ԱՄՆ-ը տնտեսական պատժամիջոցների նոր փուլ է պատրաստում Ռուսաստանի դեմ
Բրիտանական Reuters լրատվական գործակալության փոխանցմամբ՝ ԱՄՆ-ը Ռուսաստանի դեմ պատրաստում է տնտեսական պատժամիջոցների նոր փուլ: Այս մասին Ուելսում ընթացող ՆԱՏՕ-ի գագաթաժողովի շրջանակներում հայտարարել է Սպիտակ տան՝ ազգային անվտանգության հարցերով խորհրդականի տեղակալ Բեն Ռհոդսը:
Նրա խոսքերով՝ այդ հարցում առանցքայինն այն է, որ Ռուսաստանը նախկինի նման պետք է պատասխանատվություն կրի հակամարտության էսկալացման ուղղությամբ իր քաղաքականության համար:
Ռհոդսն ընդգծել է, որ նոր պատժամիջոցների նախագիծն արդեն իսկ պատրաստ է: Դրա հետ մեկտեղ նա չի մանրամասնել, թե տնտեսության որ ճյուղերին են առնչվելու դրանք:
