Կառավարության շենքի մոտ բողոքի ակցիա են իրականացում «Նորաշեն-2007» սպառողական կոոպերատիվի բնակիչները: Ցուցարարների խոսքով՝ իրենք Ազգային ժողովի փոխնախագահ Հերմինե Նաղդալյանի և նրա ամուսնու գործունեությունից տուժածներն են:
Ադրբեջանը հայտնել է խոշոր թմրավաճառների ձերբակալության մասին, որոնց թվում են ադրբեջանական ընդդիմադիր NIDA շարժման ակտիվիստներ Բայրամ Մամեդովն ու Գիյասեդդին Իբրահիմովը:
Ռազմաարդյունաբերական համակարգը զարգացնելու համար կկազմակերպվեն քննարկումներ, որոնց կմասնակցեն թե՛ շահագրգիռ պետական գերատեսչությունները և կազմակերպությունները, թե՛ ՏՏ լուծումներ առաջարկող մի շարք ընկերությունների ներկայացուցիչներ:
Հայկական «Քրոս» (Կարմիր խաչ) առողջության կենտրոնում այժմ վերականգնողական բուժում է ստանում երեք զինծառայող, որոնցից 2-ը` ծանր վիրավորումներ են ստացել Արցախում ապրիլյան հակամարտության վերջին օրերին: Երեք տղաներն էլ հենաշարժական ապարատի հետվնասվածքային խնդիրներ ունեն:
Նիստում քննարկվել են Հայաստանի Հանրապետությունում 2017-2019 թթ. պետական միջնաժամկետ ծախսերի ծրագրի նախագծի հիմքում դրվելիք հիմնական մակրոտնտեսական ցուցանիշների վերաբերյալ առաջարկությունները և ՀՀ 2017-2018 թթ. ճշգրտված և 2019 թ. կողմնորոշիչ պետական բյուջեներից իրականացվելիք բյուջետային ծախսերի ֆինանսավորման չափաքանակները:
Ադրբեջանի պաշտպանության նախարար Զաքիր Հասանովը հանձնարարություն է տվել նոր զորամասեր կառուցել Լեռնային Ղարաբաղի շփման գծի երկայնքով: Այս մասին հայտնում է RIA Novosti-ն՝ հղում կատարելով Ադրբեջանի ՊՆ-ի մամուլի ծառայությանը:
Հայկական ապրանքների արտահանումը Եվրասիական տնտեսական միության երկրներ 2016-ի առաջին ամիսներին աճ է գրանցել` ի համեմատ 2015-ի նույն ժամանակահատվածի: Այս մասին մայիսի 12-ին Երևան-Մոսկվա տեսակամուրջի ժամանակ հայտարարեց Եվրասիական տնտեսական հանձնաժողովի Կոլեգիայի անդամ, մակրոէկոնոմիկայի և ինտեգրման հիմնական ուղղությունների նախարար Տատյանա Վալովայան:
«Մայրական մահացությունը Հայաստանում նվազել է: Գիտեք, որ այդ ցուցանիշը միջազգային կառույցների կողմից գրանցված ցուցանիշ է, սակայն սա մեզ չի կարող որևիցե կերպ հանգստացնել: Մենք ամեն օրվա հսկողություն ենք դրել՝ բոլոր կրիտիկական դեպքերի հետ կապված: Եթե դեպքը չի ավարտվել մահվան դեպքով, դա չի նշանակում, որ մենք դա չպետք է խորը ուսումնասիրենք»,- այս մասին այսօր լրագրողների հետ զրույցում ասաց ՀՀ առողջապահության նախարար Արմեն Մուրադյանը՝ խոսելով վերջերս «Սլավմեդ» բժշկական կենտրոնում գրանցված ծննդկանի մահվան դեպքի մասին:
«Անձնապես ես չեմ եղել, ինձ հետաքրքրել է առաջնագծի ինֆորմացիան, ես այդ ինֆորմացիային տիրապետում եմ՝ շնորհիվ իմ ունեցած կապերի: Հատուկ ցուցադրական այցեր կազմակերպելու կարիք ես չեմ տեսնում: Իսկ եթե բանակի ղեկավարությունն ունենար այդ պահանջը, խնդրեմ, ես պատրաստ եմ: Ամսի 3-ին թե 4-ին մենք հայտարարություն ենք տարածել և պատրաստակամություն հայտնել՝ ամեն ինչով մասնակցելու»:
Ադրբեջանի և Հայաստանի նախագահներ Իլհամ Ալիևի և Սերժ Սարգսյանի հնարավոր հանդիպման ժամկետի մասին դեռ հայտնի չէ:
«Արդյոք իմաստ կա՞ր հանդես գալ այդ նախապայմաններով, եթե պետք է մասնակցեինք նախագահական հանդիպման: Եթե լրացուցիչ երաշխիքներ չկան, այս պահին երևի թե նպատակահարմար չէ հանդիպել»:
«Իսլամական պետություն» (ԻՊ) խմբավորման ահաբեկիչները ողջ-ողջ այրել են հինգ մարդուց բաղկացած այն ընտանիքը, որը փորձել էր հեռանալ զինյալների կողմից գրավված տարածքից: Այս մասին հայտնել է Իրանի Perss TV հեռուստաալիքը:
Մոսկվայում հաստատում են Հայաստանի և Ադրբեջանի նախագահների՝ Վիեննայում մայիսի 16-ին կայանալիք հանդիպման հնարավորությունը:
«Փորձագետները, այդ թվում՝ Ազգային քրեական գործակալությունից, կապահովեն միջազգային կոորդինացում եւ աջակցություն, որպեսզի օգնեն իրավապահ մարմիններին եւ դատախազական ծառայություններին՝ համատեղ աշխատել անդրսահմանային հետաքննությունների եւ կոռումպացված էլիտաների պատիժների ու հափշտակված ակտիվների վերադարձման համար»,- հայտնել է Քեմերոնը:
«ՀՀ ղեկավարը կորոշի՝ ով որտեղ կաշխատի, ինչ հարցի բարեփոխումների անհրաժեշտություն կլինի: Սա նոր բան չէ, որ այսօր վարչապետն ասել է, իհարկե, դրական եմ համարում վարչապետի այս գնահատականները: Ես դրական սպասումներ ունեմ, որովհետև այլ ճանապարհ չունենք, որովհետև կոռուպցիան ախտ է, այն հիմնական մարտահրավերներից է, որ կա. սահմանադրական բարեփոխումները համակարգային բարեփոխումների սկիզբն է ՀՀ-ում»:
«Այն սկեպտիկները, ովքեր քննադատում էին նախագահի դիրքորոշման կոշտացումը, թե դա չի բխում մեր շահերից և կարող է հանգեցնել կոնֆլիկտի համանախագահ երկրների և Հայաստանի միջև, մենք տեսանք, որ դա կոնֆլիկտի չհանգեցրեց, այլ ընդհակառակը՝ նախագահի ամբողջական կոչից ու ազդակից հետո այսօր համանախագահները խոսում են այն բառապաշարով, որի մասին խոսում է մեր նախագահը»,- նշեց Է. Շարմազանովը:
«Մեր ֆունկցիան է՝ կոնկրետ օրինագծին տալ դրական կամ բացասական եզրակացություն: Բացառում եմ, որ կգտնվի որևէ մեկը, որը կասի, թե բացասական եզրակացություն է տալիս, դեմ է: Բայց նաև ենթադրում եմ, որ պետք է մտնի մեծ օրակարգ և պահվի այնքան ժամանակ, ինչքան անհրաժեշտություն կլինի»:
«Առաջին հերթին օրենսդրական վերանայումների անհրաժեշտություն կա, երկրորդը՝ գործիքակազմի վերանայումներ և փոփոխություններ, այդ թվում նաև լիազոր մարմինների և իրավասությունների հստակեցում, չորրորդը՝ այն մարմինները, որոնք իրենց ոլորտներում ունեն այնպիսի ծառայություններ մատուցող սուբյեկտներ, որոնք մասնավոր սեկտորում կարող են գերիշխող կամ մենաշնորհային դիրք ունենալ, պետք է սկսել նաև այդ սույբեկտների շուկայում մրցակցային պայմանների ստեղծումից»,- այս մասին այսօր լրագրողների հետ զրույցում ասաց ՀՀ էկոնոմիկայի նախարար Արծվիկ Մինասյանը:
Առաջնագծին օգնություն են ցուցաբերում Եկատերինբուրգի, Աստրախանի, Կաբարդինաբալկարիայի հայ համայնքները:
Գերմանիայի արտգործնախարար Ֆրանկ-Վալտեր Շտայնմայերը Ադրբեջանի իր գործընկերոջ՝ Էլմար Մամեդյարովի հետ հանդիպմանը հայտարարել է, որ Գերմանիան՝ որպես ԵԱՀԿ-ում համանախագահող երկիր և ԵԱՀԿ Մինսկի խումբը կգործադրեն բոլոր ջանքերը՝ կարգավորելու Լեռնային Ղարաբաղի հակամարտությունը:
Արցախի Հանրապետության Նախագահ Բակո Սահակյանը մայիսի 12-ին անց է կացրել աշխատանքային խորհրդակցություն` հանրապետության շրջվարչակազմերի ղեկավարների մասնակցությամբ:
Ս.Նիկոյանի կարծիքով՝ ՀՀ նախագահ Սերժ Սարգսյանը պետք է մասնակցի այդ հանդիպմանը, որովեհտև, նա կրկնեց, որ խոսքը բանակցությունների մասին չէ, խոսքը մեր խստացված պահանջների կատարմանն ուղղված քայլերի մասին է:
«ՀՀԿ ներկայացուցիչները կամ քաղաքական պատասխանատուները, որ նույն քաղաքական ուժն են ներկայացնում, ասում են՝ նման հարց օրակարգում չկա, նշանակում է՝ դա ճանաչում չէ: Իսկ հարցը չէր կարող հայտնվել օրակարգում, որովհետև դա օրենսդրական նախաձեռնություն է, որը սկսվել է մեր ընդդիմադիր ընկերների նախաձեռնությամբ»:
Մի խումբ գերմանացի մտավորականներ, որոնց թվում է նաև ծագումով թուրք հայտնի ռեժիսոր Ֆաթիհ Ակինը, բաց նամակով դիմել են Գերմանիայի կանցլեր Անգելա Մերկելին և Բունդեսթագին` կոչ անելով հունիսի 2-ին ճանաչել Հայոց ցեղասպանությունը: Ինչպես հայտնում է Horizon Weekly-ն, բաց նամակը տպագրվել է գերմանական Die Zeit թերթում:
Մոսկվան ողջունում է ցանկացած քայլ, որն ուղղված է Լեռնային Ղարաբաղի հակամարտության կարգավորմանը և Բաքվի ու Երևանի երկխոսությանը՝ գտնելու փոխզիջումներ:
Ռուսաստանի աշխատանքի նախարարությունը խնդիր է դնում ստեղծել միասնական սոցիալական տարածք Եվրասիական տնտեսական միության (ԵՏՄ) երկրների տարածքում: Այս գործընթացի միջոցառումների մի մասն արդեն ավարտվել է:
«Յուրաքանչյուր երկրի առողջապահական համակարգում կան Ձեր ասած արատավոր երևույթները, և վարչապետի ասած արատավոր երևույթներն ակնառու են: Կարծում եմ, որ պետք չէ առանձնահատուկ նշել»,- այս մասին այսօր լրագրողների հետ զրույցում ասաց ՀՀ առողջապահության նախարար Արմեն Մուրադյանը՝ խոսելով կառավարության նիստի ընթացքում վարչապետ Հովիկ Աբրահամյանի հայտարարության մասին, թե հարցերը, որոնք պատրաստվում ենք դարձնել քննարկման առարկա` բազմապիսի են: Դրանց մեջ են թե՛ տնտեսության զարգացումը, թե՛ առողջապահության և կրթական ոլորտների արատների դեմ պայքարը, և թե՛ բազում այլ հարցեր:
Մայիսի 13-14-ը առավելապես հյուսիսային շրջաններում, մայիսի 16-17-ը շրջանների մեծ մասում՝ օրվա երկրորդ կեսին և գիշերվա առաջին կեսին, սպասվում է կարճատև անձրև և ամպրոպ, առանձին հատվածներում հնարավոր է կարկուտ:
Կրեմլը քաղաքականություն չի տեսնում «Ռոսսելխոզնադզորի» մտադրության մեջ, որը որոշել է ամբողջությամբ արգելել Թուրքիայից մրգերի ու բանջարեղենների մատակարարումը, հայտնում է RIA Novosti-ն՝ հղում կատարելով Ռուսաստանի նախագահի մամուլի քարտուղար Դմիտրի Պեսկովին:
«Կոմերսանտ» պարբերականը գրել էր, որ ապրիլյան գործողություններից հետո այրվածքների համար անհրաժեշտ միջոցներ չեն եղել, արտահերթ կարգով Ռուսաստանից են բերվել: Անդրադառնալով այդ հրապարակմանը՝ ՀՀ առողջապահության նախարար Արմեն Մուրադյանն ասաց, որ բազմաթիվ շահարկումներ կարող են լինել, պետք է զերծ մնալ այդ շահարկումներից:
