Քառյակը որոշել է չմասնակցել կառավարության ծրագրի քվեարկությանը

Այսօր առավոտյան տեղի է ունեցել խորհրդարանական ոչ իշխանական քառյակի՝ ՀԱԿ, ՀՅԴ, ԲՀԿ, Ժառանգություն խմբակցությունների համատեղ նիստը, որի ժամանակ քննարկվել է կառավարության ծրագրի նկատմամբ միասնական դիրքորոշում հայտնելու հարցը։

168-ի տեղեկություններով՝ քառյակը որոշել է չմասնակցել քվեարկությանը։

Ըստ էության, սրանով ԲՀԿ-ն կարողացավ քառյակի մյուս կուսակցություններին հերթական անգամ պարտադրել իր դիրքորոշումը, քանի որ մյուս երեք խմբակցությունները մինչև երեկ հակված էին դեմ քվեարկել կառավարության ծրագրին։