Մարտի 3-ին, ժամը 20.15-ին, ոստիկանության Երևան քաղաքի վարչության ծառայողների բացատրական աշխատանքների շնորհիվ՝ վարչություն է ներկայացել 1974 թ. ծնված Պետրոս Փ.-ն:
Քիչ առաջ 168.am-ին զանգահարեց Մեսրոպ Մելիքյանի՝ «Մանումենտցի Մոսոյի» հայրը՝ Սաշիկ Մելիքյանը և տեղեկացրեց, որ մամուլում շրջանառվող այն տեղեկությունները, թե իր որդին սպանվել է Նուբարաշենի ՔՀԿ-ի մոտ հնչած կրակոցների հետևանքով, չեն համապատասխանում իրականության. «Իմ որդին իմ կողքին նստած է, խնդրում եմ հերքեք այդ տեղեկությունները, սպանվածը Օշականցի Գևորիկի եղնայրն է, ոչ թե իմ որդին»:
Մարտի 5-ին շրջանների զգալի մասում սպասվում են տեղումներ, լեռնային, նախալեռնային շրջաններում՝ ձյան, հովտային գոտիներում՝ թաց ձյան տեսքով:
Ձեւավորվում է Քաղաքացիական բանակ: Այն ժողովրդին համախմբող եւ քաղաքացիական անհնազանդության խաղաղ գործողություններով ռեժիմին հեռացնող կազմակերպական ուժ է։ Քաղաքացիական բանակը զինված կառույց չէ:
«Նուբարաշեն» քրեակատարողական հիմնարկի մոտ ՀՀ Քննչական պետի տեղակալ Սամվել Տոնոյանը լրագրողների հետ զրույցում ասել է, որ այսօր տեղի ունեցած փոխհրաձգության հետևանքով երեք անձանց սպանության առթիվ հարուցվել է քրեական գործ 104-րդ հոդվածի 2-րդ մասի 1-ին կետով և 235 հոդվածի 1-ին մասով։ Նա տեղեկացրել է նաև, որ զննություն է կատարվում դեպքի վայրում՝ տուժողների ինքնությունները ճշտելու և ինչպես նաև հանցագործություն կատարած անձանց ինքնությունները պարզելու համար։
Ս.թ. մարտի 4-ին ՀՀ պաշտպանության նախարարությունում անցկացվեց ՀՀ Նախագահի կարգադրությամբ ձևավորված Հայաստանի Հանրապետության պաշտպանության ռազմավարական վերանայման գործընթացը համակարգող միջգերատեսչական հանձնաժողովի հերթական նիստը:
Ոստիկանության լրատվական ծառայությունից քիչ առաջ 168.am-ի հետ զրույցում հաստատեցին տեղեկությունը, որ այսօր «Նուբարաշեն» ՔԿՀ-ի մոտ հնչած կրակոցների հետևանքով մահացած երեք անձանցից մեկը «Երրորդմասցի Լյովիկ» մականունով հայտնի Լևոն Ղազարյանն էր:
Նախնական տեղեկություններով` դիմակավորված անձանց արձակած կրակոցներից սպանվել են քրեական հեղինակություն «Երրորդմասցի Լյովիկն» ու նրա ընկեր Դրոն: Ի դեպ, դեպքի վայրում հայտնաբերվել են զենքեր:
Կոմիտեից փոխանցեցին, որ այժմ դեպքի վայրում է քննչական խումբը, Քննչական կոմիտեի նախագահի տեղակալ Վահագն Հարությունյանը, Երևան քաղաքի քննչական վարչության պետը, ձեռնարկվում են անհրաժեշտ քայլեր: Կոմիտեից փոխանցեցին նաև, որ, ըստ նախնական տեղեկությունների՝ կա 3 զոհ:
Քիչ առաջ «Նուբարաշեն» քրեակատարողական հիմնարկի մոտ հնչած կրակոցների պատճառով ոստիկանները փակել են փողոցը:
Նուբարաշեն ՔԿՀ-ի մոտ հնչած կրակոցների արդյունքում 2 մարդ տեղափոխվել է Էրեբունի բժշկական կենտրոն: Բժշկական կենտրոնի լրատվական ծառայության ղեկավար Շուշան Հունանյանը 168.am-ին փոխանցեց, որ 2-ն էլ հիվանդանոց տեղափոխվել են արդեն մահացած վիճակում:
Հայաստանից մարդիկ արտագաղթում են ոչ թե աշխատատեղերի բացակայության պատճառով, այլ ցածր վարձրատրության պատճառով և դրսում բարձր վարձատրությամբ աշխատանք գտնելու հույսով: Այս մասին այսօր՝ մարտի 4-ին, լրագրողների հետ հանդիպման ժամանակ հայտնեց ժողովրդագիր Ռուբեն Եգանյանը՝ հավելելով, որ այս վիճակն ազդում է շուկայի վրա՝ տարեկան այն կրճատելով մոտ մեկ տոկոս:
Նուբարաշեն քրեակատարողական հիմնարկի մոտ հնչած կրակոցների արդյունքում 1 անձ մահացել է, երկուսը՝ վիրավորվել: ՀՀ ոստիկանությունից 168.am-ին փոխանցեցին, որ ձեռնարկվում են միջոցառումներ նրանց ինքնությունը պարզելու համար, ինչպես նաև ձեռնարկվում են օպերատիվ հետախուզական, որոնողական աշխատանքներ՝ հանցագործություն կատարած անձին կամ անձանց հայտնաբերելու համար:
Մարտի 3-ին, ժամը 19.10-ին, հիվանդանոցից ոստիկանության Մալաթիայի բաժնում հաղորդում է ստացվել, որ մարմնական վնասվածքով բուժօգնության է դիմել 1997 թ. ծնված Դավիթ Մ.-ն:
Այսօր Ազգային ժողովի արտահերթ նիստի ավարտին քվեարկությամբ ընդունվեցին բոլոր քննարկված օրինագծերը: Նախքան քվեարկությունը ԲՀԿ խմբակցության քարտուղար Նաիրա Զոհրաբյանը հայտարարեց, որ «Անձնական տվյալների պաշտպանության մասին» օրինագիծը շատ սողանցքներ է թողնում, ուստի ԲՀԿ-ն դեմ է քվեարկում: Այն ընդունվեց 67 կողմ, 24 դեմ, 11 ձեռնպահ ձայներով:
«Նուբարաշեն» քրեակատարողական հիմնարկի մոտ կրակոցների հետեւանքով սպանվածներից մեկը քրեական հեղինակություն «Երրորդմասցի Լյովիկը»:
Երեքամյա Գառնիկ Հայրապետյանը ծնվել է Մանկական ուղեղային կաթվածով: Ապրում է Վանաձորում: Երեխան չի կարողանում խոսել, նստել , կանգնել, քայլել, մեջքը պահել, միայն անկանոն շարժումներ է կատարում:
Քիչ առաջ կրակոցներ են հնչել Երևանում: Ինչպես հայտնում է ֆոտոլրագրող Գագիկ Շամշյանը, Նուբարաշենի քրեակատարողական հիմնարկի՝ «Սովետաշենի բանտ»-ի մոտ անհայտ անձը կամ անձինք կրակոցներ են արձակել, ինչի հետևանքով 1 հոգի մահացել է, 2 հոգի հրազենային վնասվածքներով տեղափոխվել են հիվանդանոց:
Սոցիոլոգի խոսքով՝ հայերը տարածաշրջանում ունեն ամենաբարձր IQ-ն. «Մենք Ղարաբաղյան պատերազմում հաղթել ենք, որովհետև մեր IQ-ն ադրբեջանցիներից բավականին բարձր է: Մեր IQ-ն վրացիներից էլ է բարձր, IQ-ն է պատերազմում հաղթում, փող ստեղծում: Տարածաշրջանում մենք ունենք ամենաբարձր IQ-ն»:
«Մինչ օրս ինձ համար դա անհասկանալի մնաց: Նշվում է, որ Բայանդուր-Երազգավորս հատվածում ռուս սահմանապահների կողմից Պերմյակովն արգելանքի տակ է վերցվել: Կային նաեւ շատ իրարամերժ տեղեկություններ: Մի դեպքում ասում էին` Բայանդուր-Երազգավորս հատվածում, մեկ այլ դեպքում ասվում էր, որ գնացել է ուղեկալի ուղղությամբ եւ սահմանապահների խումբը կրակոցից հետո նրան ձերբակալել են: Գիտե՞ք ինչ, այս հարցը շարունակում է մնալ առանցքային»:
Վկան նշեց, որ երբ որոշ ժամանակ անց ինքը վերադարձել է խանութից, դեպքի վայրում վիրավորված անձանց է տեսել: Գոռ Առաքելյանի պաշտպան Երեմ Սարգսյանն ասաց, որ Գոռ Առաքելյանին մեղադրում են սպանության փորձ կատարելու մեջ, ինչին վկան արձագանքեց. «Չէ, որ ուզենար սպաներ, ոտքերին չէր խփի»:
Լեզուն այն ամենախոշոր ծանր հրետանին է, որը ձևավորում է գիտակցությունը: Ըստ դրա՝ ձևավորվում է մարդու աշխարհայացքը, որոշակի առումով` նրա հոգեկերտվածքը, մտահորիզոնը, ճաշակը, ու այդ բոլորը ձևավորում են յուրահատուկ անհատ: Այս կարծիքին է հոգեբան Աննա Բադալյանը, որն այսօր՝ մանկական հեռուստատեսության և ռադիո հեռարձակման միջազգային օրվա առթիվ հրավիրված ասուլիսի ընթացքում խոսեց հեռուստատեսությամբ և ռադիոյով հեռարձակվող մանկական հաղորդումների հոգեբանական ազդեցության մասին:
Երկուսին էլ մեղադրանք է առաջադրվել ՀՀ քրեական օրենսգրքի 177 հոդվածի 2-րդ մասի 1-ին կետով: Սույն քրեական գործով դատավարությունն այսօր մեկնարկելու է Տավուշի մարզի առաջին ատյանի դատարանի Բերդի նստավայրում:
«Անձնական տվյալների պաշտպանության մասին» օրենքը չափազանց անհրաժեշտ է, օրենքի տեղը դժվար է թերագնահատել ՀՀ իրավական համակարգում: Նման կարծիք այսօր Աժ արտահերթ նիստում հնչեցրեց ՀՀԿ-ական պատգամավոր Արփինե Հովհաննիսյանը:
«Արտակ Աղեկյանն ընտանիքից հեռու էր բնակվում, երեխաներին տեսնում էր 2-3 ամիսը մեկ անգամ՝ ընդամենը մի քանի օրով, բայց այդ օրերի ընթացքում հասցնում էր երեխաների հետ հետաքրքիր ժամանակ անցկացնել: Երեխաները միշտ դժվարությամբ են հրաժեշտ տվել հորը, չէին ուզում, որ գնար»:
Նրա խոսքով՝ մենք ապրում ենք պոստ-մոդեռն դարաշրջանում, որը մեզնից պահանջում է ունենալ ռեֆլեքսիվ մտածողություն և բարձր մտավոր ունակության գործակից՝ IQ: Այն երկիրը, որը հասնում է բարձր IQ-ի, այդ երկրում մարդիկ ավելի երջանիկ, հարուստ և առողջ են:
«Երեկ ԱԺ-ում, որտեղ կից սրահում բացվել է ժամանակակից նկարիչների ստեղծագործությունների ցուցահանդես, ԱԺ ՀՀԿ խմբակցության պատգամավոր Սամվել Ալեքսանյանը թանկարժեք կտավ գնեց ԱԺ ՀԱԿ խմբակցության պատգամավոր Լյուդմիլա Սարգսյանի համար՝ Մարտի 8-ի առթիվ»:
Երեւանում, «Մալաթիա» թաղամասի Շրջանային փողոցում գտնվող այգում մարտի 3-ին կրակոցներ են հնչել, կա մեկ վիրավոր:
Հայաստանի քաղաքացիներն այսուհետ հնարավորություն կունենան Ռուսաստանի տարբեր երկաթուղային գծերի համար տոմսեր ձեռք բերել Հայաստանում՝ «Սասունցի Դավիթ» կայարանում տեղադրված տերմինալի միջոցով:
Ժամը 08:30-ի սահմաններում Ճանապարհային ոստիկանության օպերատիվ կառավարման կենտրոն ահազանգ է ստացվել, որ Սպիտակ-Գյումրի ավտոճանապարհին՝ Լուսաղբյուր գյուղի վարչական տարածքում, «ՎԱԶ 2121» մակնիշի 35 TL 657 համարանիշի ավտոմեքենայի վարորդը դուրս է եկել ճանապարհի երթևեկելի գոտուց և մոտ 200 մետր գլորվելով՝ հայտնվել ձորում:
