ՀՀԿ-ից ո՞վ կլինի ԱԺ-ում. Սպասում են Սերժ Սարգսյանի որոշմանը
Խորհրդարանական ընտրությունների նախնական արդյունքներով՝ ՀՀԿ-ն ապագա Ազգային ժողովում ներկայացված կլինի 55 պատգամավորով։ Նոր Ընտրական օրենսգրքով, ռեյտինգային ընտրակարգի պատճառով դժվար է դեռևս կողմնորոշվել, թե ՀՀԿ ցուցակից ովքե՞ր են անցնելու խորհրդարան։
168.am-ի հետ զրույցում ՀՀԿ կազմակերպչական հանձնաժողովի նախագահ Ռուբեն Թադևոսյանը նշեց, որ այդ մասին որոշում դեռևս չկա։
«Գործադիր մարմնի նիստում ՀՀԿ նախագահը կորոշի, կհայտարարենք։ Դեռ շուտ է այդ մասին խոսելը»,- ասաց նա՝ հավելելով, որ ՀՀԿ ԳՄ նիստը կկայանա առաջիկա հինգշաբթի օրը։
Հարցին՝ ինքնաբացարկի դիմումներ կամ հայտարարություններ եղե՞լ են, Ռ. Թադևոսյանը պատասխանեց. «Այս պահին՝ ոչ»։
