Իրանը, Ռուսաստանն ու Թուրքիան Աստանայում հանդիպման արդյունքներով պայմանավորվել են ստեղծել եռակողմ մեխանիզմ, որը հետևելու է Սիրիայում հրադադարի դեպքերին ու հակամարտության մասնակիցների կողմից սադրանքների կանխարգելմանը։
«Հայաստանը չի հրաժարվել Իրան-ՀՀ երկաթգծի ծրագրից. լուծարվել է միայն մեր կառավարության ավելորդ օղակը, որովհետև նմանատիպ գործառույթ կարող է իրականացնել համապատասխան նախարարության համապատասխան վարչությունը: Չնայած մամուլում տեղ գտած հրապարակումներին՝ Հայաստանը շարունակում է այս ծրագիրը պահել իր օրակարգում և ջանքեր է գործադրում ներդրումներ հայթայթելու համար»,- այսօր լրագրողների հետ հանդիպման ընթացքում այս մասին ասաց իրանագետ Վարդան Ոսկանյանը՝ հավելելով, որ դա ոչ միայն տնտեսական, այլև քաղաքական ծրագիր է:
Սիրիական ճգնաժամի խնդրին նվիրված աշխատանքն Աստանայում ավարտվել է, ընդդիմությունը տվյալ հարցերը կքննարկի Ժնևում փետրվարի 8-ին, RIA Novosti-ին հայտնել է Սիրիայի ընդդիմության պատվիրակության անդամ Հիշամ Մարուան։
2016թ. Ադրբեջանի պաշտպանության արդյունաբերությունում արտադրված արտադրատեսալների ընդհանուր ծավալի 86 %-ը կազմել է պաշտպանկան և հատուկ նշանակության արտադրանքը, 14%-ը՝ քաղաքացիական նշանակության արտադրանքը։
Թուրքիայի կառավարությունը վավերացրել է Ադրբեջանի հետ տեխնիկական համագործակցության մասին արձանագրությունը, հայտնում է թուրքական Resmi Gazete («Պաշտոնական թերթ») կայքը։
Այսօր Ստրսաբուրգում ԵԽԽՎ ձմեռային նստաշրջանի ընթացքում կայացել է ԵԽԽՎ Մոնիթորինգային կոմիտեի նիստը, հայտնում է ԵԽԽՎ կայքը։
«Հայաստան-Իրան-Թուրքմենստան համագործակցությունը բավականին հետաքրքիր ու հեռանկարային նոր ռազմավարական ուղղություն է: Դժվար է այսօր խոսել այդ համագործակցության ձևաչափերի մասին, բայց հեռանկարային է այն առումով, որ Հայաստանն այդ պետությունների հետ առանձին համագործակցության ավանդույթներ ունի: Երկար տարիներ Թուրքմենստանն է եղել գազի հիմնական ներմուծողը Հայաստան, նմանատիպ համագործակցության բավականին էֆեկտիվ ծրագիր կա Իրանի հետ: Հետևաբար՝ այս երկու համագործակցության ձևաչափերը հույս են տալիս ասելու, որ այս եռաչափ համագործակցությունն էլ որոշակի հեռանկարներ ունի»:
Գերմանիայի արտգործնախարար Ֆրանկ-Վալտեր Շտայնմայերը ՄԱԿ-ի փախստականների հարցով գերագույն հանձնակատար Ֆիլիպո Գրանդիի և Պարենի համաշխարհային կազմակերպության գործադիր տնօրեն Էրտարին Կազընիի հետ հանդիպմանը հայտարարել է, թե Աստանայում բանակցությունները սիրիական ճգնաժամի կարգավորման միջանկյալ փուլ են։
Սիրիայի ընդդիմության պատվիրակությունը Աստանայի բանակցություններում չի ստորագրի հրադադարի վերաբերյալ ամփոփիչ կոմյունիկեն, հայտարարել է Աստանայի բանակցություններում ընդդիմության պաշտոնական ներկայացուցիչ Յախյա ալ-Արիդին։
Անկարան մտադիր չէ Էլ-Բաբ քաղաքը հանձնել սիրիացի զինվորականներին այն բանից հետո, երբ այնտեղից կվտարի ԴԱԻՇ-ի զինյալներին։
Ադրբեջանի պաշտպանության նախարար Զաքիր Հասանովը հունվարի 23-ին հանդիպել է ԵԱՀԿ նախագահի անձնական ներկայացուցիչ Անջեյ Կասպրշիկի հետ և քննարկել Լեռնային Ղարաբաղի շփման գծում տիրող իրավիճակը, հրադադարի խախտման դեպքերը, հայտնում է ադրբեջանական ԱՊԱ գործակալությունը՝ վկայակոչելով Ադրբեջանի ՊՆ մամուլի ծառայությանը։
ԵԽԽՎ-ի նախագահի պաշտոնում երեկ վերընտրված իսպանացի պատգամավոր Պեդրո Ագրամունտը, անդրադառնալով Եվրոպայի խորհրդի օրակարգում գտնվող առաջնահերթություններին, ափսոսանք է հայտնել, որ անցած տարի կառույցին չի հաջողվել տեսանելի ներդրում ունենալ Լեռնային Ղարաբաղի հակամարտության կարգավորման հարցում։
Ադրբեջանի ԱԳՆ ղեկավար Էլմար Մամեդյարովը ռուսական կողմի նախաձեռնությամբ ուղևորվում է Մոսկվա։
Սիրիայի հարցով ՄԱԿ-ի գլխավոր քարտուղարի հատուկ դեսպանորդ Ստաֆան դե Միստուրան առանձին խորհրդատվություններ կանցկացնի Սիրիայի կառավարության և ընդդիմության պատվիրակությունների հետ Աստանայի ոչ ուղղակի բանակցությունների շրջանակում։
«Այսօր դեռ վաղ է խոսել Սիրիա տեղափոխվողների թվի մասին, սակայն կարող ենք ասել, որ շատերը մեկնում են Սիրիա` տեղում ծանոթանալու իրավիճակին, հասկանալու համար վերադառնալու ինչ հնարավորություններ կան, դիտարկում են իրենց գործը վերականգնելու տարբերակները: Այո, Լիբանանում գտնվող սիրիահայերի շրջանում Հալեպ վերադառնալու տրամադրություններ կան»,-ասաց Մելիք Քարագավորյանը:
Ռուսական «Տու- 22Մ3» հեռավոր ռմբակոծիչները նոր հարված են հասցրել Սիրիայի Դեր Զոր նահանգում ԴԱԻՇ-ի դիրքերին։ Այս մասին հայտնում է RIA Novosti-ն՝ վկայակոչելով ՌԴ ՊՆ-ին։
Սիրիայի ընդդիմությունը չի ցանկանում խոսել «Ջաբհաթ ան-Նուսրա» խմբավորման դեմ պայքարի մասին մինչ օտարերկրյա ուժերի դուրսբերումն ու հրադադարի հաստատումը, հայտարարել է Սիրիայի ընդդիմության պատվիրակության խորհրդական Ուսամա Աբու Զեյդը։
Արաբական ԶԼՄ-ների 2 լրագրող կռվել է Սիրիայի իշխանությունների պատվիրակության ղեկավար Բաշար ա-Ջաֆարիի ելույթը Աստանայում լուսաբանելիս, հայտնում է RIA Novosti-ն։
Երկու-երեք ամիս հետո կավարտվի «Բաքու-Թբիլիսի-Կարս» երկաթուղային ճանապարհի շինարարությունը։ Ակնկալվում է, որ ««Բաքու-Թբիլիսի-Կարս» երկաթուղու շինարարությունը կավարտվի այս տարվա մարտ-ապրիլ ամիսներին։
Աստանայում սկսված բանակցությունները պետք է կարևոր փուլ դառնան Սիրիայում ճգնաժամի կարգավորման հարցում, հայտարարել է ՌԴ ԱԳՆ ղեկավար Սերգեյ Լավրովը, հայտնում է RIA Novosti-ն։
Թուրքիայի նախկին վարչապետ Ահմեթ Դավութօղլուի գլխավոր խորհրդական, լրագրող և հոդվածագիր ազգությամբ հայ Էթյեն Մահչուփյանը «Մահվան վախը և ազգայնականությունը» հոդվածում անդրադարձել է Թուրքիայի կրթական համակարգի իսլամականացված լինելուն` նշելով, որ Թուրքիան կարիք ունի ստեղծագործական կրթական համակարգի:
Սիրիայի պաշտոնական իշխանությունների և զինված ընդդիմության պատվիրակությունները առաջին անգամ նստել են բանակցային սեղանի շուրջ Աստանայում, հայտնում է BBC-ն։
Վրաստանի խորհրդարանական փոքրամասնությունը պահանջում է փետրվարի 8-ին՝ գարնանային նստաշրջանի առաջին օրը, քաղաքական բանավեճեր կազմակերպել «Գազպրոմի» հետ Հայաստան գազամատակարարման վերաբերյալ կնքված համաձայնագրի վերաբերյալ։
Սիրիայի Հալեպի նահանգի գյուղերից մեկում հունվարի 22-ին զոհվել է հայ զինծառայող Ժան Քորաջյանը: Այս մասին հայտնում է Հալեպի հայկական «Գանձասարն» պարբերականն իր ֆեյսբուքյան էջում:
Վրացի փորձագետ Լադո Պապավան «Կվիրիս պալիտրա» թերթին տված հարցազրույցում անդրադարձել է Վրաստանի կառավարության և ռուսական «Գազպրոմ» ընկերության միջև Հայաստան գազի տարանցման վերաբերյալ կնքված պայմանագրին ու հայտարարել, որ ներկայիս պայմանագիրը նախորդներից ավելի վատն է։
Թուրքիայի զինված ուժերը և զինված ընդդիմության ջոկատները անցած օրերին չեզոքացրել են ԴԱԻՇ-ի 65 զինյալի «Եփրատի վահան» գործողության շրջանակում։ Այս մասին, ինչպես հայտնում է «Անադոլու» գործակալությունը, նշված է Թուրքիայի զինված ուժերի գլխավոր շտաբի հայտարարության մեջ։
Սիրիայի հարցով ՄԱԿ-ի գլխավոր քարտուղարի հատուկ դեսպանորդ Ստաֆան դե Միստուրան լավատեսորեն է տրամադրված այսօր Աստանայում կայանալիք սիրիական բանակցությունների նկատմամբ։
Ադրբեջանական APA գործակալության հաղորդմամբ՝ Կարմիր Խաչի միջազգային կոմիտեի ներկայացուցիչները Բաքվում այցելել են 2014թ. դեկտեմբերի 26-ից Ադրբեջանում գերի պահվող ԼՂՀ քաղաքացի Արսեն Բաղդասարյանին։
Սիրիայի կառավարության և ընդդիմության պատվիրակություններն այսօր՝ հունվարի 23-ին, կնստեն բանակցային սեղանի շուրջ միջնորդների ներկայությամբ։
«Պատգամավորին խորհրդարանական հետագա նիստերին մասնակցելու իրավունքից զրկելը հակաժողովրդավարական քայլ է։ Նախագահ Էրդողանը եւ նրա կուսակցությունը չեն ուզում լսել պատմական ճշմարտությունը եւ չեն կարող դա հանդուրժել։ Էրդողանը ավելի քան խստորեն է գործում իր քննադատների դեմ հատկապես ամռան հեղաշրջման ձախողված փորձից հետո»,- ասաց թուրք պատգամավորը։
