրաստանում իրադարձությունների առանցքային կատալիզատորներից մեկը, հետևաբար, կախված դիրքորոշումից, ձևավորվելու է նաև քաղաքական արդյունքը:

Թուրքիայի արտգործնախարար Հաքան Ֆիդանը կայցելի Բրյուսել՝ մասնակցելու ԵՄ խորհրդի ոչ պաշտոնական հանդիպմանը։ Սա Եվրամիության կողմից առաջին նման հրավերն է Թուրքիային վերջին հինգ տարվա ընթացքում։ Այս մասին տեղեկացնում է ՏԱՍՍ գործակալությունը:

Թուրքիայի և Իրաքի միջև անվտանգության ոլորտում հուշագիրը չի նախատեսում թուրքական զինված ուժերի ներկայության դադարեցում Իրաքի տարածքում։ Այս մասին ասված է Թուրքիայի նախագահի վարչակազմի Ապատեղեկատվության դեմ պայքարի կենտրոնի հաղորդագրության մեջ։

Թուրքիայում Վաշինգտոնի համալսարանի Մերձավոր Արևելքի հետազոտական ինստիտուտի աշխատանքների համակարգման կենտրոնի տնօրեն Գյոնուլ Թոլն անդրադարձել է Աքքույու ատոմակայանի գործունեությանը:

Թուրքիայի նախագահ Ռեջեփ Թայիփ Էրդողանի գլխավորությամբ օգոստոսի 25-ին կգումարվի երկրի հերթական կառավարության նիստը:

«Օգոստոսի 21-ին «Վրացական երազանք»-ի նախընտրական միջոցառման ժամանակ կուսակցության նախագահ Բիձինա Իվանիշվիլիի ելույթի ընթացքում անվտանգության միջոցառումներն ուժեղացվել են «աճող ռիսկերի» պատճառով»,- միջոցառումից հետո լրագրողներին ասել է Վրաստանի վարչապետ Իրակլի Կոբախիձեն։