Հենասյուները փոխում են
Երևանի քաղաքապետարանը «Հայաստանի էլեկտրական ցանցեր» ընկերության հետ համատեղ բոլոր վարչական շրջաններում շարունակում է իրականացնել գույքագրված վթարավտանգ և վնասված հենասյուների վերանորոգման ու նորերով փոխարինման աշխատանքները: Դրանք իրականացվում են ըստ առաջնահերթության՝ ապահովելու բնակիչների անվտանգությունը: Այս մասին տեղեկացնում է Երևանի քաղաքապետարանի տեղեկատվության և հասարակայնության հետ կապերի վարչությունը:
2014 թվականի ընթացքում նախատեսված է շուրջ 1000 հենասյուն փոխարինել փայտյա կամ երկաթբետոնե նոր հենասյուներով: Տարվա առաջին եռամսյակում արդեն իսկ փոխվել է ավելի քան 60 հենասյուն:
Անհրաժեշտության դեպքում, ծրագրով նախատեսված ծավալից բացի, կիրականացվի նաև լրացուցիչ աշխատանք:
