Գյումրիում 3 տրանսպորտային միջոց է բախվել
Tsayg.am-ը գրում է. Մարտի 1-ին շղթայական ավտովթար է տեղի ունեցել Գյումրիում: Շիրակի մարզպետարանի մոտ, բախվել է 3 տրանսպորտային միջոց: Դեպքի վայր են ժամանել ոստիկանության աշխատակիցներն ու հրշեջ-փրկարարները: Ավտոմեքենաները հոսանքազրկել են: Ավտովթարի հետևանքով 1993 թվականին ծնված Արտաշես Բաղդասարյանը մարմնական վնասվածքներով, շտապօգնության ավտոմեքենայով տեղափոխվել է «Գյումրի» բժշկական կենտրոն: Կատարվել է համապատասխան զննություն, տուժածին ցուցաբերվել է ամբուլատոր բուժօգնություն, ինչից հետո նա իր դիմումի համաձայն հրաժարվել է ստացիոնար բուժումից ու հեռացել հիվանդանոցից: Վթարի առաջացման պատճառները ճշտվում են:
