Ռուսական «Ատոմստրոյէքսպորտը» բուլղարական կողմից պահանջում է 1 մլրդ եվրոյի փոխհատուցում
«Ատոմստրոյէքսպորտը» մինչև 1 մլրդ եվրոյի է հասցրել Բուլղարիայի ազգային էլեկտրական ընկերության նկատմամբ իր պահանջը «Բելենե» ԱԷԿ-ի նախագծի շրջանակում. հայցը քննվում է Փարիզի միջազգային արբիտրաժային դատարանում: Այս մասին հայտնում է RIA Novosti-ին՝ հղում կատարելով «Ատոմստրոյէքսպորտին»:
Վերջինիս հայտարարության համաձայն՝ հայցում պահանջների մեծացումը պայմանավորված է նրանով, որ ներկայում նախագիծը վաղաժամկետ դադարեցվել է Բուլղարիայի կառավարության կողմից: 2006թ. նոյեմբերի 29-ից ի վեր լրացել է համաձայնագրի գործողությունների ժամկետը, իսկ Ազգային էլեկտրական ընկերությունը հրաժարվում է «Ատոմստրոյէքսպորտին» վճարել կատարած ծախսերն ու կորուստները:
2011թ. հունիսին «Ատոմստրոյէքսպորտը» հայց էր ներկայացրել Փարիզում գտնվող Միջազգային արբիտրաժային դատարան՝ պահանջելով իրեն վճարել 58 մլն եվրո: Դրան ի պատասխան՝ բուլղարական կողմը հայտարարեց «Ատոմստրոյէքսպորտի» դեմ հակընդդեմ հայց ներկայացնելու մասին՝ առանց մատնանշելու, թե ինչու:
Մարտին Բուլղարիան հայտարարեց «Բելենե» ԱԷԿ-ի շինարարության մասնակցությունից հրաժարվելու մասին:
