ԱՄՆ Կենտրոնական հրամանատարություն․ Հորմուզի նեղուցը բաց է բոլոր նավերի համար
ԱՄՆ Զինված ուժերի կենտրոնական հրամանատարությունը (CENTCOM) հայտարարել է, որ Հորմուզի նեղուցը մնում է բաց բոլոր այն նավերի համար, որոնք իրավունք ունեն օրինական տարանցում իրականացնելու միջազգային ջրային ուղով։
«ԱՄՆ զինված ուժերը տեղակայված են և պատրաստ են ապահովելու, որ նավարկության ազատությունը պահպանվի՝ չնայած Իրանի չհիմնավորված ագրեսիային, սադրանքներին, սպառնալիքներին և կամայական հայտարարություններին», — ասվում է հրամանատարության X սոցցանցում հրապարակված հաղորդագրության մեջ։
CENTCOM-ն ընդգծել է, որ Իրանը չի վերահսկում Հորմուզի նեղուցը, իսկ նավերի երթևեկությունը շարունակվում է։
«Երթևեկությունն իրականացվում է», — հավելել են ամերիկյան հրամանատարությունում։
Ավելի վաղ Իրանը հայտարարել էր Հորմուզի նեղուցը անորոշ ժամկետով փակելու մասին։ Հայտարարության մեջ նշվում է, որ նեղուցով անցումը փակ կմնա այնքան ժամանակ, քանի դեռ, ինչպես պնդում է իրանական կողմը, ԱՄՆ-ի ռազմական միջամտությունը տարածաշրջանում չի դադարեցվել։ Մինչև այդ պահը, ԻՀՊԿ-ի հայտարարության համաձայն, նեղուցով ցանկացած նավի տեղաշարժ չի թույլատրվում։
