Արթուր Օսիպյանն ազատ արձակվելուց հետո հայտարարել է Հայաստանի վարչապետ Նիկոլ Փաշինյանի դեմ դատական հայցի մասին
«Այն հարցերն ու փաստերը, որոնք ես հնչեցրել եմ Փաշինյանին, բացարձակապես անհերքելի են, և երբ բանը հասավ գործին, նա փաստարկների բացակայության պատճառով պարզապես հունից դուրս եկավ»։ Հունիսի 10-ին քրեակատարողական հիմնարկի շենքի մոտ լրագրողների հետ զրույցում այդ մասին հայտարարել է արցախցի Արթուր Օսիպյանը՝ մեկնաբանելով իր կալանավորումը կառավարության ղեկավարի հետ հրապարակային վեճից հետո։ Օսիպյանը նշել է, որ վարչապետի հետ զրույցում բարձրացրել է սուր թեմաներ՝ Ղարաբաղի շուրջ կուլիսային բանակցությունների, բազմամիլիարդանոց կոռուպցիայի և ադրբեջանցի փախստականների հայելային վերադարձին իշխանությունների համաձայնության առնչությամբ, ինչին ի պատասխան Փաշինյանը միայն անհիմն կերպով մեղադրել է իրեն «թշնամական թեզեր» տարածելու և նախկին պաշտոնյաների հետ կապեր ունենալու մեջ։ Արթուր Օսիպյանն ընդգծել է, որ մտադիր է իրավաբանների հետ միասին զրպարտության համար դատի տալ Նիկոլ Փաշինյանին և ստիպել նրան հրապարակայնորեն հերքել իր հայտարարությունները։ Բացի դրանից, Օսիպյանն ուշադրություն է հրավիրել բանտում առկա անտանելի կենցաղային պայմանների վրա՝ խոնավություն, բորբոս և կոյուղու կայուն հոտ, որոնց պատճառով իր առողջական վիճակը վատացել է։
Որոշումն ուղարկվել է ՀՀ ԱՆ «Նուբարաշեն» քրեակատարողական հիմնարկ՝ անձին անհապաղ ազատ արձակելու նպատակով:
Հիշեցնենք, որ Արթուր Օսիպյանը ձերբակալվել է 2026թ․ մայիսի 18-ին Նիկոլ Փաշինյանի հետ վիճաբանությունից հետո, երբ քարոզարշավի ժամանակ մոտեցել էր վարչապետին և քննադատել նրան։ Նիկոլ Փաշինյանը կոշտ բառապաշարով հակադարձել էր Օսիպյանին․ «… Ռադդ քաշի, համբալի մեկը: «Արթուր Օսիպյանն եմ», գլուխդ պատին ես տվել, գնայիր զոհվեիր մեր էրեխեքի տեղը: «Արթուր Օսիպյանն եմ», թալանչի անասուններ: Դու խի՞ ես կենդանի, որ մի հատ էլ հինգ հազար զոհի մասին ես խոսում, ա՛յ տականք»,- ասել է վարչապետ Փաշինյանը:
Կալանավորվելուց հետո Օսիպյանն առ այսօր հացադուլի մեջ էր։
