«Բարգավաճ Հայաստան» կուսակցությունը, «Ծառուկյան» դաշինքը միացել է համաժողովրդական շարժմանը, որովհետև այն արժանապատիվ հնարավորություն է վերջապես դուրս գալու համակարգային այս ճահճից, որից վաղուց արդեն անտանելի գարշահոտ էր գալիս ու այլևս վերածվել էր բնապահպանական աղետի։
«Այսօր շատ կարևոր օր է թե՛ Հայաստանի Հանրապետության, թե՛ Արցախի Հանրապետության, թե՛ ողջ հայության կյանքում։ Ազգային ժողովը պետք է ընտրի վարչապետ, որը ոչ միայն գործադիր իշխանության ղեկավարն է, այլ որը դե ֆակտո գերագույն գլխավոր հրամանատարն է և գլխավոր բանակցողը Լեռնային Ղարաբաղի հիմնահարցում»:
«Հայաստանի Հանրապետության և Արցախի Հանրապետության դեմ ռազմական արկածախնդրության ցանկացած փորձ հանդիպելու է բռունցքված, համախմբված հայ ժողովրդի միասնական դիմակայությանը, այդտեղ չի գործելու քաղաքական որևէ բաժանում, որևէ հայացքների տարբերություն, և սա մեր հակառակորդը պետք է ականջին օղ անի և շատ լավ իմանա»:
«Ակնհայտորեն, մեր տարածաշրջանում ռազմաքաղաքական իրավիճակը շարունակում է մնալ լարված։ Արցախաադրբեջանական շփման գծում հակառակորդի կողմից նկատվում են ռազմական տեխնիկայի կուտակումներ, կան նաև տեղեկություններ, որ պայմանավորված Հայաստանի ներքին իրադրությամբ՝ հակառակորդի ճամբարում աշխուժություն է նկատվում, և անգամ առաջարկներ են հնչեցնում՝ սրացումներ առաջացնել այդ ճակատում»:
Մենաշնորհների վերացումն ընդամենը ժամերի խնդիր է։ Այս մասին այսօր ԱԺ հատուկ նիստում հայտարարեց ՀՀ վարչապետի թեկնածու Նիկոլ Փաշինյանը՝ պատասխանելով ԱԺ փոխնախագահ, «Ծառուկյան» խմբակցության պատգամավոր Միքայել Մելքումյանի հարցին, թե ինչպե՞ս է վերացնելու քաղաքական հրահանգով տրված մենաշնորհները։
«Ինչպես ես, կարծում եմ՝ բոլորը, լսում ենք ժողովրդի ձայնը, հասկանում և ընկալում ենք այն, ինչո՞ւ չէ, պատճառները բոլոր, ինչու համար է այս ձայնը բարձրացվել, այնուամենայնիվ, կարծում եմ, բոլորն են հետևություն արել, ընդհուպ՝ ցանկացած իշխանություն այս պարագայում անհրաժեշտ հետևություն է անում հետագայում ժողովրդի տրամադրությունն ու վերաբերմունքը փոխելու համար»,- այսօր ԱԺ հատուկ նիստում հայտարարեց ՀՀԿ-ական պատգամավոր Ալիկ Սարգսյանը։
Այսօր ԱԺ հատուկ նիստում ՀՀԿ-ական պատգամավոր Ջեմմա Բաղդասարյանը հայտարարեց, թե երբ ԱԺ-ում քննարկվում էր «Զինծառայության և զինծառայողների կարգավիճակի մասին» օրենքի նախագիծը, «Ելքը» հարց էր բարձրացնում, որ պաշտոնյաները, որոնք չեն ծառայել, պետք է վայր դնեն իրենց լիազորությունները։ Նա հետաքրքրվեց, թե այսօ՞ր էլ ՀՀ վարչապետի թեկնածու Նիկոլ Փաշինյանը նույն կարծիքին է։
«Անձամբ չեմ ճանաչում Միխայիլ Սահակաշվիլիին, երբեք որևէ շփում՝ ուղիղ կամ միջնորդավորված, նրա հետ չեմ ունեցել, անձամբ չեմ ճանաչում Ալեքսանդր Նավալնիին, ուղիղ կամ միջնորդավորված որևէ շփում նրա հետ երբևէ չեմ ունեցել։ Եվ ես կարծում եմ, սրանով այդ թեման սպառվում է»:
«Ելքի» նախընտրական ծրագրում ասվում է, որ ՀՀ բնակչությունը 20 տարում պետք է կրկնապատկվի, դառնա 5.6 մլն։ Այս մասին այսօր ԱԺ հատուկ նիստում հայտարարեց ՀՀԿ-ական պատգամավոր Հակոբ Հակոբյանը՝ նշելով, թե ՀՀ վարչապետի թեկնածու առաջադրված Նիկոլ Փաշինյանը դեմ է քվեարկել ՀՀԿ-ի ծրագրին՝ մինչև 2040 թ. 4 մլն բնակչություն ունենալու մասին։
«Ես վստահ եմ, որ Նիկոլ Փաշինյանի ընտրությունը վարչապետի պաշտոնում, այն էլ՝ ժամանակավոր վարչապետի, որովհետև մենք բոլորս միտված ենք նոր ընտրություններ անցկացնելու, ուղղված է նրան, որ համաժողովրդական շարժումը, հասարակությունը հնարավորություն ստանա վերահսկողություն սահմանելու, որպեսզի արդար և թափանցիկ ընտրություններ լինեն»,- այսօր ԱԺ հատուկ նիստում հայտարարեց «Ծառուկյան» խմբակցության պատգամավոր Արարատ Զուրաբյանը։
«Այն, ինչ Հայաստանում ունի ՀՀ քաղաքացին, ունի բացառապես իր շնորհիվ, որովհետև անկախությունից ի վեր ՀՀ քաղաքացիներն ու քաղաքացիական ակտիվիստները՝ այն տարածքը, որ այսօր ունեն, սանտիմետր առ սանտիմետր, միլիմետր առ միլիմետր, ազատագրել են ապօրինության և բեսպրեդելի ճիրաններից»։
«Սուպերվարչապետական համակարգն օրենսդրության առումով արդեն իսկ ստեղծված է։ Ես միանշանակ հանձնառու եմ համարում ինձ՝ այդ խնդիրը շտկելու և իշխանությունը հավասարակշռված դարձնելու հարցում»
Այսօր ԱԺ հատուկ նիստում ՀՀԿ-ական պատգամավոր Արման Սաղաթելյանը մեջբերեց ՀՀ վարչապետի թեկնածու Նիկոլ Փաշինյանի նախկին հայտարարություններից մի ցիտատ.
Այսօր ԱԺ հատուկ նիստում ՀՀԿ-ական պատգամավոր Հայկ Բաբուխանյանը ՀՀ վարչապետի թեկնածու Նիկոլ Փաշինյանից հետաքրքրվեց, թե արդյո՞ք երկիրը պետք է առաջնորդվի միայն լիբերալ գաղափարներով և ոչ ազգային գաղափարախոսությամբ, որը պայքարում է տոտալիտար աղանդների, սեռական փոքրամասնություններին արտոնություններ տալու, վուլգար ֆեմինիզմի և ապազգային այլ գաղափարախոսությունների դեմ։
«Մարդիկ Հայաստանում իրենց տեր են զգում այլևս»,- այսօր ԱԺ հատուկ նիստում հայտարարեց ՀՀ վարչապետի թեկնածու Նիկոլ Փաշինյանը՝ շեշտելով, որ որևէ բան չպետք է նսեմացնի հաղթանակի զգացումը։
Այսօր ԱԺ հատուկ նիստում ՀՀ վարչապետի թեկնածու Նիկոլ Փաշինյանն իր ելույթում ներկայացրեց «Իմ քայլը» շարժման սկիզբը, ընթացքն ու պատճառները։ Ըստ նրա՝ իրենք որևէ անձի դեմ չեն պայքարել ու չեն պայքարելու և «Քայլ արա, մերժիր Սերժին» կարգախոսն ուղղված է Հայաստանում հաստատված համակարգի դեմ։
«Ելք» խմբակցության պատգամավոր Արարատ Միրզոյանն այսօր ԱԺ հատուկ նիստում ներկայացրեց ՀՀ վարչապետի թեկնածու Նիկոլ Փաշինյանի կենսագրությունը։
Այսօր ԱԺ հատուկ նիստում խորհրդարանի նախագահ Արա Բաբլոյանը հայտարարեց, որ առաջադրվել է ՀՀ վարչապետի մեկ թեկնածու՝ խորհրդարանական փոքրամասնության կողմից։
Քիչ առաջ մեկնարկեց ՀՀ Ազգային ժողովի հատուկ նիստը։ Օրակարգում մեկ հարց է՝ ՀՀ վարչապետի ընտրությունը։ Գրանցվել է 102 պատգամավոր, քվորում ապահովված է։
«Ելք» խմբակցությունը երեկ համաժողովրդական շարժման առաջնորդ, ժողովրդի թեկնածու Նիկոլ Փաշինյանին առաջադրեց ՀՀ վարչապետի թեկնածու, որից հետո Փաշինյանը հանդիպումներ ունեցավ ԱԺ խմբակցությունների հետ։
«Ես կընդունեի պարոն Քոչարյանի հայտարարությունն այն մասին, որ իշխանությունը ճամպրուկ չէ, որ փոխանցվի, եթե պարոն Քոչարյանը մի փոքր անդրադառնար նույն իր կողմից Սերժ Սարգսյանին իշխանության փոխանցման խնդիրներին, երբ 2008 թ. մարտի 1-ին 10 հոգու սպանեցին, և դրանից հետո Սերժ Սարգսյանը եկավ իշխանության, ինչպես նաև նույն Սերժ Սարգսյանի կողմից իշխանության ուզուրպացիայի այն բոլոր փորձերին, որպեսզի ինքը ռեինկարնացվի՝ որպես վարչապետ»։
ԱԺ Հանրապետական խմբակցության պատգամավոր Հերմինե Նաղդալյանը գտնում է, որ առանձնապես մեծ տարբերություններ չկան վարչապետի թեկնածու Նիկոլ Փաշինյանի և իշխող Հանրապետական կուսակցության դիրքորոշումներում՝ արտաքին քաղաքականության, ԼՂ-ի կարգավորման, ՀԱՊԿ-ի, ԵԱՏՄ-ի, անգամ կադրային քաղաքականության առումով։
Նիկոլ Փաշինյանի հետ քաղաքական պատասխանատվությունը ո՞ր քաղաքական ուժերն են կրելու, և ովքե՞ր են նրա քաղաքական հենարանը։
Այսօր ԱԺ-ում «Ելք» խմբակցության ղեկավար Նիկոլ Փաշինյանի և ՀՀԿ խմբակցության պատգամավորների հանդիպման ժամանակ ԱԺ փոխնախագահ Արփինե Հովհաննիսյանը, մեջբերելով Ն.Փաշինյանի՝ այս օրերին կատարած հայտարարությունը այն մասին, որ Հայաստանում կա՞ն քաղբանտարկյալներ, թե՞ ոչ, պետք է որոշեն մասնագիտացված հասարակական կազմակերպությունները (հ/կ), հետաքրքրվեց, թե որո՞նք են այդ կազմակերպությունները։
«Անցած տարի սեպտեմբերի 27-ին, երբ ես վարում էի նիստը, դուք այս դահլիճում հայտարարել եք հետևյալ՝ «ԵԱՏՄ-ում մնալու միակ հիմնավորումը շանտաժն է՝ գազը կանջատեն, թուրքերին բաց կթողնեն մեր վրա, և այլն»»։
«Հիմա մենք Նիկոլ Փաշինյանի ո՞ր ասածը հիմք ընդունենք, ընդդիմադիր գործիչ Նիկոլ Փաշինյանի՞, որ ասում է՝ Եվրասիական տնտեսական միությունից պետք է դուրս գալ, թե՞ արդեն վարչապետի թեկնածու Նիկոլ Փաշինյանի, որ ասում է՝ Եվրասիական տնտեսական միությունից պետք չէ դուրս գալ»:
«Ղարաբաղի հարցն ամենակարևորներից մեկն է։ Ակնհայտ է, որ հարցի քննարկումը, բանակցությունները և կարգավորումը պետք է տեղավորվի ԵԱՀԿ Մինսկի խմբի շրջանակներում»:
«Մենք հանդիպում ենք ոչ սովորական պայմաններում, երբ ՀՀ-ում արձանագրված է քաղաքական ճգնաժամ, վերջին 10-15 օրվա ընթացքում բուռն իրադարձություններ են տեղի ունեցել և, հիմա նաև իրավիճակը գնահատելով, ուզում եմ ասել, որ ներքաղաքական ճգնաժամը քննարկումների միջոցով հաղթահարելու հնարավորություն կա»:
«Ոչ, այդպիսի հարց չկա, մենք ընդհանրապես այսօր խնդիր չունենք ժամանակավոր կառավարության մաս կազմել կամ չկազմելու։ Եթե այդպիսի հարց ունենայինք, չէինք էլ դուրս գա։ Մենք այդպիսի հարց երբեք չենք ունեցել։ Դաշնակցությունը պորտֆելների, աթոռակռվի խնդիր չունի այսօր»:
ԱԺ ՀՅԴ խմբակցությունն այս փուլում վարչապետի պաշտոնում առաջադրվելու պարագայում սատարելու է Նիկոլ Փաշինյանի թեկնածությունը։ Այս մասին այսօր ԱԺ-ում Նիկոլ Փաշինյանի և դաշնակցական պատգամավորների հանդիպումից հետո լրագրողների հետ զրույցում հայտարարեց ՀՅԴ խմբակցության ղեկավար Արմեն Ռուստամյանը։
