Իրանը ներկայացնելու է նոր մակարդակի ռադիոտեղորոշիչ կայան
Իրանական Mehr լրատվական գործակալության փոխանցմամբ` Իրանը ներկայացնելու է նոր ռադիոտեղորոշիչ կայան (ՌՏԿ), որը հնարավորություն է տալիս հայտնաբերել ռադարների համար անտեսանելի ինքնաթիռները: Այս մասին հայտարարել է Իրանի զինված ուժերի «Խաթամուլ Անբիա» ՀՕՊ-ի բազայի հրամանատար, գեներալ Ֆրազադ Իսմայիլին:
Նրա խոսքերով` նոր ՌՏԿ-ի շնորհանդեսը տեղի է ունենալու սեպտեմբերի 1-ին` բազայի ստեղծման օրը: Իսմայիլին հավելել է, որ նոր ՌՏԿ-ի դիզայնով ու արտադրությամբ զբաղվել են իրանցի մասնագետները:
