«Հաջորդ փունջի ՏԻՄ ընտրություններին ակտիվորեն կմասնակցենք». Նիկոլ Փաշինյան
«Ելքը» դաշինքը քննարկել է ՏԻՄ ընտրություններին մասնակցության հարցը և լրջորեն վերլուծել 2017 թ. խորհրդարանական ընտրությունների ժամանակ մարզերում արձնագրած ադյունքները: Այսօր ԱԺ ճեպազրույցների ժամանակ խմբակցության ղեկավար Նիկոլ Փաշինյանը հայտարարեց, որ հանգել են եզրակացության, որ ՏԻՄ ընտրություններին մասնակցելուց առաջ պետք է իրականացնել կառուցվածքային և կադրային ուժեղացումներ: Ըստ նրա` այդ նպատակով «Ելք» դաշինքում ձևավորվել է աշխատանքային խումբ:
«Հաջորդ փունջի ՏԻՄ ընտրություններին ակտիվորեն կմասնակցենք»,- ասաց Նիկոլ Փաշինյանը` հավելելով, որ այստեղ կա քաղաքական կոմպոնենտ, որ խոշորացված համայնքներում լինեն համամասնական ընտրակարգով ՏԻՄ ընտրություններ:
Խմբակցության պատգամավոր Մանե Թանդիլյանի խոսքով` տեղային ընտրությունները տարբերվում են համապետականից. «Մենք ուզում ենք որակական փոփոխություններ բերել և այլ մակարդակ ձևավորել: Աշխատանքային խմբերի արդյունքները կտեսնենք մարտին»:
