Հնդկաձավարի լապշա՝ բանջարեղենով ու սնկով
Բաղադրիչները՝
- հնդկաձավարի լապշա (սոբա)- 150 գ
- շամպինյոն- 100 գ
- կանաչ լոբի- 60 գ
- կես բուլղարական պղպեղ
- սխտոր- 2 պճեղ
- կոճապղպեղի արմատ- 1 թ/գ
- սոյայի սոուս- 2 ճ/գ
- քունջութ- 1 թ/գ
Պատրաստման եղանակը
Հնդկաձավարի լապշան մոտ 6 րոպե եփեք աղաջրի մեջ: Կարևոր է այն շատ չեփելը, որպեսզի շատ չփափկի:
Շամպինյոնը կտրատեք: Փոքր քանակությամբ բուսական յուղով թավայի մեջ մի քանի րոպե տապակեք:
Շամպինյոնով թավայի մեջ ավելացրեք կանաչ լոբին ու տաշեղաձև կտրտած բուլղարական պղպեղը: Խառնելով ևս մի քանի րոպե տապակեք: Լոբին խորհուրդ է տրվում նախապես սառեցնել, որ ավելորդ հեղուկ չթողնի:
Սխտորը մանր կտրատեք, ավելացրեք տապակվող բանջարեղենին:
Թարմ կոճապղպեղը քերիչով քերեք, խառնեք սոյայի սոուսի հետ: Լցրեք տապակվող բանջարեղենի վրա: Լավ խառնեք:
Սոբան քամեք, լցրեք բանջարեղենի վրա, թավան հանեք կրակից:
Սպիտակ քունջութի սերմերը չոր թավայով բովեք մինչև բաց ոսկեգույն երանգ ստանալը: Ուտեստի վրա լցրեք քունջութը, ցանկության դեպքում չիլի պղպեղ արեք ու մատուցեք:
