ՀՀ ԱԳ նախարարի տեղակալ Շավարշ Քոչարյանն անդրադարձել է Թուրքիայի ԱԳ նախարարի հայատարարություններին` նշելով, որ նա շահարկելով իսլամական համերաշխությունը, վտանգավոր փորձ է կատարում ինքնորոշված Լեռնային Ղարաբաղի դեմ Ադրբեջանի ռազմական գործողությունները արհեստականորեն ներկայացնել որպես կրոնական հակամարտություն:
Եվրախորհրդարանի Կանաչներ/Եվրոպական ազատ դաշինքի ներկայացուցիչ Ժոզեֆ-Մարիա Տերիկաբրասը (Իսպանիա) ելույթ է ունեցել ԵԽ լիագումար նիստում` պահանջելով Լեռնային Ղարաբաղի ներկայացուցիչներին ներառել Մինսկի խմբի շրջանակում ընթացող բանակցություններում:
Գերմանիայում խոսքի ազատությունը գործում է՝ անկախ այն խնդիրներից, որոնք քննարկվում են Թուրքիայի հետ, երեքշաբթի Բեռլինում կայացած մամուլի ասուլիսի ժամանակ հայտարարել է Գերմանիայի կանցլեր Անգելա Մերկելը, տեղեկացնում է RIA Novosti-ն:
Պարոն Չիթչիանը Հովիկ Աբրահամյանին է փոխանցել Իրանի նախագահի առաջին տեղակալ Էսհաղ Ջահանգիրիի ջերմ ողջույնները և կարևորել Երևանում էներգետիկ համագործակցությանը նվիրված Հայաստան-Իրան-Վրաստան-Ռուսաստան քառակողմ հանդիպումը: ԻԻՀ էներգետիկայի նախարարը նշել է, որ նման ձևաչափով համագործակցության զարգացումը նպաստում է տարածաշրջանային ինտեգրացիայի խորացմանը, էներգետիկ կայունության բարձրացմանը և տարածաշրջանային անվտանգության ամրապնդմանը:
«Ռազմական վերջին գործողությունները հանգեցրին այն իրավիճակին, որ Գերմանիայի հանրության, հասարակության շրջանում, ինչպես նաև՝ տնտեսական շրջանակներում, տարածաշրջանը սկսեց դիտվել կամ ընկալվել, ընդգծում եմ՝ ընկալվել՝ որպես ոչ կայուն տարածաշրջան: Ուստի հատկապես նաև հենց այս առումով է կարևոր, որ պահպանվի զինադադարը, և, որ հակամարտությունը գտնի քաղաքական լուծում»,- ասաց դեսպանը՝ կարևորելով Հայաստանում գերմանական տնտեսական միավորման հիմնավորումը:
Իրավապահները ձերբակալել են զինծառայողներ Դավիդ Զիգանշինին և Ալեքսանդր Տոմսկուն, ինչպես նաև կուրսանտ Ստեպան Դացենկոյին, որոնք կասկածվում են Սանկտ Պետերբուրգի № 422 զինվորական հոսպիտալում 2 բուժքրոջ սպանության մեջ, տեղեկացնում է LIfeNews-ը:
Մեկնարկել է Եվրախորհրդարանի լիագումար նիստը, որտեղ կքննարկվի Լեռնային Ղարաբաղի հարցը: Ապրիլի 12-ի նիստի օրակարգում ներառված է Եվրահանձնաժողովի փոխնախագահ, ԵՄ արտաքին քաղաքականության և անվտանգության հարցերով բարձր ներկայացուցիչ Ֆեդերիկա Մոգերինիի հայտարարությունը Լեռնային Ղարաբաղի հակամարտության վերաբերյալ:
«Քրդական աշխատավորական» կուսակցության (PKK)-ի 30 զինյալի ոչնչացման մասին է հայտարարել Թուրքիայի գլխավոր շտաբն իր տարածած հաղորդագրության մեջ: Նշվում է, որ քրդերն սպանվել են երկրի հարավ-արևելքում:
Թուրքիայի արտգործնախարար Մևլյութ Չավուշօղլուն կոչ է արել Լեռնային Ղարաբաղի հակամարտությունը կարգավորել ՄԱԿ-ի բանաձևերի հիման վրա և Իսլամական համագործակցության կազմակերպության (ԻՀԿ) շրջանակում ստեղծել Ղարաբաղի հարցով կոնտակտային խումբ, հայտնում է TASS-ը:
Դիտարկմանը, որ հայտարարվել է 7 կետից բաղկացած փաստաթղթի մասին, դեսպանն արձագանքեց, որ գոյություն ունի ներքին փաստաղթուղթ, որը բաղկացած է 7 կետից:
Լեռնային Ղարաբաղում հակամարտությունը չափազանց վտանգավոր է, որպեսզի ԱՄՆ-ը թույլ տա իրեն այն անտեսել, The Washington Post-ում գրել է ԵԱՀԿ Մինսկի խմբի ամերիկացի նախկին համանախագահ, ԱՄՆ պետքարտուղարի Հարավային Կովկասի հարցերով նախկին օգնական, Ադրբեջանում ԱՄՆ նախկին դեսպան Մեթյու Բրայզան:
«ՌԴ-ում գոնե հասկանում են, որ, եթե ՀՀ-ն ի վիճակի չլինի ապահովել ԼՂ անվտանգությունը և զարգացումը, ապա դա կզրկի հայ-ռուսական ռազմաքաղաքական հարաբերություններն իր հիմնական իմաստից, ՌԴ-ում դա շատ լավ պետք է հասկանան: ՌԴ-ում պետք է նաև հասկանան, որ կորցնելով ՀՀ-ն՝ կկորցնեն Ադրբեջանը դրա հենց հաջորդ օրը: Ադրբեջանն առաջին իսկ վայրկյանից կփորձի «փախչել Ռուսաստանից»»,- ասաց Սերգեյ Մինասյանը: Վերջինիս համոզմամբ, եթե ՌԴ-ն փորձի շարունակել ներկայիս քաղաքականությունը, ապա դա «կլինիկական մահ» կլինի ինչպես՝ ՀԱՊԿ ձևաչափի, այնպես էլ՝ իր ինտեգրացիոն հավակնությունների համար:
«Փորձ է արվում փոխել ներկայիս ստատուս-քվոն: Բայց ասել, որ նոր իրավիճակ է ստեղծվել հակամարտության գոտում, չենք կարող: Ո՞ւմ էր ձեռնտու: Պետք չէ դիտարկել գաղտնի ինչ-ինչ փաստաթղթեր և արտասովոր փաստեր՝ հասկանալու համար, թե ինչ տեղի ունեցավ և ինչու»:
«Ռոսսելխոզնադզոր» դաշնային ծառայության Կրասնոդարի երկրամասի և Ադիգեյայի հանրապետության վարչության պետական տեսուչները Նովոռոսիյսկի նավահանգստում (Կրասնոդարի երկրամաս) կալանք են դրել Թուրքիայից Մոսկվայի մարզ ուղարկվող ավելի քան 40 տոննա կաթի փոշու վրա, հայտնում է Interfax-ը:
Նրա դիտարկումների համաձայն՝ Հայաստանն ու միա՛յն Հայաստանն է, որ Հարավային Կովկասում հանդիսանում է ՀԱՊԿ անդամ և «հյուրընկալում» է ռուսական ռազմական բազա: Միևնույն ժամանակ, ըստ Կիրակոսյանի. Ադրբեջանը ՌԴ-ից է ձեռք բերում բարձրակարգ հարձակողական զենքեր, որոնք օգտագործում է հայաստանցիներին սպանելու համար: «Ինչպես նշեց ՌԴ վարչապետ Դմիտրի Մեդվեդևն օրերս, այստեղ խոսքը Ռուսաստան-Ադրբեջան բիզնեսի մասին չէ, այլ ռուսական համապատասխան քաղաքականության` զինելու Ադրբեջանին: Ի վերջո, Հայաստանի արժեքը ՌԴ-ի համար շատ ավելին է, քան ՀՀ կառավարությունը կարծում է, և ՌԴ-ի արժեքը ՀՀ-ի համար շատ ավելի քիչ է, քան իշխանությունը կարծում է»,- այսպես ամփոփեց իր խոսքը Ռիչարդ Կիրակոսյանը:
Այսօր՝ ապրիլի 12-ին, ադրբեջանական բաց աղբյուրների հետազոտության արդյունքում հայտնի է դարձել Ադրբեջանի ԶՈւ ևս մեկ սպանված զինծառայողի՝ 1996-ին ծնված Բահշելիև Ռեշադ Ալիաղա օղլուի ինքնությունը (Baxşəliyev Rəşid Əliağa oğlu):
Հայ դատի ԱՄՆ հանձնախումբը Միացյալ Նահանգների նախագահ Բարաք Օբամայի վարչակազմին հորդորել է հետաքննել Ադրբեջանի կողմից «Լեհիի օրենքի» խախտումները (օրենքն արգելում է ԱՄՆ պետդեպարտամենտին և պաշտպանության դեպարտամենտին ռազմական օգնություն տրամադրել այն երկրի ռազմական միավորումներին, որն անպատժելի կերպով խախտում է մարդու իրավունքները): Այս մասին տեղեկացրին Հայ դատի ԱՄՆ հանձնախմբի գրասենյակից:
Պեսկովի խոսքով՝ ներկայում Գրիզլովի զբաղվածության ոլորտը «կրում է մասնագիտացած ուղղվածություն» և նա այլևս ստիպված չի լինի մասնակցել Անվտանգության խորհրդի ամենշաբաթյա խորհրդակցություններին, ինչին պարտավոր էր մասնակցել՝ որպես մշտական անդամ:
Ադրբեջանի ԱԳՆ-ն միջազգային մեդիայի ներկայացուցիչներին կոչ է արել ապահովել «օբյեկտիվություն և հավասարակշռություն» Լեռնային Ղարաբաղի իրադարձությունների լուսաբանման ժամանակ, հայտնում է contact.az-ը:
Այսօր՝ ապրիլի 12-ին, ադրբեջանական բաց աղբյուրների մշտադիտարման արդյունքում հայտնի է դարձել Ադրբեջանի ԶՈւ ևս մեկ սպանված զինծառայողի՝ հետախույզ Միրզաև Մեհեբբեթ Զաման օղլուի ինքնությունը (Mirzəyev Məhəbbət Zaman oglu):
Տարեսկզբից սկսած՝ Միջերկրական ծովով Եվրոպա է ժամանել մոտ 174 հազար ներգաղթյալ և փախստական, ընդ որում, 723 մարդ զոհվել կամ անհետ կորել է՝ փորձելով հասնել եվրոպական երկրներ:
Վերջին օրերին հայկական զինված ստորաբաժանումների սադրիչ գործողությունների հետևանքով շփման գծում տեղի ունեցավ լուրջ հակամարտություն:
Ստամբուլում իր աշխատանքն է սկսել Իսլամական համագործակցության կազմակերպության նախարարների խորհրդի նիստը, հայտնում է APA-ն:
«Պյոտր Պորոշենկոյի բլոկ» խմբակցության ղեկավար Յուրի Լուցենկոն հրապարակել է Ուկրաինայի նախարարների նոր կաբինետի կազմը: Այդ մասին նա հայտնել է «Պյոտր Պորոշենկոյի բլոկ» խմբակցության նիստում, հայտնում է «РБК-Ուկրաինան»:
Սիրիայի տարածքից Թուրքիայի Քիլիս նահանգի ուղղությամբ արձակված հրթիռի պայթյունի հետևանքով վիրավորների թիվը հասել է 12-ի, հայտնում է Anadolu գործակալությունը:
Այցի շրջանակում նախատեսված է նաև հանդիպում Ռուսաստանի Դաշնության կառավարության նախագահ Դմիտրի Մեդվեդևի հետ:
Ռուսաստանի նախագահ Վլադիմիր Պուտինը հրաման է ստորագրել «Եդինայա Ռոսիայի» ղեկավարներից մեկին՝ երկրի ներքին գործերի նախկին նախարար Բորիս Գրիզլովին Անվտանգության խորհրդի կազմից հանելու մասին, որտեղ նա ընդգրկված էր 2001 թվականից:
Սիրիայում ռուսական «Մի-28 Н» ռազմական ուղղաթիռի կործանման հետևանքով երկու օդաչու է զոհվել: Արտակարգ դեպքը երկրից հարվածի հետևանք չէ:
Խաղաղ բնակչության դիտավորյալ հրետակոծության հետևանքով ապրիլի 2-ին ԼՂՀ Մարտունու շրջանում՝ դպրոցի բակում, զոհվել է 12-ամյա Վաղարշակ Գրիգորյանը, ևս երկու երեխա վիրավորվել է։ ԼՂՀ Մարտակերտի շրջանի Թալիշ գյուղում ադրբեջանական դիվերսիոն խմբի կողմից դաժանաբար սպանվել և անարգանքի են ենթարկվել Խալափյան ընտանիքի երեք տարեց անդամներ, որոնցից ամենաավագը 92 տարեկան էր։
ԱՄՆ-ը կոչ է արել Ուկրաինայի գերագույն ռադային օպերատիվորեն հաստատել նախարարների նոր կաբինետի կազմը, որը աջակցելու է քաղաքական ու տնտեսական բարեփոխումներին: Այս մասին հայտարարել է ԱՄՆ Պետդեպարտամենտի ներկայացուցիչ Մարկ Թոները ճեպազրույցի ժամանակ, տեղեկացնում է «Ամերիկայի ձայնը»:
