«Այստեղ նաև կա վառելիքի, տրանսպորտային միջոցի ընտրության հետ կապված խնդիր. դիզելը վնասակար է, բենզինը թանկ է, իսկ գազն ավելի էժան է: Ընդ որում՝ միջազգային ավտոգիգանտները, որոնք ավտոբուսներ կամ այլ հասարակական տրանսպորտի համար նախատեսված միջոցներ են ներկայացնում, իրենք հիմնականում գազով չեն նախատեսում: Կարելի է միանգամից մեկ քայլ առաջ նայել և էլեկտրական մեքենաներ ձեռք բերել, որոնց ծախսն անհամեմատ շատ ավելի քիչ է, իսկ ապագայի համար շատ ավելի հեշտ կլինի: Չինաստանը մշտապես պատրաստ է նման հարցերով օժանդակել և, համաձայն լրատվամիջոցների տեղեկությունների՝ իրենք պատրաստ են ահռելի քանակությամբ տրանսպորտ տրամադրել՝ պայմանով, որ սպասարկումն իրենց մոտ իրականացվի: Կարելի է նման խողովակն օգտագործել և մեկ քայլ առաջ նայել, ոչ թե ասել՝ վառելիքը թանկ է:
«Խարույկ» արշավական ակումբի ղեկավար Գեղամ Օհանյանը շարունակում է պայքարել, որպեսզի Արցախի հերոս Լեոնիդ Ազգալդյանին շնորհվի Ազգային հերոսի կոչում։ Այս մասին օրերս նա գրառում էր կատարել ֆեյսբուքյան իր էջում՝ նախազգուշացնելով, որ, եթե Կառավարությունը նման որոշում չկայացնի, ապա ինքը որոշ փակագծեր կբացի։
«Եթե անգամ իրենց նպատակին հասնեին էլ և որոշակի առաջընթաց ապահովեին, միևնույն է՝ հնարավոր չէր լինելու լուծել ղարաբաղյան խնդիրը: Եվ, չգիտես ինչու, ապրիլյան էսկալացիան ՀՀ-ում որպես պարտություն ընկալվեց մեզ համար, ինչն իրականում այդպես չէ: Այն ցույց տվեց ուժերի հավասարություն և ոչ թե անհավասարություն, երբ Ադրբեջանի հատուկջոկատայինների դեմ վատ զենքով կռվեցին ժամկետային զինծառայողներ: Այն, ինչի կարողացավ հասնել Ադրբեջանը, նա դրան հասավ առաջին գիշերը, երբ աշխատեց հանկարծակիության գործոնը»,- եզրափակեց Իսկանդարյանը:
Հայաստանյան քաղաքական դաշտում բացակայող քաղաքական դիսկուրսն ինքնըստինքյան հանգեցնում է տարբեր արհեստական օրակարգերի ձևավորմանը և տարբեր կոնսպիրոլոգիական տեսությունների ներդրմանը, որոնք հիմնականում քաղաքական միֆերի ու առասպելների ժանրից են և իրականության հետ որևէ աղերս չունեն։ Ավելին, դա կիրառվում է իշխանությունների կողմից հատուկ մանիպուլյատիվ նպատակով, որպեսզի հանրության մոտ շարունակվի ավելանալ ատելության չափաբաժինն ու նախկինների նկատմամբ ունեցած հակակրանքը։
Արդեն երկրորդ շաբաթն է՝ Հայ հեղափոխական դաշնակցության երիտթևը և ԵՊՀ որոշ ֆակուլտետների ուսանողներ բողոքի ակցիա են իրականացնում ընդդեմ Կրթության, գիտության, մշակույթի և սպորտի նախարար Արայիկ Հարությունյանի։ Նրանք պահանջում են, որպեսզի նախարարը հրաժարական ներկայացնի, քանի որ, նրանց խոսքով՝ Արայիկ Հարությունյանն աշխատում է հայագիտության դեմ, ինչն անթույլատրելի է։
Եթե ձեզ անհրաժեշտ է մեր քաղաքացիների սերն ու հարգանքը վայելել հնարավորինս երկար ժամանակ, ապա վերը նշված ճանապարհով դուք ընդամենը մի հատվածին կարող եք շեղել որոշ ժամանակով (որոշ ժամանակով, որովհետև ժամանակն ամեն ինչ դնում է իր տեղը, և ինչքան էլ այսօր մեր քաղաքացիներին համոզեք, որ նախկինները «մոնստրներ» են եղել, ժամանակը դա կշտկի), իսկ մնացած հատվածը սկսելու է ձեզ ավելի ատել, քան դուք «նախկիններին»։
Վերջերս civilnet.am-ը հոդված էր հրապարակել, համաձայն որի՝ Հայաստանում ամենախոշոր ձեռնարկության՝ «Զանգեզուրի պղնձամոլիբդենային կոմբինատի» (ԶՊՄԿ) բաժնետերերն ընկերության մասնավորեցումից հետո փոփոխվել են։
Օտարերկրյա քաղաքացիներն այս տարի Հայաստանում գրեթե կրկնակի շատ անշարժ գույք են վաճառել, քան գնել։ Խոսքն ինչպես բնակարանների, այնպես էլ՝ այլ գույքի մասին է։ Սա զարմանալի է նրանով, որ իշխանափոխությունն այլ բան էր խոստանում. մարդիկ ոչ թե պիտի գնային, այլ պիտի գային, և ոչ միայն՝ բնակվելու, այլև՝ բիզնես գործունեություն ծավալելու համար։
Իշխանության գալուց կարճ ժամանակ անց Նիկոլ Փաշինյանը խոսում էր Հայաստանի տնտեսության մեջ տեղի ունեցող տրանսֆորմացիայի, հանքարդյունաբերության դերի նվազեցման, ընդերքը քանդել-ծախելուց հրաժարվելու, խաղադրույքներ կատարող երկրից տեխնոլոգիական երկիր դառնալու մասին։ Բավական է լինել հանքարդյունաբերության վրա հիմնված պետություն՝ ասում էր Նիկոլ Փաշինյանը։
Ադրբեջանի մարտական դիրքերում շինարարական և ամրացման աշխատանքների տեսանկյունից որևէ արտառոց բան չի կատարվում, որը նախկինում չի արվել: Այս մասին 168.am-ի հետ զրույցում ասաց «Ռազմինֆո» մասնագիտացված կայքի վերլուծաբան Հայկ Խաչիկյանը:
Պատկերացում, սեր ու մի քիչ տաղանդ. «Ոսկանյան պարֆյումս» բրենդի հիմնադիր Ծովակ Ոսկանյանի կարծիքով՝ այս երեքի խառնուրդից է ծնվում օծանագործը: Մասնագիտությամբ տնտեսագետ պարֆյումերն արդեն մոտ հինգ տարի ապրում է բույրերի աշխարհում: Ծովակ Ոսկանյանը պատմում է՝ բույրերը ստեղծվում են ոգեշնչումից:
Դեպորտի կամ հարկադիր վերադարձի դեպքում որոշակի կանոնների պահպանմամբ քաղաքացին վերադարձվում է իր ծագման երկիր, եթե այդ երկրների միջև կա փոխադարձ հետընդունման մասին համաձայնագիր: ԵՄ-ն և Հայաստանը հետընդունման համաձայնագիրը ստորագրել են 2013-ին, որն ուժի մեջ է մտել 2014-ից: Եվ այդ տարվանից մենք արդեն իսկ ստանում ենք հետընդունման հայցեր: Իհարկե, 2012-ից է եղել հետընդունումը, բայց այն ինստիտուցիոնալիզացված չէր, չկար իրավական բազա: 2014-ից արդեն իսկ տեսնում ենք միտման աճ:
Մեր իշխանությունները մշակող արդյունաբերության աճի տվյալները հպարտությամբ հրապարակելով՝ թաքցնում են այս փաստը, որ արդյունաբերության ոլորտի աճն առաջին հերթին՝ ապահովում է հանքարդյունաբերությունը: Հանքարդյունաբերության ծավալն արդյունաբերական արտադրանքի կառուցվածքում կազմում է 67.7 տոկոս:
Մինչ Հայաստանում ակտիվորեն քննարկվում է պետական բյուջեի հաշվին Մել (Մելինե) Դալուզյանի մասին պատմող ֆիլմի համար տրամադրված 20 մլն դրամի արդարացված կամ չարդարացված լինելը՝ Ծանրամարտի միջազգային ֆեդերացիան հրապարակել է հակադոպինգային խախտումների նոր ցուցակը, որը ցույց է տալիս, թե ինչպես են վատ հեղինակություն ունեցող երկրները վճարում իրենց արարքների համար։
Աղասի Խանջյանը հայ իրականության մեջ երբևէ եղած ամենասիրված ղեկավարներից մեկն էր։ Խանջյանին սիրում էին բոլորը, քանի որ այդ բարդ ու խառնակ ժամանակներում նա ամեն ինչ անում էր իր ժողովրդի ու հայրենիքի համար։ Պատահականություն չէր, որ վերևում «ինչ-որ» ուժեր դա հասկանում էին ու ամեն ինչ արեցին, որ խաղից դուրս գա Խանջյանը։ Խանջյանին սիրում էին մտավորականները։ Չարենցի նման տիտանը սոնետների մի ամբողջ շարք նվիրեց Խանջյանին..․
Ալեքսանդր Սկակովի խոսքով՝ վերջին հարցազրույցում ՌԴ ԱԳ նախարարը ճիշտ է բնորոշել ՀՀ-ՌԴ հարաբերությունները․ արդեն երկար ժամանակ է, թե՛ ռուսական քաղաքական, թե՛ փորձագիտական շրջանակները պնդում են, որ հայ-ռուսական հարաբերություններն ունեն խորը պատմաքաղաքական հիմքեր, և ներկայիս քաղաքական տարընթերցումները չեն կարող ավելի ազդեցիկ լինել, քան մեր հարաբերությունները։
Հաջորդ տարի կառավարությունը հարկային եկամուտների ավելացման բավական համեստ ցուցանիշ է դրել պետական բյուջեում։ Այս տարվա ճշգրտված պլանի համեմատ՝ կանխատեսվում է, որ բյուջեի մուտքերը կավելանան 138 մլրդ դրամով։ Այն դեպքում, երբ 2019թ. սպասելիքը 205 միլիարդ է։
Դիտարկմանը՝ աշխատավարձերի բարձրացման վերաբերյալ իշխանություններն ասում են, թե այդպես նաև կոռուպցիոն ռիսկերն են վերացնում, նա այսպես արձագանքեց. «Գող լինելը գենետիկ հատկանիշ է: Գողին չի կարելի պաշտոն վստահել»:
Ներկայացվում էր, որ այդ ճանապարհը վերջին անգամ վերանորոգվել էր 60-ականներին, իսկ այս տարի 7 ամսվա ընթացքում կարողացել են ճանապարհն ամբոջովին հիմնանորոգել, որի ֆինանսավորման 20 տոկոսն ապահովել է Կառավարությունը, իսկ մնացածը՝ Համաշխարհային բանկի տեղական տնտեսության և ենթակառուցվածքների զարգացման ծրագիրը։
«ԵԱՀԿ ՄԽ շրջանակում ընթացող Ղարաբաղյան հակամարտության բանակցությունները պարալիզացված են»,- «168 Ժամի» հետ զրույցում Ռազմավարական և ազգային հետազոտությունների հայկական կենտրոնի (ՌԱՀՀԿ) տնօրեն, քաղաքագետ Մանվել Սարգսյանը՝ անդրադառնալով Ղարաբաղյան հակամարտության բանակցային գործընթացի ներկայիս վիճակին, վերջին միտումներին:
Անցած շաբաթ դպրոցներում արձակուրդ էր։ Սովորաբար արձակուրդի ընթացքում ուսուցիչների համար իրականացվում են տարբեր սեմինարներ, վերապատրաստման ծրագրեր։ Այդ ամենը լավ հնարավորություն է՝ հանդիպելու ուսուցիչների հետ, քննարկելու մասնագիտական հարցեր, հասկանալու ուսուցիչների խնդիրները։ Մի քանի ծրագրերի շրջանակներում ուսուցիչների հետ հանդիպումներից հետո հերթական անգամ համոզվեցի, որ Հայաստանում ունենք շատ լավ ուսուցիչներ, որոնք շարունակում են մնալ աննկատ։
Կուզենայի թվաբանության վրա ուշադրություն դարձնեինք, թե քանի վիրավոր ենք ունեցել, որոնց ընդունել ենք հիվանդանոցներ, և նրանցից քանիսն են մահացել: Դա ձգտում է զրոյի՝ մեկ-երկու դեպքը չենք հաշվում: 100-ից ավելի վիրավորների դեպքում, երբ դուք չունեք մահվան տոկոս, դա նշանակում է, որ բժշկական օգնությունը կազմակերպվել է ճիշտ և ժամանակին:
«Նկատելի է վիզային ազատականացման երկխոսության մեկնարկի ցանկություն, որը ևս խնդրահարույց թեմա է ԵՄ-ի համար՝ հաշվի առնելով ԵՄ-ի ներսում առկա միգրացիոն խնդիրները, առանձին երկրների դիրքորոշումներն այս հարցի վերաբերյալ, հաշվի առնելով Հայաստանից նախկին հոսքերը: Դեռ վաղ է ասել, թե երբ երկխոսությունը կմեկնարկի, քանի որ որոշակի աշխատանք պետք է իրականացվի այդ ուղղությամբ»,- ասաց նա:
«Երբ նախագահը խոսում էր Արևմուտքից ֆինանսավորվողների մասին, պետք է հստակեցում մտցներ՝ ոչ թե Արևմուտքից, այլ Արևմուտքի գլոբալիստական թևից, քանի որ հիմա Արևմուտքն այն տեսքը չունի, ինչ մի քանի տարի առաջ էր։ Իսկ մնացած հարցերը, որոնք նա բարձրացրել էր, պատասխանի կարիք ունեն, և օրվա իշխանությունները պետք է պատասխանեին»,- ասաց քաղտեխնոլոգը։
2018թ. հունիսին, մինչ արտահերթ խորհրդարանական ընտրությունները և ներկայիս խորհրդարանի ձևավորումը, Նիկոլ Փաշինյանը լրագրողների հարցերին պատասխանելիս նախ՝ ասել էր, որ իրենց կառավարության ծրագիրը «հեղափոխական» է, ապա, ԱԺ նախկին պատգամավորներից մեկի հարցին ի պատասխան՝ ասել էր, թե իրենց «կառավարությունը կախարդական փայտիկ ունի»:
«Շատ դեպքերում Տեղական ինքնակառավարման մարմինները չգիտեն, թե ինչպես կազմակերպել տեղական ինքնակառավարումը»,- 168.am-ի հետ զրույցում ասաց վարչապետի խորհրդական Ռոբերտ Ղուկասյանը, ով բոլորիս առավել հայտնի է՝ որպես կալավանցի Ռոբերտ:
«Ի՞նչ ասել է՝ քրեական ենթամշակույթ, ի՞նչ ասել է՝ սահմանել քրեական ենթամշակույթի օրենքներ: Եթե այս օրենսդրական նախաձեռնության հեղինակները երեխա ժամանակ բակ իջնեին, մի քիչ կիմանային այդ օրենքները: Գրե՞լ է ինչ-որ մեկը, թե՞ չի գրել, ինչ-որ ֆիզիկական անձ կա՞, որ դրանք հեղինակել է՝ քարանձավներում կամ Մագադանի գաղութներում նստած»,- տարակուսում է Երվանդ Վարոսյանը՝ հավելելով, որ անլրջության այսպիսի աստիճանը պետության մեջ անթույլատրելի է:
«Ի՞նչ է՝ ստացվում է՝ արհեսատական այսպես 15 տարի ընդունեցին առարկան, սովորեցին։ Ինչ է՝ մեր երկիրն արհեստակա՞ն է իր ուսումնական պլանում փոփոխություն կատարել։ Պատգամավորի ասածն իրականության հետ որևէ կապ չունի։ Գիտե՛ք, դա միտում է, որը նկատվում է շատ երիտասարդ պատգամավորների մոտ, որոնք կարծում են, որ իրենցից առաջ ոչինչ չի եղել և իրենք են այս երկրի կրթական համակարգի բարեփոխիչները»,- 168.am-ի հետ զրույցում ասաց Տեր Մարկոսը։
Երևանից Կապան հասնելու համար պահանջվող մոտ 5 ժամը հնարավոր է՝ դառնա 40 րոպե։ Հաջորդ տարվանից կրկին սկսելու է գործել Կապանի օդանավակայանը։ Չվերթներ կիրականացնի 19 տեղանոց լեհական Let L-410 ինքնաթիռը։ Օդանավակայանն ու ինքնաթիռը «Սյունիք օդանավակայան» ՍՊԸ-ի հաշվեկշռի վրա են։ Այն հիմնադրել է Սյունիքի մարզի զարգացման և ներդրումների հիմնադրամը։
«Հայաստանի Հանրապետության դիրքորոշումը շատ պարզ է եղել՝ Հայաստանը հայտարարել է, որ իր մոտեցումն այդ սկզբունքների վերաբերյալ կախված է լինելու այդ բանակցություններից և պատասխաններից, որից հետո պարզ կդառնա՝ արդյոք դրանք ընդունելի՞ են մեզ համար, թե՞ ոչ: Այսինքն՝ պետք է եզրակացության գան՝ ելնելով այդ պատասխաններից: Այդ պատասխանները չկան, բացատրություն չկա, թե ինչու չկան պատասխաններ: ՄԽ գործընթացը դրա արդյունքում պարալիզացված վիճակում է»:
