Տարեսկզբից սկսած՝ Միջերկրական ծովով Եվրոպա է ժամանել մոտ 174 հազար ներգաղթյալ
Տարեսկզբից սկսած՝ Միջերկրական ծովով Եվրոպա է ժամանել մոտ 174 հազար ներգաղթյալ և փախստական, ընդ որում, 723 մարդ զոհվել կամ անհետ կորել է՝ փորձելով հասնել եվրոպական երկրներ: Այս մասին ասվում է Միգրացիայի հարցերով միջազգային կազմակերպության հաղորդագրության մեջ:
Կազմակերպության տվյալներով՝ հունվարի 1-ից ապրիլի 11-ը ժամանածների ընդհանուր թիվը կազմում է 173 761 մարդ: Ընդ որում՝ Հունաստան է ժամանել 153 156 մարդ, Իտալիա՝ 19 930, Իսպանիա՝ 648, Կիպրոս՝ 27:
Անցած տարվա առաջին 4 ամիսներին ժամանածների թիվը կազմում էր 48 636 մարդ:
