Դեռևս 2013 թվականին Հայաստանը Միջազգային զարգացման ընկերակցության հետ կնքել էր 35 մլն ԱՄՆ դոլարի վարկային պայմանագիր Գեղարքունիքի մարզի Մարտունու ԲԿ և ՀՀ Վայոց ձորի մարզային հիվանդանոցի արդիականացման աշխատանքներն իրականացնելու համար։
Կառավարությունը բավարարել է «Ջերմուկ Գրուպ» ընկերության ներկայացրած հայտն ու ընկերությանը տվել հարկային արտոնություն՝ գերակա ոլորտում իրականացվող ներդրումային ծրագրի շրջանակներում ներմուծվող տեխնոլոգիական սարքավորումները, դրանց բաղկացուցիչ ու համալրող մասերը, հումքը և նյութերը ներմուծման մաքսատուրքից ազատելու համար։
Հայաստանի Կառավարությունը փոփոխություն է կատարել 2021 թվականի պետական բյուջեում՝ նվազեցնելով մի շարք գերատեսչությունների ծախսերը։
Նիկոլ Փաշինյանը վախենում է հրաժարական տալ. վախենում է, որովեհտև իր հեռացմամբ ինքն ու իր թիմի անդամները պետք է իրենց կատարած ապօրինությունների համար պատասխան տան, իսկ ապօրինությունները շատ են՝ սկսած «Հայաստան» համահայկական հիմնադրամից անհետացած միլիարդներից, վերջացրած տնտեսությունում գոյացած ճեղքվածքով։
Ազգային ժողովի «Լուսավոր Հայաստան» խմբակցության պատգամավոր Գևորգ Գորգիսյանը, իհարկե, դեմ է ռեյտինգային ընտրակարգը համամասնականով փոխարինելու ճանապարհով արտահերթ խորհրդարանական ընտրություններ անցկացնելու իշխանության գաղափարին:
«Հիմա ռազմական դրությունը վերացնելու քվեարկությունը ցույց տվեց, որ «Իմ քայլի» պատգամավորները կողմ են քվեարկել, ինչը նշանակում է, որ փաստացի նրանք չեն ունեցել այնքան քաղաքական հոտառություն, որ գոնե իրենք նախաձեռնեն այս փուլում, և դա իրականացվեց ընդդիմության նախաձեռնությամբ»,- ասաց Արա Սաղաթելյանը։
«Հայաստան» համահայկական հիմնադրամի մարտի 15-ին կայացած Հոգաբարձուների խորհրդի նիստում տեղի է ունեցել մի բան, որը երբևէ չի եղել հիմնադրամում իր ղեկավարման 14 տարիների ընթացքում։ Հիմա Հոգաբարձուների կարծիքները բաժանվել են երկու մեծ խմբի՝ մի մասը պնդում է, որ հիմնադրամից Կառավարությանը փոխանցված 52 միլիարդ դրամի ծախսման ուղղություններն ու արդյունավետությունը պետք է պարզել, հստակեցնել, թե ինչի՞ վրա է ծախսվել այդ գումարը, մյուս մասն ասում է, որ 107 միլիոն դոլարի պատմությունը պետք է ծածկադմփոց անել։
Ադրբեջանն ու Թուրքիան Հայաստանում կատարվող և ծրագրվող իրադարձությունների վերաբերյալ ունեն այն նույն կարծիքը, որն ունի Հայաստանի իշխանությունը, հետևապես՝ այս առումով գործ ունենք մի եռամիասնության հետ։ 168 TV-ի «Ռեվյու» հաղորդաշարի եթերում այս մասին ասաց «Հայրենիք» կուսակցության խորհրդի անդամ Արա Սահակյանը՝ հավելելով.
Հայաստանում արտահերթ խորհրդարանական ընտրություններ անցկացնելու վերաբերյալ չկա որևէ պաշտոնական հայտարարություն, իսկ Նիկոլ Փաշինյանը, եթե ցանկանում է արտահերթ ընտրություն անցկացնել, պետք է հրաժարական ներկայացնի. թող հրաժարականը տա, հետո կխոսենք։ 168 TV-ի «Ռեվյու» հաղորդաշարի եթերում նման տեսակետ հայտնեց «Հայրենիք» կուսակցության խորհրդի անդամ Արա Սահակյանը՝ ընդգծելով, որ եթե իշխանությունը որոշի ընտրությունների գնալ նոր Ընտրական օրենսգրքով՝ համամասնական ընտրակարգով, ապա իրենց կուսակցությունը կարող է քննարկել դրանք բոյկոտելու հարցը։
Կառավարությունը հերթական փոփոխությունն է կատարել 2021 թվականի բյուջեում, որպեսզի կարողանա ավելի վաղ իր ընդունած որոշման արդյունքում ստանձնած պարտավորությունները կատարել։
«Երբ Կենտրոնական ընտրական հանձնաժողովը կհայտարարի ընտրության օրը, այն ժամանակ ՀՀԿ-ն իր կարծիքը կարտահայտի, կասենք՝ մասնակցո՞ւմ ենք, թե՞ ոչ, կամ ի՞նչ ցուցակով ենք մասնակցում։ Այս պահին մի բան հստակ է՝ մենք քաղաքական գործընթացներում դիտորդ չենք լինելու, մենք ասելիք և անելիք ունենք, մենք շարժվելու ենք մեր օրակարգով»։
«Ես չեմ հասկանում, թե այդ հարցն ինչո՞ւ է շրջանառվում։ Կարո՞ղ եք հիշել մի դեպք, երբ մեր կուսակցությունն ընտրության գնա բլոկով։ Այդ հարցը ևս դեռ չի քննարկվել, իհարկե, չեմ բացառում՝ որևէ բան փոխվի, բայց պատմական շարքին երբ նայում եք, տեսնում եք, որ միայնակ է գնացել միշտ ընտրություններին ՀՅԴ-ն։ Այսօր հիմք չունեմ փոփոխության մասին խոսելու»։
«Կարծում եմ՝ նա հիմա որևէ մեկին չի լսում՝ բացառությամբ Ալիևից։ Տեսեք, եթե մենք ուզում ենք հասկանալ, թե ի՞նչ է կատարվելու Հայաստանում, լսում ենք Ալիևին, ինչ ասում է, հետո սահուն կերպով Հայաստանում տեղի է ունենում, իհարկե, չեմ բացառում, որ Փաշինյանը մնում է Զանգեզուրը տալու, Սյունիքը տալու, միջանցքներ բացելու, Արցախի հարցը թաղելու համար, չէ՞ որ, եթե գնար, հիմա Շուռնուխը չէինք տա, Սյունիքում դիրքեր չէինք հանձնի, այնպես որ, եթե իշխանափոխություն տեղի չի ունենում, ապա ականատես ենք լինելու Հայաստանում՝ ալիևյան սցենարների իրականացմանը»,- ասաց Արտակ Գրիգորյանը։
«Ընդդիմությունը մի քանի լավ հնարավորություն ուներ, բաց թողեց. Օրինակ, պահը բաց թողեց, երբ հրապարակում հավաքված էր 30 հազար մարդ, նրանք չգնացին ավելի ռադիկալ և համակարգված գործողությունների»,- ասաց պատգամավորը՝ ընդգծելով, որ ակնհայտ է, որ ընդդիմությունն այլևս իր գործողությունների վերաբերյալ վերանայումներ պետք է կատարի։
«Արդյո՞ք պատերազմի ավարտից հետո շարունակում է նախատեսված մնալ, չեմ կարող ասել։ Նշեմ, որ 890 միլիոն դրամը պատերազմի 7-րդ օրը մերոնք վճարել են։ Չգիտեմ՝ հիմա կուլիսային վերաբաշխումներ պետբյուջեով նախատեսված գումարի հետ արե՞լ են, թե՞ ոչ, չգիտեմ»,- ասաց նա։
ՀՀ աշխատանքի և սոցիալական հարցերի նախարարության Սոցիալական ապահովության ծառայությունը մեկ անձից 50 միլիոն 400 հազար դրամի գնում է իրականացրել։
2008 թվականի մարտին 1-ի իրադարձությունների ժամանակ տուժածներին աջակցություն հատկացնելու հարցը հերթական անգամ հայտնվել է կառավարության օրակարգում։
Մեկ անձից հերթական գնում իրականացնող կառույցն այս անգամ Ազգային անվտանգության ծառայության Պետական պահպանության ծառայությունն է. 52 միլիոն դրամի գնում է իրականացրել մեկ անձից։
Կառավարությունը հերթական չզեկուցվող նախագծով, հերթական փոփոխություններն է կատարել 2021 թվականի բյուջեում. այս անգամ այդ փոփոխություններով մոտ 200 միլիոն դրամ է հատկացվել Պետական եկամուտների կոմիտեին։
Հանրապետության նախագահ Արմեն Սարգսյանը մարտի 13-ին, ժամը 12։00-ին խորհրդարանական խմբակցությունների ղեկավարներին և «Հայրենիքի փրկության շարժման» ղեկավարներին հրավիրել է հանդիպման նախագահական նստավայր՝ առաջնորդվելով համապետական ու համազգային շահերով՝ առկա իրավիճակը քննարկելու և ճգնաժամը հաղթահարելուն ուղղված փոխընդունելի լուծումներ գտնելու նպատակով։
Մի քանի օր առաջ Նիկոլ Փաշինյանի հետ այդ պահին ԳՇ պետ Օնիկ Գասպարյանին աշխատանքից չազատելու պայմանի դիմաց ցանկացած հուշագրի ստորագրման պատրաստակամություն հայտնած «Լուսավոր Հայաստան» խմբակցության ղեկավար Էդմոն Մարուքյանը հրաժարվում է այլևս Նիկոլ Փաշինյանի հետ հուշագիր ստորագրել, քանի որ Փաշինյանն իր առաջ քաշած պայմանը չի բավարարել, և Օնիկ Գասպարյանն ազատվել է աշխատանքից, սակայն առանց հուշագրի խորհրդարանական […]
Հանրապետության նախագահ Արմեն Սարգսյանն այսօր առաջնորդվելով Սահմանադրության 169-րդ հոդվածի 1-ին մասի 4-րդ կետով, դիմում է ներկայացրել Սահմանադրական դատարան «Զինվորական ծառայության և զինծառայողի կարգավիճակի մասին» 2017թ. նոյեմբերի 15-ի օրենքի՝ Սահմանադրությանը համապատասխանելու հարցը որոշելու խնդրանքով:
Այսօր մարտի 9-ն է, և լրանում է ՀՀ ԶՈՒ ԳՇ պետ Օնիկ Գասպարյանին պաշտոնից ազատելու առաջարկով ՍԴ դիմելու վերջնաժամկետը։
«Ռազմական հեղաշրջման փորձերն իրենց տարրերն ունեին, տանկեր և այլն. մեզ մոտ այդ դեպքը չէ։ Մեզ մոտ ռազմական հեղաշրջման մասին խոսք լինել չի կարող։ Որքանով ԳՇ պետի հետ ես իմ շփումներով գիտեմ՝ ռազմական հեղաշրջում անելու ոչ ցանկություն կա, ոչ նպատակ. եղել է ընդամենը կոչ»,- ասաց Մարտիրոսյանը։
Ոստիկանությունն այս տարվա փետրվարի 19-ին 44 միլիոն դրամի պայմանագիր է կնքել «ՖՎ-Գ» ՍՊԸ-ի հետ՝ ծառայությունում ծրագրային ապահովման սպասարկման ծառայությունների գնման նպատակով։
168.am-ն արդեն տեղեկացրել է, որ Կառավարությունը որոշել է, որ Երևան քաղաքին այլևս գլխավոր ճարտարապետ պետք չէ, և գլխավոր ճարտարապետի հաստիքի փոխարեն քաղաքապետ Հայկ Մարությանի տեղակալների հաստիքների թիվը կհամալրվի ևս մեկով։
Կառավարությունը որոշել է, որ այլևս Երևան քաղաքին գլխավոր ճարտարապետ պետք չէ և գլխավոր ճարտարապետի հաստիքի փոխարեն՝ կավելացնեն Երևանի քաղաքապետի տեղակալի հաստիքների թիվը՝ գործող 4-ի փոխարեն՝ դարձնելով 5։
168 TV-ի «Ռեվյու» հաղորդաշարի եթերում, խոսելով Փաշինյանի՝ հրապարակ նետված արտահերթ խորհրդարանական ընտրություններ անցկացնելու թեզի մասին, քաղաքագետ Ստեփան Դանիելյանն ասաց, որ վստահ է՝ Փաշինյանն ընտրություն անել չի ուզում։
Կառավարությունը «Զինվորական ծառայության և զինծառայողների կարգավիճակի մասին» ՀՀ օրենքում փոփոխություններ կատարելու մասին նախագիծ է ընդունել ու այն ուղարկել Ազգային ժողով։
«Արամ Սարգսյանն ինքն իր եղբոր դեմ է դուրս եկել։ Արամ Սարգսյանն ու Նիկոլ Փաշինյանը կանգնել են մի տեղ, որտեղ ասում են՝«դե, Շուշին Վազգենն իր տղաներով գրավեց»։ Սա Արամ Սարգսյանի ու Փաշինյանի աջակիցն է ասել։ Շատ հնարավոր է, որ մի ժամանակ հետո սրանք Վազգենին հետմահու դատեն ուրիշ երկրի տարածք գրավելու համար։ Հասկանում եք, չէ՞, թե ինչ թեզ է դրվում այս ժողովրդի մեջ»,- ասաց Գասպարյանը։
