Անկարան մերժել է ՆԱՏՕ-ի նավերին՝ մուտք գործել թուրքական տարածքային ջրեր, որպեսզի իրականացնեն դաշինքի առաքելությունը Էգեյան ծովում մաքսանենգների դեմ պայքարի շրջանակում: Այս մասին հայտնում է AFP-ն՝ հղում կատարելով դիվանագիտական շրջանակներում իր աղբյուրներին:
Polymetal Plc ընկերությունը, որն արծաթի խոշորագույն արտադրողն Է ՌԴ-ում եւ ոսկու առաջատար արդյունահանողներից մեկը, 25 մլն դոլարով ոսկու գործող հանքավայր է ձեռք բերում Կապանում: Հայաստանում այդ ընկերության երկրորդ ակտիվի գնման գործարքը, որը տարեկան 1 տոննայից պակաս ոսկի է արդյունահանում, պլանավորվում է ավարտել երկրորդ եռամսյակում: Այդ մասին ասված է ընկերության կայքում զետեղված հաղորդագրության մեջ:
Ա. Սեդրակյանի խոսքով՝ ինքը հեռու է այն մտքից, որ պետք է միանգամից դատափետել նախագիծը, չի բացառում, որ այդ Ընտրական օրենսգիրքը լինի շատ ավելի հաջող, շատ ավելի բարելավված, ավելի ժողովրդավարական, քան նախորդը. «Բայց եթե չկա քաղաքական կամք՝ այդ տեսական առավելություններն իրականացնելու համար, վերջանում է նույն արդյունքում. մենք ունենում ենք Հայաստանում ընտրական գործընթացից հիասթափություն»:
Դեմոկրատ Հիլարի Քլինթոնն ու հանրապետական Դոնալդ Թրամփը «սուպերերեքշաբթիի» արդյունքներով ամրապնդել են իրենց դիրքերն իրենց կուսակցություններում ԱՄՆ նախագահի պաշտոնում որպես թեկնածու առաջադրվելու համար, հայտնում է BBC-ն:
Լաուրա Պաչենտին նշեց նաև, որ Հայաստանում աշխատելիս շատ է շփվում հայ կանանց հետ, գիտե նրանց խնդիրները և նաև դա հաշվի առնելով է ընտրվել ֆիլմերի ցանկը: «Կարծում եմ՝ թեև իտալացի կանայք չէ, որ պետք է ինչ-որ բան սովորեցնեն հայ կանանց, պարզապես դիտելով այս ֆիլմերը՝ հայ կանայք կարող են տեսնել հենց իրենց հուզող խնդիրները»,- ասաց դեսպանատան մշակութային հարցերի պատասխանատուն:
Սիրիայի կառավարական ուժերը հետեւել եւ բռնել են անցյալ տարվա նոյեմբերի 24-ին Թուրքիայի հետ Սիրիայի սահմանամերձ գոտում թուրքական օդուժի կողմից խոցված ռուսաստանյան Սու-24 ռմբակոծիչի օդաչու Օլեգ Պեսկովին սպանած թուրք հրամանատարին: Այս մասին հայտնում է թուրքական «Հաբեր7» լրատվական կայքը` հղում անելով իրանական կիսապաշտոնական Fars լրատվական գործակալությանը, որն էլ իր հերթին մեջբերել է ռուսաստանյան Russia Today հեռուստալիքի արաբական ծառայության հաղորդագրությունը:
Մարտի 1-ին շղթայական ավտովթար է տեղի ունեցել Գյումրիում: Շիրակի մարզպետարանի մոտ, բախվել է 3 տրանսպորտային միջոց:
Ն.Ս.Օ.Տ.Տ. Գարեգին Բ ծայրագույն պատրիարք և Ամենայն Հայոց կաթողիկոսը Մայր Աթոռ Սուրբ Էջմիածնում մարտի 2-ին ընդունել է Ռուսաստանի Դաշնության առողջապահության նախարար Վերոնիկա Սկվորցովային` ուղեկցությամբ Հայաստանի Հանրապետության առողջապահության նախարար Արմեն Մուրադյանի:
Հետաքննությունը պնդում է, որ Ուզբեկստանի քաղաքացի Գյուլչեխրա Բոբոկուլովան, ով կասկածվում է Մոսկվայում 4-ամյա Նաստյա Մ-ի սպանության մեջ, միայնակ չի գործել, ու որ այդ գործում կան սադրիչներ: Քննիչների խոսքով՝ նրանց ինքնությունը դեռ չի պարզվել, կատարվում են աշխատանքներ վերջիններիս հայտնաբերելու ուղղությամբ, հայտնում է TASS-ը:
Փետրվարի 29-ին ՀՀ մարդու իրավունքների պաշտպանի աշխատակազմ ահազանգ է ստացվել այն մասին‚ որ 27.02.2016թ. ՀՀ արտակարգ իրավիճակների նախարարության փրկարար ծառայության օպերատիվ կառավարման կենտրոն զանգահարել է «Երևանի երեխաների խնամքի և պաշտպանության N 2 գիշերօթիկ հաստատություն» ՊՈԱԿ-ի սաներից երկուսի տատը և հայտնել‚ որ իր թոռները գտնվում են գիշերօթիկ հաստատությունում և ցանկանում են ինքնասպան լինել:
Արցախի Հանրապետության Նախագահ Բակո Սահակյանը մարտի 2-ին ընդունել է ՀՀ գիտությունների ազգային ակադեմիայի «Փորձաքննությունների ազգային բյուրոյի» պատվիրակությանը՝ կառույցի ղեկավար Արտաշես Ջավադյանի գլխավորությամբ:
Ոլորտի առողջացման համար պետք է մի քանի քայլ կատարել՝ սահմանափակել տաքսիների քանակը Երևանք քաղաքում, քանի որ, ըստ նրա՝ մայրաքաղաքում օրինական և անօրինական տաքսիների քանակը հասնում է 25 հազար միավորի, այն դեպքում, երբ արտասահմանյան խոշոր քաղաքներում դրանք 13-18 հազարի սահմաններում են: Նա նշեց, որ պետք է սահմանել ընդհանուր սակագին, «որ ամեն մեկը չորոշի՝ ինչ գնով սպասարկել», անցկացնել վարորդների ատեստավորում:
Վաշինգտոնում կարծում են, որ հարկավոր է շտապ հստակություն սահմանել Սիրիայի այն տարածքներում, որտեղ զինադադար է տիրում: Այդ մասին Interfax-ին հայտնել է ԱՄՆ Պետդեպարտամենտում աղբյուրը:
2016 թվականի հունվարի 1-ից մարտի 1-ն ընկած ժամանակահատվածում ՀՀ ԱՆ քրեակատարողական վարչության տարբեր ստորաբաժանումների ծառայողների իրականացրած աշխատանքների արդյունքում կանխվել է ընդհանուր առմամբ 34,42 գրամ թմրամիջոցի ներթափանցումը քրեակատարողական հիմնարկներ:
Մարտի 2-ին ավելի վաղ Մոսկվայի իշխանություններն ավտոմոբիլիստներին հորդորել են հրաժարվել անձնական փոխադրամիջոցներով ուղեւորություններից՝ ձյան սաստիկ տեղումների պատճառով, որը շարունակվել է ամբողջ գիշեր: Քաղաքապետարանում նաեւ հայտնել են, որ ամբողջ օրվա ընթացքում սպասվում են բարդ եղանակային պայմաններ. ձյուն, մերկասառույց, ձնահյուսեր ճանապարհներին:
Մենք հավատում ենք պաշտոնական վիճակագրությանը, եթե թվերը վատն են, անկումային, իսկ հակառակ պարագայում… Գյուղատնտեսությունն աճե՞լ է՝ թիվ են նկարել։ Ներդրումներն աճե՞լ են՝ սուտ է։ Աշխատավարձն աճել է, գները նվազե՞լ՝ չենք զգում, հեքիաթ է։ Մենք հավատում ենք վատին։ Ու ուրախությամբ տիրաժավորում ենք վատն ու բացասականը, քանի որ կառավարությանը քննադատելը ոչ միայն հեշտ է, այլև ականջահաճո։
Երեկ երեկոյան Ադրբեջանի Ադրբեջանի Լերիքի շրջանի Ալիաբադ գյուղի դպրոցի տնօրեն Ադիլ Ռահիմովը դանակահարել է իր հարևանին, հայտնում է Report-ը:
Սպառած էլեկտրաէներգիայի, անջատումների, Ձեր իրավունքներին կամպարտականություններին վերաբերող, ինչպես նաև այլ հարցերի առնչությամբ կարող եքզանգահարել Երևան քաղաքի բնակիչները 1-80 և 0 8000 0 180 և մարզերի բնակիչները080000180 շուրջօրյա գործող հեռախոսահամարներով:
ԱՄՆ Մասսաչուսեթս նահանգում ամենագնացը մխրճվել է Sweet Tomatoes Pizza ռեստորանի մեջ, ինչի հետևանքով զոհվել է 3 մարդ, ևս 8-ն ստացել է վնասվածքներ:
Եվրոպայում ՆԱՏՕ-ի ուժերի գերագույն գլխավոր հրամանատար Ֆիլիպ Բրիդլավը Ռուսաստանին մեղադրել է այն բանում, որ վերջինս նպատակաուղղված օգնում է Սիրիայի կառավարությանը փախստականների հետ կապված ճգնաժամի ստեղծման հարցում՝ այն Եվրոպայի դեմ որպես զենք օգտագործելու համար:
Նախագահ Սերժ Սարգսյանն այսօր շնորհավորական հեռագիր է հղել Հայաստանի Հանրապետության արվեստի վաստակավոր գործիչ Արա Երնջակյանին՝ ծննդյան 65-րդ տարեդարձի առթիվ, մաղթել նրան քաջառողջություն, ստեղծագործական նորանոր նվաճումներ և ամենայն բարիք:
Ավստրալիայի Ներկայացուցիչների պալատում Հյուսիսային Սիդնեյի նորընտիր պատգամավոր Թրենթ Զիմմերմանն իր առաջին ելույթում կոչ է արել Թուրքիային ճանաչել Հայոց ցեղասպանությունը: Պատգամավորը Ներկայացուցիչների պալատում կփոխարինի հայկական արմատներով ավստրալացի գործիչ Ջո Հոքին, ով ներկայում Ավստրալիայի դեսպանն է ԱՄՆ-ում և երկար ժամանակ Հայոց ցեղասպանության ճանաչման ջատագովն է եղել:
Հանրապետությունում շարունակաբար դիտվող և առաջիկայում կանխատեսվող բարձր ջերմաստիճանային ռեժիմի հետևանքով անհրաժեշտություն է առաջացել որոշակի շտկումներ կատարել գարնան գյուղատնտեսական աշխատանքների իրականացման ժամկետների և նախատեսվող ագրոտեխնիկական միջոցառումների ցանկում:
Մոսկվայում եղանակային պայմանների վատթարացման հետևանքով հետզհետե ավելանում է չեղյալ հայտարարված թռիչքների թիվը: Համաձայն «Շերեմետևո» ու «Դոմոդեդովո» օդանավակայանների էլեկտրոնային չվացուցակի, «չեղյալ հայտարարված» կարգավիճակ ունի ավելի քան 100 ներքին ու միջազգային չվերթ:
Forbes-ը հրապարակել է աշխարհի ամենահարուստ կանանց ցուցակը: Վարկանիշի առաջին տեղը բաժին է հասել L’Oreal ընկերության համասեփականատեր ֆրանսուհի Լիլիան Բետանկուրին: Նրա կարողությունը գնահատվում է 36,1 մլրդ դոլար:
Հայաստանի ոստիկանապետ Վլադիմիր Գասպարյանի հրամանով ոստիկանության անձնագրային եւ վիզաների վարչության Երեւանի Մաշտոցի բաժինն իր ողջ կազմով ազատվել է աշխատանքից:
LifeNews-ը հրապարակել է Մոսկվայում նախօրեին 4-ամյա հիվանդ փոքրիկին գլխատած դայակի՝ Գյուլչեխրա Բոբոկուլովայի հարցաքննության տեսանյութը: Կնոջ կցկտուր խոսքից պարզ է դառնում, որ նա իր ամուսնու հետ ապրել է 12 տարի, իսկ վերջերս ամուսնալուծվել է Ուզբեկստանում:
Սիրիայի նախագահ Բաշար Ասադը գերմանական ARD հեռուստաալիքին տված հարցազրույցում հայտարարել է, թե պատրաստ է թողնել նախագահի պաշտոնը, սակայն դա կլինի միայն այն դեպքում, եթե «դա ցանկանա Սիրիայի ժողովուրդը»:
Փետրվարի 28-ին վախճանվել է Արցախում հայտնի վաստակաշատ մանկավարժ, հասարակական-քաղաքական ակտիվ գործիչ, Երկրորդ գումարման ԼՂՀ Գերագույն Խորհրդի պատգամավոր Լիդիա Իոսիֆի Սարգսյանը:
Ինչպես հայտնի է դարձել «Պրայմ Կրայմ» գործակալությանը, երեկ Երևանում իր ծննդյան 80-ամյակից մի քանի օր առաջ մահացել է «օրենքով գող» Վազգեն Ներսիսյանը, ով հանցագործ շրջանակներում ավելի շատ հայտնի էր որպես Վզգո:
