2 օր առաջ մի մեքենա ծաղիկ եմ տարել Եռաբլուր, ամեն օր կարող եմ տանել՝ սա հարցի լուծո՞ւմ է. Ջերմոցատեր

«Որ այսպես գնա՝ ոչ ոք ոչ մի բան չասի, լուծում չտա, պետք է ուրիշ բան մտածենք։ Չգիտենք՝ ում դիմենք, մեր հետ ոչ մեկ կապի դուրս չի գալիս, բայց իրենք տեսնում են, չէ՞, թող իրենք գան մեր հետ խոսեն, ասեն՝ լավ կլինի, 3 օրից կլինի, 5 օրից, 10 օրից կլինի»,-այսօր ծաղկավաճառների և ծաղկեգործների բողոքի ակցիայի ժամանակ նշեց իրավիճակից դժգոհող ջերմոցատերերից մեկը՝ նշելով, որ 60 հազար բույս կա իր ջերմոցում, որը տարվա կտրվածքով երկու անգամ է բերք տալիս։

«Առաջին բերքը եղել է, հիմա այդ 60 հազար հատը ես ի՞նչ անեմ, պետք է տանեմ թափեմ։ Դնում ես շուկայում՝ չի ծախվում։ Վարկային բեռս 7 մլն է, բայց կողքից էլ լիքը պարտքեր ունենք։ Այս 60 հազար հատը, որ թափենք գնա, մոտավորապես մի 6 մլն դրամի բույսն է, 2 միլիոն դրա դեղորայքն է, 2 մլն էլ աշխատանքն է»,-ասաց նա՝ շեշտելով, որ 2 օր առաջ մի մեքենա ծաղիկ է տարել Եռաբլուր։

«Լավ, ամեն օր տանեմ, դա հարցի լուծո՞ւմ է»,-նկատեց նա։

Մասնրամասները՝ տեսանյութում