Սուրեն Կարայանը՝ Գագիկ Ծառուկյանի 15 մլրդ ներդրումների մասին. «Մինչև չլինեն ծրագրերը, մինչև չլինեն աղբյուրները, ես չեմ հավատա»
«Ես իրատեսական եմ համարում այն ծրագրերը, որոնց ֆինանսավորումներն արդեն կան, երբ կա ներդրումային ծրագիր, կա ֆինանսավորող և կա իրականացնող։ Այդ 3 հանգամանքների դեպքում նոր ես ծրագրերը համարում եմ իրատեսական»,- այսօր կառավարության նիստից հետո լրագրողների հետ զրույցում հայտարարեց տնտեսական զարգացման և ներդրումների նախարար Սուրեն Կարայանը՝ պատասխանելով 168.am-ի հարցին, թե որքանո՞վ են իրատեսական նախընտրական շրջանում տարբեր ծավալների ներդրումների մասին խոստումները՝ 15 մլրդ, 3.2 մլրդ և այլն։
Ըստ նրա՝ վարչապետի հայտարարած 3.2 մլրդ ներդրումների տակ կան կոնկրետ ծրագրեր և կոնկրետ ֆինանսավորողներ, իսկ 15 մլրդ ներդրումներին հավատալու համար պետք է ծրագիրն ու աղբյուրն իմանալ. «Մինչև չլինեն ծրագրերը, մինչև չլինեն աղբյուրները, ես չեմ հավատա»։
Մանրամասները՝ տեսանյութում
