Երբ ես Ֆրանսիայում էի, առաջարկ հնչեց, որ հանդիպումն անցկացվի 2+3 ձևաչափով, այսինքն՝ հակամարտող երկու կողմերն ու համանախագահ երկրների նախարարները։ Ինչպես հայտնում է ադրբեջանական APA գործակալությունը, այդ մասին ՀԱՀ-ի իր գործընկերոջ հետ հանդիպումից հետո կայացած մամուլի ասուլիսի ժամանակ հայտարարել է Ադրբեջանի ԱԳՆ ղեկավար Էլմար Մամեդյարովը։
Թուրքիայի դատախազությունը մեղադրանք է առաջադրել Դիարբեքիրի նախկին քաղաքապետ Գյուլթան Քըշանաքին՝ պահանջելով նրան դատապարտել 230 տարվա ազատազրկման «ահաբեկչական գործունեություն» ծավալելու համար։
Գերմանիայի ԱԳՆ ղեկավար Ֆրանկ-Վալտեր Շտայնմայերը կոչ է արել Ռուսաստանի և Սիրիայի ղեկավարությանը հրաժարվել այն թյուր պատկերացումից, թե Հալեպի գրավումը կարող է վճռական հաղթանակ լինել պատերազմում։
Ադրբեջանի Միլի մեջլիսի (խորհրդարան) խոսնակ Օգթայ Ասադովը կոչ է արել պատգամավորներին լրջորեն վերաբերվել ԶԼՄ-ներին տրվելիք հարցազրույցների հարցին, հայտնում է haqqin.az-ը։
Սիրիացի ապստամբները կորցրել են արևելյան Հալեպի կարևորագույն հենակետի կեսը։ Հիմա նրանք գիտեն՝ ԱՄՆ նոր նախագահը իրենց օգնություն չի ցուցաբերի, գրում է The Times պարբերականի քաղաքական մեկնաբան Բել Թրյուն։
Իրանի ԱԳՆ ղեկավարի խորհրդական Հոսեյն Շեյխոլէսլամը Sputnik Persian-ին տված հարցազրույցում հայտարարել է, որ Թեհրանը պատրաստ է դարձյալ Իրանի Համադանի օդանավակայանը տրամադրել ռուսական ռազմատիեզերական ուժերին պայմանով, որ դա կպահանջի Սիրիայի վիճակը։
Ադրբեջանի և Իրանի միջև երկկողմ հարաբերություններն են այսօր քննարկվել Ադրբեջանի նախագահ Իլհամ Ալիևի և Իրանի կապի նախարար Մահմուդ Վաեզիի հանդիպման ժամանակ, հայտնում է contact.az-ը։
Շարունակվում են Բելառուսի նախագահ Ալեքսանդր Լուկաշենկոյի հանդիպումները Բաքվում, հայտնում է ԲԵԼՏԱ գործակալությունը։
Արևելյան Հալեպի տարածքը, որտեղ ապրում է ավելի քան 90 հազար մարդ, կեսօրի դրությամբ ամբողջությամբ ազատագրվել է զինյալներից, հայտնում է Սիրիայում Հակամարտող կողմերի հաշտեցման ռուսական կենտրոնը։
Իրանում սպանվել է ԴԱԻՇ-ի հրամանատարներից մեկը, հայտնում է APA գործակալությունը՝ վկայակոչելով Իրանի անվտանգության նախարար Մահմուդ Ալևիին։
Ադրբեջանի պաշտպանության նախարար Զաքիր Հասանովը ուղևորվել է ՌԴ՝ մասնակցելու նոյեմբերի 30-ին Մոսկվայում կայանալիք ԱՊՀ անդամ պետությունների պաշտպանության նախարարների խորհրդի հերթական նիստին, հայտնում է APA գործակալությունը։
Թուրքիայի վարչապետ Բինալի Յըլդըրըմը դեկտեմբերի 6-7-ը պաշտոնական այց կկատարի Ռուսաստան, ասվում է Թուրքիայի վարչապետի կայքում։ Այս մասին տեղեկացնում է RIA Novosti-ն։
Ադրբեջանի նախագահ Իլհամ Ալիևը երեկ Բելառուսի նախագահ Ալեքսանդր Լուկաշենկոյի հետ մի շարք փաստաթղթերի ստորագրումից հետո մամուլի առաջ հանդես է եկել հայտարարությամբ, հայտնում է ադրբեջանական APA գործակալությունը։
Ադրբեջանն ու Բելառուսը հանդես են գալիս Լեռնային Ղարաբաղի հակամարտության կարգավորման օգտին՝ համաձայն միջազգային իրավունքի չափանիշների։ Ինչպես հայտնում է ԲԵԼՏԱ գործակալությունը, այս մասին ասվում է Ադրբեջանի և Բելառուսի նախագահներ Իլհամ Ալիևի և Ալեքսանդր Լուկաշենկոյի համատեղ հայտարարության մեջ, որն ընդունվել է նոյեմբերի 28-ին Բաքվում կայացած բանակցությունների արդյունքով։
Միջազգային կոալիցիայի ռազմաօդային ուժերը հարվածներ են հասցրել Իրաքի Մոսուլ քաղաքի հյուսիսում գտնվող ԴԱԻՇ-ի դիրքերին։
Ռուսաստանի ռազմատիեզերական ուժերն ու Սիրիայի նախագահ Բաշար Ասադի ավիացիան հարվածներ են հասցրել արևելյան Հալեպի շրջաններին, ինչի հետևանքով սպանվել է 30, վիրավորվել 250 մարդ, հայտնում է «Անադոլու» գործակալությունը։
Արևելյան Հալեպի անկումը դեռ չի նշանակում Սիրիայի նախագահ Բաշար Ասադի դեմ պայքարի ավարտ, BBC-ի հետ զրույցում հայտարարել է Սիրիայի ընդդիմության Բարձրագույն բանակցային կոմիտեի անդամ Ջորջ Սաբրան։
«Հարցը քմծիծաղ է առաջացնում յուրաքանչյուր գիտակից մարդու մոտ: Իսկապես չի կարելի այդքան արհամարհել սեփական ժողովրդին, այդքան քամահրանքով վերաբերվել ինքդ քո ասածին: Կարելի՞ է այդպես ցուցադրական արհամարհել իրականությունը, չէ՞ որ մենք դրա մեջ ենք ապրում, և յուրաքանչյուրը տեսնում է դա»,- 168.am-ի հետ զրույցում հայտարարեց ՀԱԿ խմբակցության քարտուղար Արամ Մանուկյանը` մեկնաբանելով նախկին ու ներկա վարչապետներ Հովիկ Աբրահամյանի և Կարեն Կարապետյանի ու ՀՀ նախագահ Սերժ Սարգսյանի գնահատականները Հայաստանի տնտեսության իրավիճակի վերաբերյալ:
«Էրդողանը հաշվեհարդար է տեսնում իր բոլոր քաղաքական և ոչ քաղաքական հակառակորդների հետ իբր գյուլենականների հետ կապ ունենալու համար»,- ասաց Անուշ Հովհաննիսյանը։
Վրաստանում ընդդիմադիր 9 կուսակցությունները հրապարակել են միասնական հայտարարություն, որում երկրում կայացած խորհրդարանական ընտրությունները որակում են անօրինական, հաղորդում է RIA Novosti-ն։
Ստամբուլի դատախազությունը առաջ է քաշել առաջին մեղադրական եզրակացությունը հուլիսի 16-ի ռազմական հեղաշրջման փորձի մասնակից զինծառայողների նկատմամբ, նրանց սպառնում է ցմահ ազատազրկում, հայտնում է թուրքական NTV հեռուստաալիքը։
Ադրբեջանական APA գործակալությունը, հղում կատարելով Ադրբեջանի ԱԳՆ մամուլի ծառայության ղեկավար Հիքմեթ Հաջիևին, հայտնում է, որ Ադրբեջանի ԱԳՆ-ն իր «անցանկալի անձանց» ցուցակում է ներառել Արցախի Հադրութի շրջանում գտնվող «Ազոխի քարանձավ» պետական բնապատմական արգելոց այցելած եվրոպացի գիտնականների անունները։
Թուրքիայի արտգործնախարար Մևլյութ Չավուշօղլուն կոչ է արել Ռուսաստանին ամբողջությամբ հանել ռուսական շուկա թուրքական պարենի մատակարարման բոլոր սահմանափակումները։ Այս մասին Չավուշօղլուն ՌԴ ԱԳՆ ղեկավար Սերգեյ Լավրովի՝ Թուրքիա կատարելիք այցի նախօրեին հայտարարել է TASS-ին տված հարցազրույցում։
Վրաստանի վարչապետ Գեորգի Կվիրիկաշվիլին հրաման է ստորագրել նախարարների նորացված կաբինետի անդամների նշանակման մասին, հայտնում է «Գրուզիա օնլայնը»։
Բելառուսի նախագահ Ալեքսանդր Լուկաշենկոն պաշտոնական այց է կատարում Ադրբեջան։ Ինչպես հայտնում են բելառուսական լրատվամիջոցները, Լուկաշենկոյի ինքնաթիռն արդեն դուրս է եկել Մինսկի օդանավակայանից։
Թուրքիայի արդարադատության նախարար Բեքիր Բոզդաղը խիստ քննադատել է Եվրախորհրդարանի որոշումը, որը վճռել էր կասեցնել Եվրամիությանը Անկարայի անդամակցության բանակցությունները, հայտնում է «Անադոլու» գործակալությունը։
Թուրքիայի և Իսրայելի նախագահներ Ռեջեփ Էրդողանն ու Ռեուվեն Ռիվլինը հեռախոսազրույց են ունեցել, որի ընթացքում քննարկել են օրինագիծը, որը արգելում է ազանը բարձրախոսի միջոցով հնչեցնել Իսրայելում, հայտնում է «Անադոլու» գործակալությունը։
Սիրիայի նախագահ Բաշար Ասադի բանակը կարողացելէ զգալիորեն առաջանալ քաղաքի արևելյան հատվածի խորքը, որը գտնվում է ապստամբների վերահսկողության ներքո, հայտնում է BBC-ն։
Վլադիմիր Պուտինն արդեն հավանություն է տվել ՌԴ կառավարության առաջարկին՝ Հայաստանի ու Ռուսաստանի միջև համապատասխան պայմանագիր ստորագրելու վերաբերյալ։
«Ո՞ր դարում ենք մենք ապրում: Ինչո՞ւ հիվանդանոցում չկա գեներատոր՝ հոսանքազրկման ժամանակ աշխատելու համար»,- զարմանում է մահացած երեխաների տատիկը: