Ընտրակաշա՞ռք. իշխանությունն ընտրություններից առաջ որոշել են փակել հոսանքի, ջրի, գազի վարձերը
2026 թվականի հունիսին կայանալիք հերթական ընտրություններին ընդառաջ Հայաստանի Կառավարությունը որոշել է փակել սահմանամերձ մարզերում ապրող և ընտրելու իրավունք ունեցող ՀՀ քաղաքացների հոսանքի, ջրի, գազի վարձերը, ավելին՝ նաև հողի հարկը։
Համապատասխան որոշումը գործադիրն ընդունել է նոյեմբերի 27-ի Կառավարութան նիստում, բայց չզեկուցվող նախագծով: Հետաքրքիր է՝ ինչո՞ւ իշխանությունն այդ հարցով PR արշավ չի կազմակերպել այնպես, ինչպես անում է փռված ասֆալտի ամեն մետրի պարագայում։
Եվ այսպես, Կառավարության որոշմամբ՝ Երևանի մետրոպոլիտենի ենթակառուցվածքների կառուցման համար պետական բյուջեով նախատեսված գումարներից 115 միլիոն 500.000 դրամը վերցվել և ուղղվել է սահմանամերձ համայնքներին՝ որպես աջակցություն։
Գումարը վերաբաշխվելու է ՀՀ Արարատի, Գեղարքունիքի, Սյունիքի, Վայոց ձորի և Տավուշի մարզերի բնակիչ-բաժանորդների կողմից սպառած էլեկտրաէներգիայի, բնական գազի և ջրօգտագործողների կողմից օգտագործված ոռոգման ջրի սակագնի մասնակի փոխհատուցման, ինչպես նաև՝ անշարժ գույքի հարկի փոխհատուցման նպատակով։
Նշենք, որ օրենքը սահմանում է, որ որևէ ծրագրի համար բյուջեով հատկացված և չօգտագործված միջոցները պետք է վերադարձվեն պետկան բյուջե, ինչն այս դեպքում տեղի չի ունեցել։
