Մայիսի 24-ին Քաջարանում տեղի ունեցող ձերբակալություններից հետո՝ Քաջարանի բնակչին առևանգելու քրեական գործով, ինչպես հայտնում է ՔԿ-ն, 3 քաջարանցի երիտասարդ կալանավորվել են, չնայած ավելի վաղ ձերբակալությունները դատարանը ճանաչել էր ոչ իրավաչափ:
Կորոնավիրուսային վճարովի թեստավորման անթույլատրելիության մասին Առողջապահության նախարարությունը հայտարարություն էր տարածել, որտեղ նշված էր, թե «վճարովի հիմունքներով կորոնավիրուսային հիվանդության հարուցչի նկատմամբ թեստավորման իրականացումն անթույլատրելի է և վտանգավոր, քանի որ նշյալ աշխատանքների նկատմամբ լիարժեք վերահսկողություն իրականացնել հնարավոր չէ», և լաբորատորիաները կարող են գնել և կիրառել տարբեր զգայունություն և մասնահատկություն (սպեցիֆիկություն) ունեցող թեստ-հավաքածուներ՝ կասկածի տակ դնելով ստացված արդյունքների հավաստիությունը, բուժման ճիշտ մարտավարության ընտրությունը և արդյունավետությունը, ինչպես նաև անորոշություն առաջացնելով վարակի վերահսկմանն ուղղված հետագա միջոցառումների կազմակերպման և իրականացման հարցում։
Երևան քաղաքի Շենգավիթ վարչական շրջանի ընդհանուր իրավասության դատարանում դատավոր Դավիթ Բալայանի նախագահությամբ ընթացող՝ Դավիթ Սանասարյանի, Սամվել Ադյանի, Գևորգ Խաչատրյանի և Տարոն Ավետիսյանի գործով դատական հերթական նիստում այսօր շարունակվեց ապացույցների հետազոտման փուլը։ Նիստի ընթացքում հետազոտվեցին ամբաստանյալներին որպես մեղադրյալ ներգրավելու, խափանման միջոց ընտրելու, առգրավումներ, զննություններ կատարելու որոշումները, ներկայացվեցին կատարված հեռախոսազանգերի վերաբերյալ կատարված արձանագրությունները:
«Ուզում եմ ուշադրություն հրավիրել, որ մարտի 1-ի հրամանագիրը պարոն Քոչարյանն իր տան պադվալում նստած չի գրել: Դա գրվել է նախագահի աշխատակազմում, իրավաբանական վարչությունը կամ աշխատակազմը, մի քանի վիզա կան դրանց վրա: Մեղադրանքում չկա մի կետ, որ ասված լինի՝ «այ, Ձեզ եկել-ասել են, որ դա ապօրինի է, Դուք ասել եք՝ «ոչինչ, ստորագրեք»»: Այսինքն՝ ակնհայտ երևում է, որ առաջադրված մեղադրանքով չկա պնդում, որ մարդը կարող էր ենթադրել, որ դա կարող է լինել հանցագործություն»,- ասաց Օրբելյանը:
Մարդու իրավունքների եվրոպական դատարանի՝ ՀՀ երկրորդ նախագահ Ռոբերտ Քոչարյանի գործով ներկայացված խորհրդատվական կարծիքի շահառուն, Ռոբերտ Քոչարյանի փաստաբանների խոսքով, ՀՀ Սահմանադրական դատարանն է, որը 2019 թվականի հուլիսի 18-ին Երևան քաղաքի ընդհանուր իրավասության դատարանի և Ռոբերտ Քոչարյանի դիմումների հիման վրա՝ ՀՀ ՔՕ 300.1-րդ հոդվածի՝ Սահմանադրությանը համապատասխանության հարցի քննարկումը կասեցրել էր և դիմել էր ՄԻԵԴ ու Վենետիկի հանձնաժողով:
Այսօր կեսօրից մեկ ժամ անց Մարդու իրավունքների եվրոպական դատարանը հրապարակեց ՀՀ ՍԴ հարցման վերաբերյալ իր խորհրդատվական կարծիքը։ Բարդ, իրավաբանական տերմիններով հարուստ փաստաթղթի մասին որոշ պարզաբանումներ ներկայացրեցին Ռոբերտ Քոչարյանի փաստաբանական թիմի ներկայացուցիչները։ Մարդու իրավունքների եվրոպական դատարանի՝ ՀՀ երկրորդ նախագահ Ռոբերտ Քոչարյանի գործով ՀՀ Սահմանադրական դատարանի դիմումի հիման վրա ներկայացրած խորհրդատվական կարծիքում, որը վերաբերում է սահմանադրական կարգի տապալմանն ու դրա կիրառմանը Մարդու իրավունքների եվրոպական կոնվենցիայի 7-րդ հոդվածի լույսի ներքո (պատիժ չկա առանց օրենքի), ըստ փաստաբան Արամ Վարդևանյանի, տեղ են գտել նաև նախկինում հենց Ռոբերտ Քոչարյանի փաստաբանական թիմի հնչեցրած դիրքորոշումներում ու պնդումներում:
«ADM դայմոնդս» ադամանդագործական ընկերությունը, որը 2020 թվականի առաջին եռամսյակի տվյալներով ՀՀ 1000 խոշոր հարկատուների ցանկում 715-րդն է, 2020 թվականի հունվար և փետրվար ամիսներին իր աշխատակիցներին ընդհանւոր առմամբ վճարել է ավելի քան 18 միլիոն դրամ աշխատավարձ: Վճարված աշխատավարձի թվերին 168.am-ը ծանոթացավ ընկերության ղեկավարների մեզ տրամադրած 2020 թվականի հունվար և փետրվար ամիսներին վճարած աշխատավարձերի վերաբերյալ փաստաթղթերին, որոնց […]
ՀՀ Կենտրոնական բանկի ֆինանսական կայունության դեպարտամենտի տնօրեն Անդրանիկ Գրիգորյանը, ամփոփելով 2019 թվականի «Ֆինանսական կայունության հաշվետվությունը»՝ հայտնեց, որ 2019 թվականը բավականին հաջող տարի էր թե՛ ընդհանուր տնտեսական զարգացման, թե՛ ֆինանսական զարգացման առումով, և, որ 2019 թվականին շարունակվել են 2018 թվականի ֆինանսական հաշվետվության մեջ ներառված միտումները:
«ADM դայմոնդս» ադամանդի ընկերությունը, որը 2020 թվականի առաջին եռամսյակի տվյալներով՝ զբաղեցնում է Հայաստանի 1000 խոշոր հարկատուների ցանկի 715-րդ հորիզոնականը, ըստ սեփականատեր Արտակ Բաղիկյանի՝ նպատակ ունի դառնալ Հայաստանի 100 խոշոր հարկատուներից մեկը։
Մարդու իրավունքների եվրոպական դատարանը հրապարակեց ՀՀ ԶՈՒ սպա Գուրգեն Մարգարյանի գործով «Մակուչյանն ու Մինասյանն ընդդեմ Ադրբեջանի և Հունգարիայի» վճիռը։
ԱԺ նախկին պատգամավոր, ԵԿՄ նախկին նախագահ Մանվել Գրիգորյանը դատական հայց է ներկայացրել ՀՀ առողջապահության նախարարության դեմ: Հայցադիմումով կողմը պահանջում է քննարկել Ֆրանսիայի Վալ Դ՛Օրի բժշկական կենտրոնում հետագա հետազոտություններն ու բուժումը ստանալու հարցը, հրավիրել բժշկական հանձնաժողով և պարտավորեցնել համապատասխան եզրակացություն տալ: Հայցը մակագրվել է Վարչական դատարանի դատավոր Արգիշտի Ղազարյանին:
ԱԱԾ նախկին տնօրեն Արթուր Վանեցյանը Վատիկանում Հայաստանի Հանրապետության նախկին դեսպան Միքայել Մինասյանի հայտարարության շրջանակներում կրկին հրավիրվել է Հատուկ քննչական ծառայություն:
Այն, որ կորոնավիրուսի նոր բռնկում կա երկրում, որը շատ վտանգավոր է, լսում ենք արդեն վարչապետ Նիկոլ Փաշինյանից, որի խոսքով՝ վերջին օրերին վարակման դեպքերի աճի հիմնական պատճառն արդյունաբերական ձեռնարկություններն են, սպասարկման ոլորտը:
Վաղ առավոտից Կապանում լարված իրավիճակը չի հանդարտվում: Քաղաքացիները Ոստիկանության Կապանի բաժանմունքի դիմաց շարունակում են բողոքի ակցիան՝ պահանջելով ազատ արձակել ձերբակալված քաջարանցիներին ու թույլ չտա նրանց տեղափոխել Երևան:
Շատ հաճախ խախտվում է, անգամ երկրի բարձրագույն իշխանավորների կողմից: Նաև վարչապետի դեպքում ես հաճախ եմ ականատես լինում անմեղության կանխավարկածի խախտման: Ամենաճչացող օրինակը երեխաների որդեգրման դեպքին է վերաբերում, երբ վարչապետը, եթե չեմ սխալվում՝ Կառավարության նիստի ժամանակ, կարծիք հայտնեց այդ մասին, ինչը չէր կարելի: Չի կարելի, որ երկրի բարձրագույն իշխանավորները կամ իշխանությունը կարծիք հայտնեն մի քրեական գործի մասին, որը դեռ նոր է սկսվում, և հայտնի չի, թե ինչ արդյունք է լինելու: Այդ կարծիքները, երբ որ արտահայտում են բարձրագույն իշխանավորները, կարող են դատավորների համար, իսկ մեր դատավորների համար՝ առավել ևս, լինել ուղենիշային, ինչը չի կարելի:
Վերաքննիչ քրեական դատարանը՝ դատավոր Ռուբեն Մխիթարյանի նախագահությամբ, մերժել է ԱԺ նախկին պատգամավոր, ՀՀ բռնցքամարտի ֆեդերացիայի նախագահ Արթուր Գևորգյանի նկատմամբ Առաջին ատյանի դատարանի որոշմամբ կիրառված խափանման միջոց կալանավորման դեմ Գևորգյանի փաստաբան Հրանտ Անանյանի ներկայացրած բողոքը:
Վերաքննիչ քրեական դատարանում՝ դատավոր Արմեն Դանիելյանի նախագահությամբ, այսօր կայացել է ՊԵԿ նախկին նախագահ, ֆինանսների նախկին նախարար Գագիկ Խաչատրյանի նկատմամբ ընտրված խափանման միջոց կալանավորման վերաբերյալ առաջին ատյանի դատարանի որոշման դեմ Խաչատրյանի շահերի պաշտպան Երեմ Սարգսյանի ներկայացրած բողոքի քննությունը:
Ռոբերտ Քոչարյանի նկատմամբ ընտրված խափանման միջոց կալանավորումը վերացնելու, գրավով կամ նախկին վարչապետների անձնական երաշխավորությամբ փոխարինելու մասին միջնորդությունները մերժելու մասին ընդհանուր իրավասության դատարանի որոշման դեմ բողոք էր ներկայացվել Վերաքննիչ դատարան։
«Ես ավելի քան համոզված եմ, որ այն, ինչ-որ տեղի է ունեցել, ունի կազմակերպիչներ: Այդ ստահակները չեն դա անում, կան կազմակերպիչներ և հաշվի առնելով կապերը իշխանության հետ, շատ սերտ կապերը, համոզված եմ, որ այդտեղից էլ գալիս է, որովհետև ինչո՞ւ պետք է նախ էդ հարձակումը լիներ, ինչո՞ւ պետք է ընտանիքիս վրա, ու ինչո՞ւ պետք է անընդհատ նշեին իմ փաստաբան լինելը, իրենց կյանք ուտելը և մնացածը: Չեմ կարող ասել, թե իրենց կոնկրետ ցուցում են տվել՝ էս ձևով անել, բայց էն, որ իրենց ոգևորել են ու ասել են, որ կարող են դա անել ու երևի թե մարսել, դա է»,- այսօր հրավիրած ասուլիսի ընթացքում ասաց փաստաբան Տիգրան Աթանեսյանը՝ անդրադառնալով 2 օր առաջ իր տան վրա կատարված հարձակմանը:
Տիգրան Աթանեսյանը` իր բնակարանի վրա հարձակման մասին. ՈւՂԻՂ
«Ժողովուրդն իր կարծիքը… կրկնում եմ, ՀՀ իշխանությունը պատկանում է ժողովրդին, ժողովուրդն իր իշխանությունն իրացնում է ընտրությունների և հանրաքվեների միջոցով: Ընտրությունների միջոցով ձևավորում է առաջնային մանդատ ունեցող իշխանություն, որն էլ իրացնում է ժողովրդի իշխանությունը»:
Կասեցված լիազորություններով դատավոր Դավիթ Գրիգորյանին առնչվող մեղադրանքը և դրա հիման վրա հարուցված քրեական գործը, որն արդեն դատարանում է և մակագրվել է Երևան քաղաքի Շենգավիթ վարչական շրջանի ընդհանուր իրավասության դատարանի դատավոր Դավիթ Բալայանին: Դ. Գրիգորյանի շահերի պաշտպան, փաստաբան Գեորգի Մելիքյանը 168.am-ի հետ զրույցում նախ ասաց, որ իր պաշտպանյալը թե նախաքննության ընթացքում, և թե ընդհանրապես չի ընդունել առաջադրված մեղադրանքը։ Փաստաբանի փոխանցմամբ՝ «Որևէ հանցավոր արարք կամ հանցակազմի տարրեր պարունակող գործողություն նա չի կատարել: Այդ մեղադրանքն ամբողջովին անհիմն է և իրականությունից հեռու»:
Հայաստանի Ազգային գրադարանի թվային արխիվի հրդեհի պատճառը, ըստ Արտակարգ իրավիճակների նախարարության նախնական եզրակացության, սերվերային սենյակում եղած կրակի փոքր բռնկումն է եղել: 168.am-ին հայտնեց ԱԻՆ մամուլի քարտուղար Էդմոն Զարգարյանը:
Հայաստանում ԱՄՆ դեսպան Լին Թրեյսիին հարցեր են ուղղվել նաև ՌԴ ԱԳ նախարար Սերգեյ Լավրովի՝ Լեռնային Ղարաբաղի հակամարտության կարգավորման վերաբերյալ հայտարարության մասին, որի համաձայն՝ այժմ ակտիվորեն քննարկվում են ԼՂ հակամարտության կարգավորման նախագծեր, որոնք ենթադրում են փուլային կարգավորում։ Դեսպանն ուղղակիորեն չպատասխանեց հարցին, թե արդյո՞ք ԱՄՆ-ը կիսում է այդ տեսակետը:
Այսօրվա ֆեյսբուքյան ասուլիսի ընթացքում Հայաստանում ԱՄՆ դեսպան Լին Թրեյսին անդրադարձավ օգտատերերի այն հարցերին, որոնք վերաբերում էին ԱՄՆ վիզա ստանալու համար կրկին դիմելու հնարավորությանը, ընթացակարգին, ինչպես նաև այն դեպքերին, երբ քաղաքացիները դիմել են, վճարել են վիզա ստանալու համար անհրաժեշտ միջնորդավճարը, սակայն կորոնավիրուսով պայմանավորված՝ գործընթացը կանգ է առել:
Երևան քաղաքի Ավան և Նոր Նորք վարչական շրջանների ընդհանուր իրավասության դատարանի դատավոր Դավիթ Գրիգորյանի և նույն դատարանի դատական նիստերի քարտուղար Գոռ Վարդանյանի նկատմամբ պաշտոնեական կեղծիքներ կատարելու մեղադրանքով քրեական գործը մակագրվել է Երևան քաղաքի Շենգավիթ վարչական շրջանի ընդհանուր իրավասության դատարանի դատավոր Դավիթ Բալայանին: Տեղեկությունը 168.am-ի հետ զրույցում հաստատեց ԲԴԽ մամուլի խոսնակ Արման Խաչատրյանը:
«Մեր թեստերը ոչ միայն ցույց էին տալիս, որ այս պահին մարդն ունի այդ վարակը, թե չէ, այլ նաև՝ կա՞ն իր մոտ հակամարմիններ, թե՞ ոչ: Եթե կան, ուրեմն այդ մարդն արդեն ունեցել է վիրուս»,- ասաց Անահիտ Հայթայանը:
Մեր տեղեկություններով՝ ՀՀ փոխվարչապետ, պարետ Տիգրան Ավինյանը երեկ ծեծի է ենթարկվել Կառավարության շենքի մոտ։ Մի խումբ քաղաքացիներ, ովքեր, ըստ մեր տեղեկությունների, դժգոհ են եղել պարետատան որոշումներից, փորձել են ծեծի ենթարկել Տիգրան Ավինյանին, որից հետո նա պատառոտված հագուստով մտել է Կառավարության շենք։
Ռեստորանների սեփականատերերն ու աշխատակիցները ցանկանում են աշխատելու թույլտվություն ստանալ. ՈւՂԻՂ
Արթուր Դանիելյանը հրավիրվել է Ոստիկանության 6-րդ վարչություն. ՈւՂԻՂ
