«Վարչական լծակներ օգտագործելն անթույլատրելի է». Վարդան Արամյան
«Ես ընտրական այս գործընթացներին չեմ մասնակցում, դրա համար կոռեկտ չի լինի, որ ես մեկնաբանեմ»,- այսօր կառավարության նիստից հետո լրագրողների հետ զրույցում հայտարարեց ՀՀ ֆինանսների նախարար Վարդան Արամյանը՝ հրաժարվելով մեկնաբանել դպրոցների և մանկապարտեզների տնօրենների կողմից ցուցակագրումների փաստը։
Նա վստահեցրեց, որ չի հետևում այդ գործընթացներին, իսկ ՀՀԿ յուրաքանչյուր անդամ ունի իր դերակատարությունը։
«Վարչական լծակներ օգտագործելը, մենք բազմիցս ենք հայտարարել՝ և՛ վարչապետը, և՛ նախագահը, անթույլատրելի է։ Մնացածը, բնականաբար, իրավապահ մարմինների գործն է»,- նշեց նախարարը։
Մանրամասները՝ տեսանյութում
