Սասնա Ծռեր փողոցի նորակառույց շենքի վերելակի ընկնելու հետևանքով երկու տուժածներից մեկը գտնվում է վերակենդանացման բաժանմունքում: Ինչպես հաղորդում են առողջապահության նախարարությունից, մասնագետները վերջինիս վիճակը գնահատում են կայուն միջին ծանրության։
«Արտգործնախարարները վերահաստատեցին խաղաղ կարգավորման հասնելու նպատակով համանախագահների հետ աշխատանքը շարունակելու իրենց վճռականությունը։ Նախարարները և համանախագահները համաձայնեցին շարունակել այդ գաղափարների քննարկումը համանախագահների` նոյեմբերին տարածաշրջան կատարելիք այցի ընթացքում»։
«Քննիչը անօրինական եղանակներով նախաքննության ընթացքում զինծառայողներից, վկաներից կորզել է ինչ-ինչ ապացույցներ, որոնց մեծ մասը դատարանում ջարդվեցին, և այդ ցուցմունքներն ամրապնդելու համար գործարկվել է դատական հոգեբան Էլդա Գրինի եզրակացությունը: Տիկին Գրինը նման եզրակացությունների «արտադրություն» է բացել և բանակում սպանությունների բոլոր գործերով նման եզրակացություններ է տալիս: Տիկին Գրինին քրեական պատասխանատվության ենթարկելու հարցը մենք այս դատավարության ընթացքում անպայման բարձրացնելու ենք»,- ասել է Շուշանյանը:
ՀՀ բնապահպանության նախարար Արամ Հարությունյանի հրամանով չեղյալ համարվեց «Խաչաղբյուր-2» ՓՀԷԿ-ի փորձագիտական եզրակացությունը: Նախարարի հրամանի համար հիմք էին ծառայել նաև «Խաչաղբյուր-2» փոքր ՀԷԿ-ի խնդրի ուսումնասիրության համար ստեղծված աշխատանքային խմբի առաջարկությունները: Ի թիվս այլ առաջարկների՝ աշխատանքային խումբն առաջարկել էր նաև մեղքի առկայության դեպքում պատասխանատվության ենթարկել «Բնապահպանական փորձաքննություն» ՊՈԱԿ-ի համապատասխան աշխատակիցներին:
Խանջյան 20 հասցեում կիսակառույցի փլուզման հետևանքով տուժածներից մեկի վիճակը դեռևս գնահատվում է կայուն ծանր։ Առողջապահության նախարարությունից տեղեկացնում են, որ վերջինս գտնվում է «Սուրբ Գրիգոր Լուսավորիչ» բժշկական կենտրոնի վերակենդանացման բաժանմունքում: Տուժածներից հինգը շարունակում են բուժվել տարբեր բաժանմունքներում։
Հայկական Տեղեկատվական տեխնոլոգիաների ընկերությունները կմասնակցեն Վրաստանում կայանալիք Տեղեկատվական տեխնոլոգիաների տարածաշրջանային միջոցառմանը՝GITI-ին: Այսպիսով, Հայաստանի ՏՀՏ լուծումները կներկայացվեն նոյեմբերի 15-17-ը Թբիլիսիում կայանալիք 5-րդ ամենամյա Տեղեկատվական տեխնոլոգիաների տարածաշրջանային միջոցառմանը:
«Լինելով հետխորհրդային պետություն՝ մենք հիմնականում մեր սպառազինության և հիմնական տեխնիկայի կազմում ունենք խորհրդային միության միավորումներ, և կարող ենք փորձի փոխանակում իրականացնել հատկապես հատուկ նշանակության միջոցների օգտագործման ուղղությամբ՝ այդ հատուկ նշանակության միջոցները, որոնք հրաձգային զենքեր են կամ տարբեր օպտիկական միջոցները, փորձի փոխանակման միջոցով հնարավորություններ կունենանք մեր միջոցների ամբողջ համակարգի արդիականացմանը»,- ասել է Սեյրան Օհանյանը:
Փառատոնի հիմնադիր Վրեժ Քասունու խոսքով՝ իրենք այս տարի հատուկ են ընտրել փառատոնը նոյեմբերին կազմակերպելու փաստը, քանի որ այդպիսով փորձելու են ակտիվ դարձնել նոյեմբեր ամիսը: Եվ, չնայած ցրտին, նաև բացօթյա ցուցադրություններ են սպասվում: «Բացօթյա ցուցադրությունները կլինեն Սիրահարների այգում, որտեղ ջեռուցման հատուկ տեխնիկայով 60-100 հոգու համար հատուկ տարածք կլինի, որը կտաքացվի, ցուցադրությունները կլինեն հենց այդտեղ»,- ասաց Վ. Քասունին: Նրա խոսքով՝ «ՌեԱնիմանիան» արդեն հաջորդ տարի մեծ շուքով կնշի իր 5-ամյակը:
Փաստաբանի խոսքով` ուժի մեջ է իր այն հայտարարությունը, որ երբ ժամանակը գա, Հանթսմանները կխոսեն, իսկ ազդեցությունը ամպրոպի նման կլինի:
ԱԺ քննարկմանը մասնակցում էին ավելի շատ միջազգային կազմակերպությունների ներկայացուցիչներ, քան պատգամավորներ, որովհետև վերջիններս լուրջ չեն վերաբերվում գենդերային հավասարությանը:
ՀՀԿ-ն ու ԲՀԿ-ն ոչ թե կուսակցություններ են, այլ միավորումներ, որոնցում ընդգրկված են հարուստ, շատ հարուստ գործարարներ կամ գործարարությամբ չզբաղվող, սակայն ֆինանսական հսկայական կարողություններ ունեցող դեմքեր: Այսինքն` դրանք երկու ֆինանսական կոնգլոմերատներ են, որոնք պայքարում են իրենց փողի իշխանությունն ամրապնդելու, լայն իմաստով, փողի զանգվածն ավելացնելու համար:
«Ազդակ»-ի Դամասկոսի թղթակիցը քիչ առաջ տեղեկացրեց, որ այսօր առավոտյան Դամասկոսի արվարձանների Ժարամանա շրջանի Ռաուտա թաղամասում ականապատված ավտոմեքենա է պայթել։ Վնասվել են շրջակա տներն ու խանութները: Զոհերի և վիրավորների թիվը դեռևս հստակ չէ:
«Եթե ԲՀԿ-ն գաղափարական կայացած քաղաքական ուժ չլիներ, ողջ քաղաքական և հասարակական դաշտը շունչը պահած չէր սպասի, թե ի՞նչ է որոշելու ԲՀԿ-ն նախագահական ընտրությունների վերաբերյալ, այդ թվում՝ նաև այն քաղաքական ուժը, որի կազմում տիկին Սարգսյանն այսօր ներկայացված է խորհրդարանում»:
Այսօր՝ հոկտեմբերի 29-ին, ավտովթար է տեղի ունեցել Արարատի մարզում: Ժամը 10:30-ի սահմաններում, Վեդի-Ոսկետափ միջհամայնքային ավտոճանապարհի Արալեզ գյուղի խաչմերուկում «Իժ մոսկվիչ 2715» մակնիշի 62 ՍՏ 286 համարանիշի ավտոմեքենայի վարորդ, Արտաշատ քաղաքի Սպանդարյան փողոցի բնակիչ, 20-ամյա Աբրահամ Գրիգորյանը բախվել է Արալեզ գյուղի բնակիչ, 50-ամյա Մարտիկ Թևոնյանի վարած «Ֆոլցվագեն Տուարեգ» մակնիշի 95 PՈ 555 համարանիշի ավտոմեքենայի հետնամասին:
Երևանի Կենտրոն և Նորք-Մարաշ վարչական շրջանների դատարանը՝ դատավոր Մխիթար Պապոյանի նախագահությամբ, այսօրվա նիստում ճանաչել է բանդիտիզմի գործով ամբաստանյալների պաշտպանների լիազորությունները:
ԱԺ ՀԱԿ խմբակցության պատգամավոր Լյուդմիլա Սարգսյանն այսօրվա ասուլիսոմ հայտարարել է, թե ԲՀԿ-ն գաղափարական կուսակցություն չէ, հայտնի չէ` սոցիալիստակա՞ն է, թե՞ լիբերալ:
Միացյալ Երիտասարդական Լիգա հասարակական շարժումը ստացել է տեղեկություններ այն մասին, որ Հայաստանում սկսել է գործել ինչ-որ «Հավատքի գործող ընտանեկան եկեղեցի» անվանումով աղանդը:
Երեխաների ծնողները բողոքում են, որ քոլեջում դասասենյակները ջեռուցելու նպատակով տաքացուցիչներ գնելու համար երեխաներից գումար են հավաքում, իսկ քոլեջի տնօրենը հերքում է:
Ընկերության զանգվածային կրճատումների կապակցությամբ 168.am-ը փորձեց որոշ մանրամասներ ճշտել այնտեղ տեղի ունեցող խմորումների մասին: Ընկերության հասարակայնության հետ կապերի պատասխանատու Գայանե Թադևոսյանը մեր ոչ բոլոր հարցերի պատասխաններն ուներ, հետևաբար, անընդհատ հորդորում էր գրավոր ուղարկել հարցերը:
Նախագահ Սերժ Սարգսյանն այսօր Երևանի «Արմենիա Մարիոթ» հյուրանոցում ներկա է գտնվել ոսկերչական իրերի ցուցահանդեսի բացման արարողությանը: Ցուցահանդեսում ներկայացված են ինչպես հայրենական, այնպես էլ ավելի քան 70 օտարերկրյա ընկերությունների և անհատների աշխատանքներ: Միջոցառմանը մասնակցում են նաև Համաշխարհային ոսկերիչների ասոցիացիայի նախագահ Գայետանո Կավալիերին և «Հայ ոսկերիչների համաշխարհային միության» (AJA) նախագահ Գագիկ Գևորգյանը:
«Վատ լուրը` կապված հայ-ամերիկյան հարաբերությունների հետ, Ցեղասպանության խնդիրն է: Ցավոք սրտի, ո´չ հանրապետական և ո´չ դեմոկրատ թեկնածուն առաջ չեն քաշում Ցեղասպանության հարցը: Սա զարմանալի է և ցույց է տալիս ամերիկյան քաղաքականության բարոյականության պակասը»:
«Այսօր մենք իշխանություն չենք: Մենք ընդամենը օրենսդիր մարմնում մի փոքրիկ մաս ենք կազմում, ուստի մենք որևիցե քաղաքական ուժի հետ բանակցություններ չենք վարել»,- այսօր լրագրողների հետ հանդիպման ժամանակ ասաց ԱԺ ԲՀԿ խմբակցության պատգամավոր Միքայել Մելքումյանը` պատասխանելով հարցին, թե ի՞նչ է տեղի ունենում Լևոն Զուրաբյանի և ԲՀԿ խմբակցության միջև։
Հոկտեմբերի 28-ին ինքնասպանություն է տեղի ունեցել Երևանում: Ժամը 17:10-ի սահմաններում, Երևանի Ավան վարչական շրջանի բնակիչ, Վարդան Բ.-ն Ոստիկանության Նոր Նորքի բաժին ահազանգել է, որ իրենց տանը եղբայրը կախվելու միջոցով ինքնասպան է եղել: Ինչպես հայտնում է ֆոտոլրագրող Գագիկ Շամշյանը, Ոստիկանության Նոր Նորքի բաժնի և Ոստիկանության Ավանի բաժանմունքի օպերատիվ քննչական խումբը մեկնելով նշված փողոց, տներից մեկում պարզել […]
Շաբաթ օրը Փարիզում տեղի է ունեցել Հայաստանի արտգործնախարար Էդվարդ Նալբանդյանի հանդիպումը ԵԱՀԿ-ի Մինսկի խմբի համանախագահներ Ռոբերտ Բրադկեի, Իգոր Պոպովի, Ժակ Ֆորի և ԵԱՀԿ-ի գործող նախագահի անձնական ներկայացուցիչ Անջեյ Կասպշիկի հետ: Այնուհետեւ հանդիպումը շարունակվել է Ադրբեջանի արտգործնախարար Էլմար Մամեդյարովի մասնակցությամբ:
Հունաստանի ոստիկանությունը ձերբակալել է հայտնի լրագրող Կոստաս Վակսևանիսին, ով հրապարակել էր HSBC բանկի շվեյցարական բաժանմունքում հաշիվներ ունեցող 2 հազար հարուստ հույների ցուցակը:
Վայրի բնության և մշակութային արժեքների պահպանման հիմնադրամի նախաձեռնությամբ հոկտեմբերի 28-ին Երևանում կազմակերպվեց Կենդանիների դիմակահանդես-շքերթ: Միջոցառումը բնապահպանական նշանակություն ուներ: Երթը շարժվեց Ազատության հրապարակից, շարունակվեց Հյուսիսային պողոտայով՝ մինչև Հանրապետության հրապարակ:
Տեղեկագրի վերջին համարում տեղ են գտել հրապարակումներ երիտասարդ աստղագետների 4-րդ բյուրականյան միջազգային ամառային դպրոցի, Անանիա Շիրակացու 1400-ամյակին նվիրված պատմա-աստղագիտական գիտաժողովը և ՀԱԸ XI տարեկան համաժողովի, Վիկտոր Համբարձումյանի անվան 2012թ. միջազգային մրցանակի հանձնման հանդիսավոր արարողության, Հայկական ազգային գիտա-կրթական հիմնադրամի 12-ամյակի ֆորումի, ԱՊՀ երկրների աստղագիտական օլիմպիադայի, Բյուրականի աստղադիտարանի լուսանկարների գրքույկի հրատարակման և 2013թ. աստղագիտական օրացույցների թողարկման մասին նյութեր:
«Երեխայիս մոտ կա խոսքի ընդհանուր թերզարգացում, խոսքը դժվարությամբ է հասկացվում, որի պատճառով նա չի շփվում բակի իր հասակակիցների հետ: Փորձեցի մանկապարտեզ տանել, բայց այնտեղ նույնպես, ինչպես և բակում, երեխաները սկսեցին ծաղրել ու նվաստացնել նրան: Սկսեց լացելով գնալ մանկապարտեզ, հիստերիայի մեջ էր ընկնում, որ ինքը չի կարողանում խոսել, և իր ասածները ոչ ոք չի հասկանում: Ստիպված հանեցի մանկապարտեզից: Երեխաս դարձել է ահավոր նյարդային, լարված, ինքնամփոփ, ոչ ոքի հետ չի ցանկանում շփվել, քանի որ խոսել չի կարողանում: Դիմել եմ մեր տեղամասային պոլիկլինիկա»:
«Երբ մենք նայում ենք Հայաստանի նախագահական ընտրություններին, ապա ընտրություններն այստեղ ավելի կարևոր են, քան թե դրանց արդյունքները: Կա իրական խնդիր «Բարգավաճ Հայաստան» և Հանրապետական կուսակցությունների միջև, որը կարող է հանգեցնել յուրաքանչյուրի կողմից սեփական թեկնածուների առաջ քաշելուն»,- այսօր լրագրողների հետ հանդիպման ժամանակ ասաց Տարածաշրջանային հետազոտությունների կենտրոնի տնօրեն Ռիչարդ Կիրակոսյանը:
Պետական եկամուտների կոմիտեի բարեփոխումների հիմքում առանցքային դեր ու նշանակություն ունի հարկ վճարողների սպասարկման որակի բարելավումը և էլեկտրոնային ժամանակակից ծառայությունների ներդրումը, որոնց ուղղությամբ հատկապես վերջին տարիներին մի շարք միջոցառումներ են իրականացվել: Իսկ հարկային վարչարարությունում իրականացվող փոփոխություններն իրենց դրական ազդեցությունն են թողնում Հայաստանի դիրքի վրա տարբեր միջազգային վարկանիշներում: