Դիտարկմանը, որ թեև նամակներն անձնապես Գ.Ծառուկյանին են ուղվել, բայց արդյոք նա կկարդա՞ դրանք, Ի.Տոնոյանը պատասխանեց. «Կարդում ենք մենք, կարդում է բազմաթիվ նամակներ նաև պարոն Ծառուկյանը, որոնք իրեն անձամբ են փոխանցվում, բայց նամակների համառոտ նկարագիրը նրան ներկայացվում է պարբերաբար, այսինքն՝ կոնտակտային տվյալներ և նամակի հակիրճ բովանդակություն»։
«Այդ փաստաթղթում միակ նորությունը նախկիններից առաջին պարբերությունն էր: Տարածքներ, փախստականներ միշտ էլ բոլոր փաստաթղթերում եղել են, բացակայել է ԼՂ ինքնորոշման իրավունքը: Դա կարողացել եմ ես անել, և ինչպես նախագահն է ասում` կարող էինք երազել, այդ երազանքը դարձրել ենք իրականություն»:
Ս.Օհանյանը նշեց, որ քարոզարշավի ժամանակ եկել են եզրակացության, որ մարդիկ սպասում են փոփոխությունների. «Մեզ հաջողվել է կոտրել այն անհուսության մթնոլորտը, և կտեսնենք արդյունքներն ապրիլի 2-ից հետո»:
«Ընտրություններից առաջ քաղաքական ուժերի դասավորություններում Լևոն Տեր-Պետրոսյանը գտել է ազատ տարածք, որն էլ որոշել է զբաղեցնել: Հաշվարկը հավանաբար արվել է այն հեռանկարով, որ հայ հասարակության որոշակի հատվածի մոտ հակամարտության կորուստներից հոգնածություն է կուտակվել»:
«Մենք հայտարարել ենք, որ 2017թ. գնալու ենք հարկաբյուջետային կոնսոլիդացիայի, որպեսզի պարտքը միջնաժամկետում կարողանանք կայունացնել: Դա ենթադրում է, որ ավելի պահպանողական վարքագիծ պետք է ունենանք 2017-2018թթ., իսկ դա նշանակում է, որ որոշակի ծրագրեր, որոնք նախատեսում էինք իրականացնել 2017-2018 թվականներին, մի փոքր պետք է հետաձգենք»,- այսօր կառավարության նիստից հետո լրագրողների հետ զրույցում հայտարարեց ֆինանսների նախարար Վարդան Արամյանը։
«Ես ընտրական այս գործընթացներին չեմ մասնակցում, դրա համար կոռեկտ չի լինի, որ ես մեկնաբանեմ»,- այսօր կառավարության նիստից հետո լրագրողների հետ զրույցում հայտարարեց ՀՀ ֆինանսների նախարար Վարդան Արամյանը՝ հրաժարվելով մեկնաբանել դպրոցների և մանկապարտեզների տնօրենների կողմից ցուցակագրումների փաստը։
Սյունիքում ազատ տնտեսական գոտին կսկսի գործել մինչև այս տարվա հոկտեմբեր։ Այս մասին այսօր կառավարության նիստից հետո լրագրողների հետ զրույցում հայտարարեց տնտեսական զարգացման և ներդրումների նախարար Սուրեն Կարայանը։
«Ես շատ կերազեի, որ այդ 15 մլրդ դոլարն իրողություն դառնար: Եթե մենք նայենք իրատեսության շրջանակներում, դուք աշխարհում որևէ երկիր չեք տեսնի, որ ներդրումներն անմիջապես դառնան 15 մլրդ, դա հնարավոր չէ։ 15 մլրդ-ը մեր ՀՆԱ-ի 150 տոկոսն է: Մենք ունենք 10 մլրդ-անոց տնտեսություն»:
«Ես իրատեսական եմ համարում այն ծրագրերը, որոնց ֆինանսավորումներն արդեն կան, երբ կա ներդրումային ծրագիր, կա ֆինանսավորող և կա իրականացնող։ Այդ 3 հանգամանքների դեպքում նոր ես ծրագրերը համարում եմ իրատեսական»:
Ոստիկանապետին Կարապետյանը հանձնարարեց մեկամսյա ժամկետում ուսումնասիրել ճանապարհային նշանների օրինականությունը և հնարավոր խնդիրները վերացնելու ուղղությամբ ներկայացնել առաջակություններ:
«Մեր կողմից իրականացված ուսումնասիրությունների արդյունքում վերհանվել են մարզերում բնակվող բազմազավակ ընտանիքների բնակարանային պայմանների վերաբերյալ խնդիրները: Առկա են հիմնավոր բողոքներ նաև մարզերում բնակվող երիտասարդ ընտանիքների կողմից բնակարան ձեռք բերելու ֆինանսական բեռի վերաբերյալ»:
Այսօր կառավարության նիստի սկզբում վարչապետ Կարեն Կարապետյանը հանձնարարական տվեց չգազաֆիկացված տարածքների ջեռուցման վերաբերյալ: Ըստ նրա` բազմիցս նշվել է, որ Հայաստանում գազաֆիկացման մակարդակը 94-96% է, ինչն աննախադեպ բարձր է, քան կամայական այլ երկրում, որը չունի ներքին էներգառեսուրսներ:
Այսօր կառավարության նիստի սկզբում ՀՀ վարչապետ Կարեն Կարապետյանն անդրադարձավ սնանկության գործերով կառավարիչների գործունեության արդյունավետությանը: Նա նշեց, որ բազմաթիվ տեղերում սնանկ ձեռնարկությունների աշխատակիցները բողոքում են կառավարիչների ոչ պատշաճ գործունեությունից, սնանկության գործընթացի չափազանց երկար տևելուց, աշխատավարձերի ուշացումից և այլ խնդիրներից:
Նա եկամուտները գոյացել են ՀՀ նախագահի աշխատակազմից և Պաշտպանության նախարարությունից ստացած աշխատավարձերից՝ համապատասխանաբար՝ մոտ 11.4 մլն և 2.2 մլն դրամ, և նույն կառույցներից ստացած գործուղման օրապահիկներից՝ 1.3 մլն և 752 հազար դրամ։
Կրկնում եմ՝ «Ծառուկյան» դաշինքը ո՛չ ցուցակագրելու, ո՛չ որևէ այլնի խնդիր չունի։ Դրա համար բավական է նայել միայն հանրային վստահությունը, գնալ և մի անգամ մասնակցել Ծառուկյանի հանրահավաքներին, մարդիկ, որոնք գալիս են ինքնաբուխ, գալիս են հավատով և վստահությամբ, ոչ թե իշխանական քարոզիչների հավաքին, որտեղ մարդիկ ուղղակիորեն բերման են ենթարկվում, հետո դուրս են գալիս և իրենց ընտանիքներում ասում են՝ այս ամենը մի օր վերջ ունենալո՞ւ է, թե՞ ոչ։
«Դա նշանակում է՝ անցկացնել արդար ընտրություներ, արմատախիլ անել կոռուպցիան, թալանը, թալանչիներին պատասխանատվության ենթարկել, երկրում օրինականություն հաստատել, բացահայտել Մարտի 1-ի, Հոկտեմբերի 27-ի ոճրագործությունները, բոլոր մեղավորներին պատժել»,- ասաց Ս. Դեմիրճյանը։
«Մենք հասանք նրան, որ բոլոր խոշոր տեղամասերում կտեղադրվեն տեսախցիկներ, որոնք կհեռարձակեն ամբողջ ընտրական գործընթացը՝ ներառյալ հաշվարկը։ Այնտեղ նաև տեղադրված են լինելու սարքավորորումներ, որոնք կնույնականացնեն ընտրողնրին»,- այսօր Ազատության հրապարակում Կոնգրես-ՀԺԿ դաշինքի հանրահավաքի ժամանակ հայտարարեց ՀԱԿ փոխնախագահ Լևոն Զուրաբյանը։
Վ.Խաչատրյանը հայտարարել է, որ պետք է մեկ օր առաջ խաղաղության պայմանագիրը ստորագրվի. «Մեզ մեղադրում են, ասում են՝ դուք հող տվող եք: Մենք հող տվող չենք, չենք էլ եղել, մենք հող գրավող ենք»։
«Այս վայրը հայ ժողովրդի համար զարթոնք ապահովող վայր է, և մենք, ձեզ հետ միասին, այդ զարթոնքը ևս մի անգամ պետք է ապահովենք ապրիլյան այս օրերին»,- այսօր Ազատության հրապարակում ՕՐՕ դաշինքի ամփոփիչ հանրահավաքի ժամանակ հայտարարեց դաշինքի ղեկավար Սեյրան Օհանյանը։
«Մենք գնում ենք միասին դեպի ավետյաց երկիր։ Ապրիլ ամիսը, հարության ամիսը նշանավորվելու է մեր համատեղ պայքարի միջոցով, այս բռնի, ապօրինի իշխանության ավարտով և ՀՀ վերածննդով»,- հայտարարեց Հովհաննիսյանը։
«Սիրելի՛ հայրենակիցներ, ապրիլի 2-ին դուք ձեր ձայնով որոշելու եք ձեր և ձեր երեխաների, թոռների ապագան հաջորդ տասնամյակների համար»,- այսօր Ազատության հրապարակում ՕՐՕ դաշինքի ամփոփիչ հանրահավաքի ժամանակ հայտարարեց դաշինքի առաջնորդներից Վարդան Օսկանյանը։
Եղիազարյանի խոսքով՝ այսօր մարդը տրտնջում է, 10 հազարից ավելի այլ բան չի տեսնում, նա ստրուկ է, իսկ ստրուկը չի կարող համատեղվել իրենց հետ, իրենք ազատ են։ Հրամանատարը հարցադրում արեց, թե 50-100 տարի հետո այստեղ գտնվողներից ոչ մեկը ողջ չի լինելու, և ի՞նչ են այն ժամանակ ասելու իրենց մասին՝ ավելի շատ երշի՞կ են կերել, թե՞ հայրենիքի համար են պայքարել. «Տղամարդու արժանիքներից մեկն այն է, որ փորձության ժամին իր կյանքը նվիրի հայրենիքի արդար գործին»։
«Նոր մոտեցումներ շատ չտեսանք, մի քիչ նորաձև և համակարգված էր «Ելքի» քարոզարշավը, մնացածը կրկնողություններ էին, այսինքն՝ այս կամ այն տարեթվերի եղած մոտեցումներն այս կամ այն քաղաքական ուժերը կրկնում էին»։
Այսօր Ազատության հրապարակում ՕՐՕ դաշինքի ամփոփիչ հանրահավաքի ժամանակ Աշոտ Մանուչարյանը պատմեց 88-ի իրողություններից, երբ այն ժամանակ Ազգային բանկի նախագահ Տիգրան Սարգսյանին մի մուրացիկ կին է մոտեցել, բայց Սարգսյանը մերժել է նրան, իսկ այդտեղ գտնվող Վազգեն Մանուկյանը փորձել է օգնել, սակայն կինը հրաժարվել է և դիմել է Սարգսյանին. «Պարոն Տիգրան Սարգսյան, ո՞ւր է իմ հացի փողը»։
ՕՐՕ դաշինքով առաջադրված Անդրիաս Ղուկասյանը, գտնվելով անազատության մեջ, միակն է 1000-ից ավելի պատգամավորության թեկնածուներից, որ զրկված է իր իրավունքներից և չի կարող հանդիպել ընտրողների և լրագրողների հետ։ Այս մասին այսօր Ազատության հրապարակում հայտարարեց Ղուկասյանի կինը՝ Անահիտ Թարխանյանը։
«Մենք ունեցանք շատ վատ քարոզարշավ ոչ թե մեր աշխատանքի պատճառով, այլ իշխանությունների ապօրինությունների պատճառով։ Ամենասկզբից՝ սև քարոզչություն, որին փոխարինեցին բռնությունները, կրակոցները, Ջրառատը»,- այսօր Ազատության հրապարակում «Օհանյան-Րաֆֆի-Օսկանյան» դաշինքի ամփոփիչ հանրահավաքի ժամանակ հայտարարեց դաշինքի անդամ, «Ժառանգություն» փոխնախագահ Արմեն Մարտիրոսյանը։
Այսօր «Ծառուկյան» դաշինքի ղեկավար Գագիկ Ծառուկյանին նամակներ էին փոխանցում անգամ Երևանի Մարզահամերգային համալիրում՝ մարզային քարոզարշավի արդյունքներն ամփոփելուց հետո։
«Ես ճիշտ եմ ապրել»,- հավելեց Գ. Ծառուկյանը՝ նշելով, որ որևէ սուտ խոստում չի տվել, այլ խոսել է միայն այն մասին, ինչը կարող է իրականացնել։ Ըստ նրա՝ ինքն իր թիմակիցներին արգելել է ցեխ շպրտել ուրիշ ուժերի վրա. «Ուժեղ մարդն այդպես պետք է լինի»։
«Ծառուկյան» դաշինքն այսօր մարզային քարոզարշավի արդյունքներն ամփոփում է Երևանի Կ.Դեմիրճյանի անվան մարզահամերգային համալիրում։ Դաշինքի նախընտրական շտաբի պետ Իշխան Զաքարյանը հայտարարեց, որ առաջիկա ընտրությունների քաղաքական արժեքը չափազանց բարձր է։
«Ես խաղաղության կոչ եմ անում, որովհետև այդ խաղաղության գիտակցությունը պետք է հասնի բոլորիս: Բայց քանի որ ես մայր եմ, տատիկ եմ, ես կոչ եմ անում, որ բոլոր զգայուն սրտերը միանան էսօրվա քար դարձած մտքին, որ երբեմն այն աստիճան անհեթեթության է հասնում, որ կարող են նույնիսկ թույլ տալ ներքին արյունահեղություն, միայն թե իրենց նեղ անձնական կամ կուսակցական շահերը հետապնդեն»:
