Տարածաշրջան

Ադրբեջանի Ղազախի շրջանի Խանլգար գյուղի բնակիչներից մեկը գյուղատնտեսական աշխատանքներ կատարելու ժամանակ մահացել է ականի պայթյունից: Այս մասին հայտնում է ադրբեջանական «Թուրան» լրատվական գործակալությունը:

Թուրքիայի աջ ծայրահեղական «Ազգայնական շարժում կուսակցության» (MHP-ԱՇԿ) նախագահ Դևլեթ Բահչելին անդրադարձել է քրդական հարցին, որը վերջին օրերին թուրքական մեդիատիրույթի օրակարգում է:

Թուրքիան Ռուսաստանի Դաշնության և Ադրբեջանի հետ նոր գազային պայմանագրեր է քննարկում: Այս մասին «Ինտերֆաքս»-ի փոխանցմամբ՝ Gastech համաժողովի շրջանակներում լրագրողներին ասել է Թուրքիայի էներգետիկայի փոխնախարար Ալփարսլան Բայրաքթարը:

Նա նաեւ նշել է միջուկային գործարքի եւ ամերիկյան պատժամիջոցների չեղարկման շուրջ Վիեննայի բանակցությունների արդյունավետ լինելը, հավելելով, որ Իրանի հետ Արեւմուտքի դիմակայությունը վերացել է, եւ այժմ ԳՀՀԾ-ի բոլոր կողմերը պետք է վերադառնան գործարքի կատարմանը: Իրանն արդեն 40 տարի գտնվում է ԱՄՆ-ի առեւտրա-տնտեսական պատժամիջոցների ներքո:

Թուրքիայի նախագահ Ռեջեփ Թայիփ Էրդողանը Նյու Յորքում ՄԱԿ-ի գլխավոր վեհաժողովի 76-րդ նստաշրջանում խոսել է Ղրիմից: Նա հայտնել է,որ Թուրքիան չի ճանաչում Ղրիմի կցումը Ռուսաստանին և աջակցում է Ուկրաինայի տարածքային ամբողջականությանը: Այս մասին տեղեկացնում է ermenihaber.am-ը։

Միացյալ Նահանգների պետքարտուղար Էնթոնի Բլինկենը ՄԱԿ-ի Գլխավոր ասամբլեայի շրջանակում Թուրքիայի արտգործնախարար Մևլյութ Չավուշօղլուի հետ քննարկել է իրադրությունը Լեռնային Ղարաբաղում:

«Financial Times» միջազգային գործարար թերթում աֆղան փախստականների հարցերի վերաբերյալ վերլուծական հոդված է հրապարակվել, որում անդրադարձ կա նաև խնդրի վերաբերյալ Թուրքիայի նախագահ Ռեջեփ Թայիփ Էրդողանի մեկնաբանություններին։ 

Նա շեշտեց՝ գաղտնիք չէ, որ արցախյան երկրորդ պատերազմի ժամանակ Հայաստանը իրական ճանապարհով էր ռուսական ռազմամթերք ստանում. «Գաղտնիք չէ, որ արցախյան առաջին պատերազմին սա էր մեր փրկության ճանապարհը, որտեղով Հայաստանը պարեն էր ստանում: Հիմա մենք այդ ճանապարհն էլ ենք զիջել թշնամուն: Եվ Աստված չանի՝ վաղը նորից պատերազմական իրավիճակ ստեղծվի, իրենք շատ հանգիստ կարող են այդ ճանապարհը փակել, և վերջ»:

«Իրանի Գարմիի և Մուղանի շրջաններից խորհրդարանի պատգամավոր Վալի Էսմայիլին պատասխանել է Ադրբեջան կոչվող արհեստածին կազմավորման պատգամավորներից մեկի լկտի հայտարարությանն այն մասին, որ իբր «Ադրբեջանը կկտրի իրանական առյուծի պոչը»։

Իրանի արտաքին գործերի փոխնախարար Մոհամմադ Քազիմ Սաջապուրը սեպտեմբերի 21–ին այցելելու է Ադրբեջան։ Այս մասին ասված է Ադրբեջանում Իրանի դեսպանատան տարածած հայտարարության մեջ։

Հայ ժողովուրդն իր պատմության ողջ ընթացքում ապրել է էլ ավելի ծանր ժամանակահատվածներ, սակայն կարողացել է կազմակերպվել և իր հավաքական կազմով ելքեր գտնել այդ ծանր իրավիճակներից, ուստի, շնորհավորելով ողջ հայ ժողովրդին մեր անկախության 30-ամյակի կապակցությամբ, ուզում եմ մաղթել մեկ բան՝ երբեք չընկճվել ու հստակ գիտակցել անկախության արժեքը. այդ գիտակցումը մեզ դուրս կհանի ստեղծված իրավիճակից։

«Ես մի տարի է՝ ասում եմ՝ վարչապետ Փաշինյանը, որ ղեկավարն է ջախջախիչ պարտություն կրող կողմի, չի կարող շարունակել իր պաշտոնավարումը: Որևէ երկրում՝ նույնիսկ ամենահետամնաց երկրներում, եթե ղեկավարն այդպիսի մեծ ձախողության պատասխանատուն լիներ, ինքնակամ, առանց ճնշումի, առանց պահանջի ու ցույցերի, նույն օրը հրաժարականը կտար և թույլ կտար, որ մի նոր ղեկավար գար պաշտոնի և փորձեր ուղղել ու փրկել այն, ինչ փոքր չափով կարելի էր փրկել այսքան մեծ կորստից հետո»:

2021թ․ օգոստոսի 29-ին «Ազատություն» ռ/կ-ին տված հարցազրույցում ՀՀ ԱԽ քարտուղար Արմեն Գրիգորյանը նշել էր, որ Արտաքին հետախուզական ծառայություն Հայաստանը մինչ այսօր էլ ունեցել է, որը գործել է ԱԱԾ կառույցի ներսում։

Հայաստանի Անկախության տոնի կապակցությամբ Թբիլիսիի հեռուստաաշտարակը լուսավորվել է Հայաստանի Հանրապետության դրոշի գույներով:

Թուրքական հանքարդյունաբերական CS Global ընկերությունն Ամերիկայի Միացյալ Նահանգների (ԱՄՆ) Արևմտյան Վիրջինիա նահանգում 10 միլիոն դոլար ներդրում է կատարելու։ Այս մասին տեղեկացնում է ermenihaber.am-ը։

Այս ֆոնին հայտնվում է տեղեկություն, որ իրանցի զինվորականները զգալի ուժեր են տեղափոխում Ադրբեջանի հետ սահման: Արաքս գետի տարածքում նախատեսվում է անցկացնել խոշոր վարժանքներ, գրում է «Ռազմական դիտորդ» տելեգրամյան ալիքը:

Պատկերացնո՞ւմ եք, եթե մեզ մոտ դպրոցներում պարտադրվեր, որ աշակերտական տետրերի վրա պետք է լինեն Բեկորի, Պետոյի, Դուշման Վարդանի, Վազգենի ու Մոնթեի նկարները։

«Նիկոլ Փաշինյանի մամուլի քարտուղարն իր խուսափողական պատասխանով հաստատեց, որ Փաշինյանը փորձել է գավառական շուստրիությամբ խաղ խաղալ, բայց աղվեսը երկու ոտքով է հայտնվում թակարդում, և Փաշինյանը հայտնվել է թակարդում, որովհետև սա ինքնին դիվանագիտական սկանդալ է, առնվազն այն առումով, որ փորձել է գաղտնի շփումներ հաստատել Թուրքիայի ղեկավարության հետ՝ շրջանցելով և՛ ռազմավարական դաշնակից Ռուսաստանին, և՛ ՄԽ համանախագահ երկրներին»:

«Այս անձնավորությունը փորձելու է շուստրիություն անել և Թուրքիայի հետ հարաբերություններ հաստատել՝ ընդունելով նրանց նախապայմանները, ինքը դառնալու է Թուրքիայի կամակատար հնազանդ հարսը, իսկ նման Հայաստանի համար Թուրքիան այլևս սպառնալիք չի դիտարկվի, և այդժամ հարց է դրվելու ռուսական 102-րդ ռազմաբազայի՝ ՀՀ-ից հեռացնելու։ Ինչպես ասել եմ ընտրություններից առաջ, նույնը կրկնում եմ հիմա՝ ով Փաշինյանին ձայն է տվել՝ ձայն է տվել Հայաստանի՝ թրքացման ու թրքական վիլայեթի վերածման:

168.am-ի հետ զրույցում թուրքագետ Տիրան Լոքմագյոզյանն անդրադառնալով Էրդողանի հայտարարությանը և հարցին՝ ի՞նչ նպատակ է նա հետապնդում՝ բացահայտելով Փաշինյանի գաղտնի մեսիջները, պատասխանեց, որ Էրդողանն այդ ամենը բացահայտել է, քանի որ վաղ թե ուշ  այդ մասին իմանալու են։

ՌԴ-ում տեղի ունեցած եռօրյա խորհրդարանական ընտրություններից ժամեր առաջ ռուս ընդդիմադիր գործիչ Ալեքսեյ Նավալնիի հիմնադրամը հրապարակեց հերթական սկանդալային հետաքննությունը: Այս անգամ Նավալնիի հետաքննության հերոսը ՌԴ ԱԳ նախարար Սերգեյ Լավրովն էր, ով, 17 տարի է՝ գլխավորում է ՌԴ արտաքին քաղաքական գերատեսչությունը:

Եռակողմ աշխատանքային խմբում չի քննարկում Հայաստանի տարածքով դեպի Նախիջևան միջանցք բացելու հարց: Այս մասին լրագրողների հետ ճեպազրույցում ասաց ՌԴ փոխվարչապետ Ալեքսեյ Օվերչուկը՝ պատասխանելով լրագրողի ճշտող հարցին:

Մի քանի օրից կլրանա Արցախյան վերջին՝ 44-օրյա պատերազմի մեկ տարին: Այս համատեքստում, թերևս, տեղին է ևս մեկ անգամ հիշել պատերազմից 26 օր առաջ ՀՀ անվտանգության խորհրդի քարտուղար Արմեն Գրիգորյանին ՀԱՊԿ գլխավոր քարտուղար Ստանիսլավ Զասի ուղարկած «գաղտնի» նամակը, որը 2020-ի դեկտեմբերին հրապարակեց Սուրբ Աթոռում ՀՀ նախկին դեսպան Միքայել Մինասյանը:

Կապան-Գորիս ճանապարհի նորահայտ ադրբեջանական ոստիկանների վերջին սադրիչ գործողությունները չեն սահմանափակվում միայն իրանական բեռնատարների համար արգելքներ ստեղծելով. Վերջին օրերին շատերին ցնցեց տեսանյութը, երբ զինված ադրբեջանցին կանգնեցնում է Արցախ վերադարձող երեխաների ավտոբուսը, ավտոբուսի վրայից դանակով քերում Արցախի դրոշը և ինքնագոհ ասում, որ Արցախն Ադրբեջան է:

Թուրքիայի նախագահ Ռեջեփ Էրդողանի այցը Ռուսաստան նախապատրաստվում է, այսօր հայտարարել է Կրեմլի խոսնակ Դմիտրի Պեսկովը։

«Պետք է հաղթահարվի այն, ինչն այսօր ամենաողբերգականն է՝ վախը։ Ժողովուրդը և՛ բարոյալքված է, և՛ հուսալքված։ Եթե չհաղթահարվեն, ոչինչ հնարավոր չի լինի անել»,- ասաց Միհրանյանը:

Երեկ թշնամական Թուրքիայի ղեկավարից տեղեկացանք, որ Հայաստանի վարչապետի պաշտոնը զբաղեցնող անձը միջնորդավորված կերպով նրանից հանդիպում է խնդրել։ Արհամարհելով դիվանագիտական նրբությունները՝ Էրդողանն այդ մասին հայտարարեց և ի ցույց դրեց Հայաստանի ղեկավարության նկատմամբ իր հրամայական ու անհարգալից կեցվածքը։ Հատկանշական է, որ թուրքական նախորդ նախապայմաններին արդեն հրապարակավ գումարվել է նորը՝ Սյունիքի միջով թյուրքական աշխարհն իրար կապող միջանցքի տրամադրումը։

Մեկ բան եմ ուզում ասել ՀՀ-ում բնակվող հայրենակիցներին՝ եթե ուզում էին չեղարկել այդ տոնակատարությունը, պետք է վարվեին այնպես, ինչպես նախորդ տարվա դեկտեմբերին վարվեցինք Արցախում, երբ Աննա Հակոբյանը փորձում էր Ստեփանակերտում Ամանոր նշել։ Հանրությունը, նաև քաղաքական ուժերը հավաքվեցին և տեղադրված տաղավարները հանեցին։ Այսինքն՝ Հայաստնում հասարակությունը չպետք է գնար Նիկոլի օրակարգով։ Գունագեղ տոնակատարությունն անամոթություն էր, որից չպետք է զարմանալ, որ կանեին այս իշխանությունները»,- նշեց Մետաքսե Հակոբյանը։

Դատելով պարսկալեզու աղբյուրների տարածած նյութերից, այն ընդգրկում է Ադրբեջանի թալիշաբնակ շրջանների հետ իրանական սահմանի գրեթե ողջ երկայնքը։

Գեղամ Մանուկյանը ֆեյսբուքյանիր էջում գրում է․ «Էրդողանի աղմկահարույց հայտարարությունից հետո մեկ օրյա քար լռություն պահելուց հետո վերջապես առաջին պաշտոնական մեկնաբանությունն է հնչել Հայաստանի կառավարությունից։