Հայկական բիզնեսը և, հատկապես գյուղմթերքը, Լարսի անցակետով ռուսական շուկա մտնելու հարցում հերթական անգամ պիտի բախվեր խնդիրների, մեծ վնասներ կրեր, որպեսզի իշխանությունները հիշեին արտահանումը դիվերսիֆիկացնելու, նոր շուկաներ գտնելու անհրաժեշտության, «բոլոր ձվերը մեկ զամբյուղում չդնելու» կարևորության մասին։
Եթե այսքան հնարավորությունների պայմաններում տնտեսությունը չի կարողացել ընդլայնել կարողությունները, դժվար չէ պատկերացնել, թե ինչ կարող է լինել, երբ խոչընդոտները երկարաժամկետ լինեն ու համընդհանուր։ Իսկ այդպիսի հավանականությունն անհնարին է բացառել՝ այն ակնհայտ քայլերի պարագայում, որոնք անում են իշխանությունները՝ երբեմնի ռազմավարական գործընկերոջ հետ հարաբերություններում, որից կախված ենք տնտեսական բազմաթիվ լծակներով։ Այդ թվում, ինչպես ներսում, այնպես էլ դրսում։
Այսօր ԱԺ տնտեսական հանձնաժողովի նիստում «Հայաստան» խմբակցության պատգամավոր Թադևոս Ավետիսյանը Վերին Լարսում ստեղծված իրավիճակի վերաբերյալ հարց ուղղեց Էկոնոմիկայի նախարար Վահան Քերոբյանին։
ԱԺ նախագահ Ալեն Սիմոնյանն այսօր խորհրդարանում լրագրողների հարցին ի պատասխան՝ անդրադարձավ Նիկոլ Փաշինյանի աշխատակազմի ղեկավար Արայիկ Հարությունյանի՝ Լարսի անցակետի վերաբերյալ գրառմանը, թե որևէ անցակետի փակում չի կարող ազդեցություն ունենալ Հայաստանի ինքնիշխանության վրա։
Այսօր Երևանի քաղաքապետի երդման արարողությունից հետո լրագրողները ՀՀ էկոնոմիկայի նախարար Վահան Քերոբյանից հետաքրքրվեցին՝ լուրեր կան, որ ՌԴ-ն հայկական ապրանքները բոյկոտում է, և տնտեսվարողներին ասել են, որ ապրանք չեն ընդունելու՝ մտավախություն չկա՞, որ ռուսական շուկան կարող են կորցնել։ «Մեր արտահանման միայն 40 տոկոսն է գնում Ռուսաստան, տնտեսվարողներն աշխատում են, ամեն ինչ նորմալ է, որևէ խնդիր չկա։ […]
Այսօր ԱԺ տարածաշրջանային և եվրասիական ինտեգրման հարցերի հանձնաժողովի նիստում «ՀՀ պարենային անվտանգության ապահովման արդի մարտահրավերները՝ ԵԱՏՄ-ում ապրանքների ազատ տեղաշարժի համատեքստում» թեմայով քննարկման ժամանակ ՀՀ էկոնոմիկայի նախարարի տեղակալ Արման Խոջոյանն ասաց, որ Լարսի անցակետում ստեղծված իրավիճակով պայմանավորված՝ գյուղմթերքի արտահանումը որոշ դեպքերում անհնարին է դարձել։
Այսօր ԱԺ տարածաշրջանային և եվրասիական ինտեգրման հարցերի մշտական հանձնաժողովի նիստում «Քաղաքացիական պայմանագիր» խմբակցության պատգամավոր Խաչատուր Սուքիասյանն անդրադառնալով Լարսում ստեղծված իրավիճակին, նշեց, որ նոր մեխանիզմներ են անհրաժեշտ, որպեսզի Ռուսաստանը ինչ-որ պահի հայկական մեքենաները վերցնի, ավելի խորը տանի ու մաքսազերծի։
Էկոնոմիկայի նախարար Վահան Քերոբյանն այսօր խորհրդարանում լրագրողների հետ զրույցում անդրադարձավ Լարսի հետ կապված խնդրին, որտեղ օրեր շարունակ բեռները չեն կարողանում առաջ շարժվել, և իր խոստացած լաստանավին, որով պետք է բեռներ տեղափոխեին։
