Մինսկը հայտնել է Մոսկվայի կողմից 750-800 մլն դոլարի բելառուսական պարտքի վերաֆինանսավորման մասին
Ռուսաստանը եւ Բելառուսը հասել են հանրապետության 750 – 800 միլիոն դոլարի չափով ընթացիկ պարտքի հանձնառության վերաֆինանսավորման որոշման, ինչի մասին լրագրողներին հայտնել է Բելառուսի առաջին փոխվարչապետ Վասիլի Մատյուշեւսկին։
«Մեք խոսում ենք այն պարտքի վերաֆինանսավորման մասին, որն ընթացիկ տարում մեզ մոտ ենթակա է մարման մեր միջպետական վարկերի շրջանակներում: Դա շուրջ 750 – 800 միլիոն դոլար է՝ հիմնական պարտքը եւ այս տարի մարման տոկոսների գումարը»,-ճշտել է Բելառուսի առաջին փոխվարչապետը:
Մատյուշեւսկու խոսքով՝ ապրիլի 3-ին Սանկտ Պետերբուրգում Բելառուսի եւ Ռուսաստանի նախագահների հանդիպմանը «խոսքը վերաբերել է այն պարտքերի վերաֆինանսավորմանը, որոնք մեզ մոտ ձեւավորվել են մեր երկկողմ օրակարգի շրջանակներում»,-հաղորդել է ՏԱՍՍ-ը:
