Նեթանյահուն, հավանական է, մեկնի ԱՄՆ՝ սենատոր Լինդսի Գրեմի հուղարկավորությանը մասնակցելու համար
Իսրայելի վարչապետ Բենիամին Նեթանյահուն դիտարկում է ամերիկացի հանրապետական սենատոր Լինդսի Գրեմի հուղարկավորությանը մասնակցելու հնարավորությունը։ Այդ մասին, հղում անելով կառավարության ղեկավարի գրասենյակի աղբյուրին, հայտնում է The Times of Israel-ը։
Հրաժեշտի արարողության ամսաթիվն ու ժամը առայժմ պաշտոնապես չեն հայտարարվել։
Պարբերականի տվյալներով, Նեթանյահուի գրասենյակը միաժամանակ շարունակում է Սպիտակ տան հետ համաձայնեցնել վարչապետի և ԱՄՆ նախագահ Դոնալդ Թրամփի հանդիպման կազմակերպումը Վաշինգտոնում, որը կարող է կայանալ առաջիկա շաբաթներին։
Ավելի վաղ՝ կիրակի, հուլիսի 12-ին, հայտնի դարձավ հանրապետական սենատոր Լինդսի Գրեմի հանկարծակի մահվան մասին։ Ամերիկյան ԶԼՄ-ների կարծիքով, նրա մահվան պատճառը կարող էր լինել սրտի կաթվածը։
Իսրայելի վարչապետը, ցավակցություն հայտնելով ամերիկացի քաղաքական գործչի մահվան կապակցությամբ, նշել է, որ սենատորը իր կյանքը նվիրել է ԱՄՆ-ի պաշտպանությանը, ամերիկա-իսրայելական դաշինքի ամրապնդմանը և «ազատ աշխարհի» աջակցությանը։
«Իսրայելը կորցրել է իր ամենամեծ բարեկամներից մեկին։ Ամերիկան կորցրել է մեծ հայրենասերի։ Ես կորցրել եմ թանկ ընկերոջ», — հայտարարել է Նեթանյահուն։
