Ամբողջովին վերականգնվելու համար Եգիպտոսից կպահանջվի երկու տարի. Սիսի
Բրիտանական Reuters լրատվական գործակալությանը տված հարցազրույցի ժամանակ Եգիպտոսի նախագահի թեկնածու, պաշտպանության նախկին նախարար, ֆելդմարշալ Աբդել Ֆաթթահ աս-Սիսին հայտարարել է, որ Եգիպտոսին կպահանջվի երկու տարի, որպեսզի ամբողջությամբ վերականգնվի վերջին շրջանի քաղաքական անկայունությունից հետո.
«Երկիրը ներկայումս կանգնած է բազում խնդիրների առջև, որոնք առնչվում են սոցիալական արդարաությանը, անվտանգության ապահովմանը, ազատությունների հատկացմանը, ինչպես նաև տնտեսական առաջադրանքների կատարմանը:
Ես հուսով եմ, որ երկամյա լուրջ աշխատանքներից հետո մենք կկարողանանք հասնել իրավիճակի բարելավմանը, որին ձգտում ենք: Մենք պետք է ընդունենք, որ տնտեսական իրավիճակը շատ ծանր է, և ոչ միայն վերջին երեք տարիներին: Եգիպտացիների ավելի քան 50 տոկոսը կանգնած է աղքատության շեմին, երկրում մեծ թիվ է կազմում գործազրկությունը»:
