«Քրեական օրենսգրքի 137.1 հոդվածի ընդունմամբ ըստ էության ՀՀ-ն բռնել է նահանջի և հետքայլի ճանապարհ: Երբ 2010թ.-ին ԵԽԽՎ հանձնարարականի արդյունքում վիրավորանքի և զրպարտության հոդվածն ապաքրեականացվեց, և մեր դատարանները բավականին կարճ ժամանակում հասան լուրջ արդյունքների, ՀՀ-ն այն հազվադեպ երկրներից էր, որ անսաց ԶԼՄ-ների համար խնդիրներ չստեղծելու կոչին: Հիմա մենք գնում ենք հետքայլի»,- Հայաստանի ժուռնալիստների միության (ՀԺՄ) կազմակերպած «Ընդդեմ մամուլի սահմանափակումների, հանուն խոսքի ազատության և տեղեկացված լինելու իրավունքի» խորագրով քննարկման ժամանակ ասաց իրավաբան Ռոբերտ Հայրապետյանը:
«Ձևավորվում է որոշակի տենդենց, որն ուղղված է հասարակությունում որոշակի սահմանափակումների ներդրմանը, և դրանով են պայմանավորված որոշակի իրավական ակտերի ընդունումն ու գործողության մեջ դնելը»։
Հայաստանի ժուռնալիստների միության (ՀԺՄ) կազմակերպած «Ընդդեմ մամուլի սահմանափակումների, հանուն խոսքի ազատության և տեղեկացված լինելու իրավունքի» խորագրով քննարկման ժամանակ իրավապաշտպան, «Իրավական ուղի» ՀԿ համահիմնադիր Սիրանուշ Սահակյանն անդրադարձավ երկու նախաձեռնություններին՝ ծանր վիրավորանքը քրեականացնելուն և Խորհրդարանում լրագրողների հավատարմագրմանը, թե որքանով է այդ գործընթացը բխում միջազգային ստանդարտներից:
«Հետևաբար եթե բոլորը՝ փաստաբանները, դատախազները, կարող են կոմպրոմիս գտնել այս հոդվածի հետ, լրագրողները չեն կարող, որովհետև իրենք կամ չպետք է հրապարակեն հոդվածը, կամ պետք է հրապարակեն՝ աչքի տակ ունենալով, որ կարող են խնդիրներ ունենալ: Հետևաբար՝ սա նույնպես ունի նախականխող նպատակ»,- ասաց Արա Ղազարյանը՝ հավելելով, որ քաղաքացիական օրենսգրքով, փաստորեն, իրականացվում է քողարկված քրեական հետապնդում:
Արդեն տևական ժամանակ է, 168.am-ն իրավասու պետական մարմիններից՝ ՀՀ Գլխավոր դատախազությունից ու Քննչական կոմիտեից, փորձում է պարզել՝ Բաքվում ըստ էության որպես պատանդ պահվող մեր տղաների առնչությամբ արդյո՞ք քրեական գործ հարուցված է պատանդառության հանցակազմով:
«Նկատի ունենալով այն հանգամանքը, որ մամուլում արդեն իսկ հրապարակվել է այն տեղեկատվությունը, որ Արմեն Չարչյանը գտնվում է «Նորք-Մարաշ» բժշկական կենտրոնում, այսօր ստացել եմ վերջինիս թույլտվությունը՝ ներկայացնելու մանրամասներ նշվածի կապակցությամբ»,- 168.am-ի հետ զրույցում անդրադառնալով Արմեն Չարչյանի՝ քաղաքացիական բուժհաստատություն տեղափոխվելու լուրերին՝ ասաց պրոֆեսորի պաշտպան Էրիկ Ալեքսանյանը:
168.am-ը մի քանի հրապարակումներով անդրադարձել էր Շիրակի մարզի Կադաստրի նախկին պետ Արայիկ Առաքելյանին, ով, ի դեպ, մի անհաջող փորձից հետո կրկին իր հովանավորների միջոցով ցանկանում էր վերադառնալ իր նախկին պաշտոնին:
Երեկ Երևան քաղաքի ընդհանուր իրավասության դատարանի նախկին դատավոր, այժմ՝ «Պատիվ ունեմ» դաշինքի անդամ Կարինե Պետրոսյանը ֆեյսբուքյան իր էջում գրառում էր կատարել, որով տեղեկացրել էր՝ սույն թվականի սեպտեմբերի 20-ին ՀՀ վարչական դատարանում քննվելու է իր հայցն ընդդեմ ՀՀ բարձրագույն դատական խորհրդի նախագահի՝ ԲԴԽ անդամ (ներկայումս արդեն ԲԴԽ նախագահի ժամանակավոր պաշտոնակատար Գագիկ Ջհանգիրյանի լիազորությունները «ՀՀ դատական օրենսգիրք» սահմանադրական օրենքի 160-րդ հոդվածի 1-ին մասի 2-րդ կետի հիմքով դադարելու վերաբերյալ հայտարարություն տարածելու պահանջի մասին:
«Ընդդիմադիր ուժերը պետք է ունենան լիդեր: Լիդերները պետք է պայքարեն, այլ ոչ թե հովհարային անջատումներով պայքարեն: Ես լիդերի հավակնություն չունեմ: Ես ընդդիմադիր գործիչ եմ, բայց ես չեմ հավակնում պետության առաջնորդի դերին: Ով հավակնում է, նա պետք է առաջնորդի»,- «Հայելի» ակումբում տված իր ասուլիսի ժամանակ ասաց Հայաստանի հանրապետական կուսակցության (ՀՀԿ) Գերագույն մարմնի անդամ Էդուարդ Շարմազանովը՝ հավելելով, որ իր համար էական չէ՝ նոր ուժեր կգա՞ն, թե՞ կլինի հին առաջնորդ. կարևորը, որ լինի ազգային առաջնորդ:
Օգոստոսի 25-ի գիշերը հայտնի դարձավ, որ ադրբեջանցիները փակել են ՀՀ ինքնիշխան տարածքի՝ Գորիսից Կապան տանող ՀՀ միջպետական ճանապարհի երկու հատվածները: Ծանր տեխնիկա էին մոտեցրել ու դադարեցրել երթևեկը: Արդյունքում մոտ 5 տասնյակ մարդատար մեքենաներ, որոնց մեջ նաև կանայք ու երեխաներ կային, մնացել էին շրջափակման մեջ: Իրենց ճանապարհը չէին կարողանում շարունակել նաև Իրանից Հայաստան եկող բեռնատարները:
Մեր աղբյուրների փոխանցմամբ՝ Արամ Հակոբյանը շատ մտերիմ ընկերական հարաբերություններ ունի ԱԱԾ տնօրեն Արմեն Աբազյանի կնոջ քրոջ ամուսնու, Լոռու մարզի նախկին դատավոր, կաշառք վերցնելու համար դատապարտված, պատիժը կրած, ներկայումս «Շիրակ ՋՕ»-ի տնօրեն նշանակված Խաչատուր Խաչատրյանի հետ, իսկ նրանց ընկերությունը սկիզբ է առել դեռ Շիրակի մարզից, մինչև Խաչատուր Խաչատրյանի՝ որպես դատավոր, Լոռու մարզ տեղափոխվելը:
Հարցին՝ ինչո՞ւ 30 տարի այդ հարցը չէր բարձրացվում, որ, օրինակ, Գորիս-Կապան ճանապարհի մի հատված կա, որ ադրբեջանցիներինն է, որովհետև հիմա եթե Հայաստանն այդ ճանապարհը տալիս է, ստացվում է, որ ինքն ագրեսոր է եղել, ուրիշի ճանապարհ է վերցրել, արդարադատության նախարարը պատասխանեց՝ չբարձրացնողներին պետք է տաք էդ հարցը:
Խորհրդային տարիներին դպրոցն ավարտածները կհիշեն՝ ուսումնական ծրագրում կար «Աշխատանքի ուսուցում» առարկան, որն ըստ էության կյանքի, կենցաղային տարրական հմտություններ էր ուսուցանում:
«Արմեն Չարչյանը չէր խուսափել քննությունից, ուներ նոր կարգավիճակ, ԱԺ պատգամավոր էր հանդիսանում, հաճախում էր իր աշխատանքի վայր, որևէ գործողություն չէր գործադրում վարույթն իրականացնող մարմնի տեսադաշտից դուրս գտնվելու, որևէ մեկի վրա չէր ազդում, ավելին, առաջին ատյանի որոշման կայացման պահին նաև «Իզմիրլյան» ԲԿ տնօրենը չէր, հետևաբար՝ հասկանալի չէր, թե ինչ հիմքով է Վերաքննիչ քրեական դատարանը բեկանել այդ որոշումը»,- ասաց Էրիկ Ալեքսանյանը՝ հավելելով, որ այդ որոշումն իրենք բողոքարկելու են Վճռաբեկ դատարանում, բայց մինչ այդ միջնորդություն են ներկայացրել՝ հրատապ նիստ հրավիրելու և նոր գրավի միջնորդություն քննարկելու համար:
«Վազգեն Սարգսյանին եք կպնում, դուք չե՞ք ամաչում: Վազգեն Սարգսյանը քաղաքական գործիչ չէր, նա ազգային գործիչ է եղել: Ու դուք էսօր իբր թե Վազգեն Սարգսյա՞ն եք ոչնչացնում: Ո՞ւմ շուրթերով: Դուք Վազգենի դեմը կարող էիք խոսե՞լ իր կենդանության օրոք: Ձեզ թվում է՝ հիմա՞ կարող եք խոսել Վազգենի մասին, Վազգենի հետևի՞ց: Դուք դա կարո՞ղ եք անել: Դուք Սերժ Սարգսյանի բոթասն ու Վազգեն Սարգսյանի թրաշի մի մազը չարժեք՝ ձեր ներդրած ավանդով այս պետության մեջ»։
«Ես երբեք սրա մասին չեմ խոսել, բայց անբարոյականությունն էլ չափ ունի, քաղաքական շահն էլ: Այսօր Խաչատուր Սուքիասյանն ասում է՝ Սերժ Սարգսյանի կաբինետի վրա գրված էր՝ «ՀՀ նախագահ», դրա համար էի ես իմ հարցերով այնտեղ դիմում»,- «Հայելի» ակումբում տված իր ասուլիսի ժամանակ անդրադառնալով «Քաղաքացիական պայմանագիր» խմբակցության պատգամավոր Խաչատուր Սուքիասյանի՝ ՀՀ 3-րդ նախագահ Սերժ Սարգսյանի հասցեին արված հայտարարություններին՝ ասաց ՀՀԿ փոխնախագահ Արմեն Աշոտյանը:
«Պրակտիկան գնում է այն ուղղությամբ, որ պայմանագրի ժամկետի լրանալը զինծառայողին ծառայությունից ազատելու անվերապահ հիմք է կամ առնվազն հայեցողություն, մինչդեռ պայմանագրային զինծառայողները հանրային ծառայության մաս են կազմում և ունեն հանրային ծառայողների համար օրենքով երաշխավորված բոլոր իրավունքները, այդ թվում՝ կայունություն, հավասար պայմաններով աշխատանքի ընդունվելու իրավունք»,- 168.am-ի «Ռեվյու» հաղորդաշարի հերթական թողարկման ընթացքում ասաց «Կոնցեռն-Դիալոգ» փաստաբանական գրասենյակի ավագ իրավաբան, փաստաբան Մարտիկ Մարտիրոսյանը՝ անդրադառնալով պայմանագրային զինծառայողների իրավունքների խնդրին:
168.am-ը գրել էր, որ երեկ կայացել է Կադաստրի Շիրակի մարզային ստորաբաժանման պետի թափուր պաշտոնի համար հայտարարված մրցույթի առաջին՝ գրավոր փուլը, որին ինչ-որ մեկի բարձր հովանու ներքո մասնակցել է նաև վերջերս պետական ծառայության դեմ կատարած ծանր հանցագործության մեջ մեղադրված ու իր հանցանքն ընդունած կադաստրի Շիրակի մարզային ստորաբաժանման նախկին պետը՝ Արայիկ Առաքելյանը։
Ամիսներ առաջ ստեղծված հայալեզու վրացական դոմեյնով կայքը՝ factcheck.ge համագործակցելով հայկական media.am կայքի հետ, սկսել է պայքարել, իրենց հավաստիացմամբ՝ ապատեղեկատվության, բայց իրականում՝ ընտրողաբար թիրախավորված որոշ լրատվամիջոցների ֆեյսբուքյան էջերի դեմ՝ իբրև թե կեղծ լուրեր, մանիպուլյատիվ հոդվածներ հրապարակելու համար:
Այսօր Ազգային ժողովում տեղի ունեցած խայտառակ միջադեպից հետո, երբ «Պատիվ ունեմ» խմբակցության պատգամավոր Աննա Մկրտչյանին Պետական պահպանության ծառայության աշխատակիցները, նրանց ղեկավար Սարգիս Հովհաննիսյանի հրահանգով ու մասնակցությամբ, բիրտ ուժ կիրառելով` դուրս բերեցին ԱԺ նիստերի դահլիճից, պատգամավորը հայտարարեց, որ ստացել է մարմնական վնասվածքներ։ Նա նաև ասել էր, որ հաղորդում է ներկայացնելու հանցագործության մասին։
Օրեր առաջ 168.am-ը գրել էր, որ Կադաստրի Շիրակի մարզային ստորաբաժանման նախկին պետ Արայիկ Առաքելյանը 2 դատական հայց է ներկայացրել մեր դեմ՝ պահանջելով հերքում և պատվին ու արժանապատվությանը պատճառված վնասի հատուցում:
«Ասել ենք, որ դժվար ենք պատկերացնում՝ ինչպես պետք է Վերաքննիչ դատարանը կալանավորի պարոն Չարչյանին այն դեպքում, երբ վերջինս ունի նոր կարգավիճակ, հանդիսանում է ԱԺ պատգամավոր ու օգտվում է պատգամավորական անձեռնմխելիեւթյունից, քանի որ Սահմանադրության 96-րդ հոդվածն ասում է, որ պատգամավորը կարող է հետապնդվել կամ ազատությունից զրկվել բացառապես ԱԺ թույլտվությամբ»,- ասաց պաշտպանը:
Մոտ մեկ շաբաթ առաջ 168.am-ը գրել էր, որ ՔՊ-ական Կարեն Սարուխանյանը հերթական բարեկամին պաշտոնի նշանակելու պատրաստության մեջ է, և շուտով իր պաշտոնին հրաժեշտ կտա «Սեյսմիկ պաշտպանության հյուսիսային ծառայություն» ՊՈԱԿ-ի տնօրեն Կարեն Մխիթարյանը, որ նախկին պատգամավորը կարողանա իր հերթական հովանավորյալին տեղավորել բարձր պաշտոնի:
Հայաստանի կառավարությունը նախատեսում է ռազմավարական հեռանկարում աստիճանաբար անցում կատարել պրոֆեսիոնալ բանակի. ժամկետային և զորահավաքային զինծառայության կառուցվածքն էականորեն կփոխվի:
Օգոստոսի 7-ին Բարձրագույն դատական խորհրդի շենքում (ԲԴԽ) կայացավ Առաջին ատյանի ընդհանուր իրավասության դատարաններում դատավորների թեկնածուների ցուցակի քրեական մասնագիտացման բաժնի մինչդատական քրեական վարույթի նկատմամբ դատական վերահսկողության գործերի և օպերատիվ-հետախուզական միջոցառումներ իրականացնելու մասին միջնորդությունների ենթաբաժնի արտահերթ համալրման նպատակով անցկացված մրցույթի գրավոր փուլը:
Գյումրիում շրջանառվող այն տեղեկությունները, որ Շիրակի պետական համալսարանում (ՇՊՀ) մոտ ժամանակներս ԱԱԾ տնօրեն Արմեն Աբազյանի միջնորդությամբ նոր ռեկտոր կնշանակվի բուհ-ի ուսումնամեթոդական գործընթացի կառավարման կենտրոնի տնօրեն, պրոռեկտորի պարտականությունները կատարող Նազելի Ավետիսյանը, ով Աբազյանի խնամի, նույն բուհի դասախոս Լիզա Հակոբյանի մոտ ընկերուհին է, կարծես, իրականություն են դառնում:
Երեկ ֆեյսբուքյան էջերից մեկը տեղեկատվություն տարածեց, որ Շուշիի Նարեկացի արվեստի կենտրոնի աշխատանքները, ցավոք, չի հաջողվել դուրս բերել, և թշնամու վերահսկողության ներքո են անցել ոչ միայն մեր գեղեցիկ ու վեհագույն Շուշին, այլ նաև Նարեկացի արվեստի կենտրոնի մի քանի տասնյակ քանդակներ, հումք, 14 տարվա ընթացքում կենտրոնի ձեռք բերած ամբողջ գույքը, մանկական թատրոնի տիկնիկները, դաշնամուրն ու այլ կահավորանք:
«Վերաքննիչ քրեական դատարանի նախագահն անձամբ ինձ այլ գործով նիստի ժամանակ հավաստիացրել է, որ Վերաքննիչ դատարանից որևէ համակարգիչ չի առգրավվել, և դա իրականում այդպես է: Ոչ միայն Վերաքննիչ քրեական դատարանում է գործերի բաշխումն իրականացվում դատարանի նախագահի մակարդակով, այլև Երևան քաղաքում գտնվող բոլոր դատարաններում: Այսինքն՝ ԱԱԾ-ն ոչ թե կոնկրետ դատարանի համակարգիչն է առգրավել, այլ այդ սերվերը, որը սպասարկում է Երևան քաղաքի տարածքում գտնվող բոլոր դատարանները»
Տաթևիկ Ռևազյանի նշանակումից ի վեր ոլորտում սկսվել էր կադրերի արտահոսք, հեռացել էին ոլորտում երկարամյա աշխատանքային փորձ ունեցող ղեկավար կազմի աշխատակիցներ, և այդ արտահոսքը, ըստ էության, 168.am-ի տեղեկություններով, մինչև այժմ չի դադարում:
«Այս ամենի նպատակը մեկն է՝ ունենալ ենթակա և պատվերներ իրացնող դատական իշխանություն: Բայց դատական իշխանությունում ներգրավված են բարձր կոմպետենտություն ու բարոյական արժեքներ ունեցող անձինք, ովքեր գիտակցում են արդարադատության պատասխանատվությունը, և վստահ եմ՝ որոշակիորեն կկարողանան ձևավորել դատական իշխանության իմունային համակարգ և դառնալ այն առանցքը, որը Հայաստանը կտանի զարգացման»,- նշեց Սիրանուշ Սահակյանը:
