Տարածաշրջան

Թուրքիայի զինված ուժերը Մոսուլը ԴԱԻՇ-ից ազատագրումից հետո կլքեն Իրաքը, ասել է Իրաքում Թուրքիայի դեսպան Հիշամ ալ-Ալավին, հաղորդում է NTV հեռուստաալիքը։

Վրացական կողմն ու «Գազպրոմ-էքսպորտը» կազմել են նոր համաձայնագիր, որի համաձայն՝ Վրաստանը կստանա դրամական փոխհատուցում ռուսական գազի Հայաստան տարանցման դիմաց։ Այս մասին, ինչպես հայտնում է RIA Novosti-ն, հայտարարել է Վրաստանի էներգետիկայի նախարար Կախա Կալաձեն։

Անկարայում կայացել են Թուրքիայի և Վրաստանի ԱԳՆ ղեկավարներ Մևլյութ Չավուշօղլուի և Միխայիլ Ջանելիձեի բանակցությունները, հայտնում է «Գրուզիա օնլայնը»։

Թուրքիայի իշխանությունները մտադիր են Սիրիայի հետ սահմանին բետոնե պատ կառուցելուց հետո նմանօրինակ պատ կառուցել նաև Հայաստանի ու Իրանի հետ սահմանին: Այս մասին տեղեկացնում է Sputnik-ի թուրքական ծառայությունը:

2016թ. նոյեմբերին Ադրբեջանի բանկերը վաճառել են 171.61 մլն դոլար, հայտնում է Trend-ը՝ վկայակոչելով Կենտրոնական բանկին։

Ադրբեջանի նախագահ Իլհամ Ալիևը մեկնել է Նախիջևան, հայտնում է haqqin.az-ը՝ վկայակոչելով Ալիևի պաշտոնական կայքին։

Թուրքիայում Միացյալ Նահանգների դեսպանությունը հերքել է մեղադրանքները ԱՄՆ կողմից Թուրքիայի նկատմամբ կիբեր հարձակում իրականացնելու վերաբերյալ: Այս մասին տեղեկացնում է թուրքական Demokrathaber.net-ը:

«Գազպրոմ»-ը Հայաստան ռուսական գազի տարանցման դիմաց վճարման նոր պայմաններ է առաջարկել Վրաստանին, մանրամասնությունները հայտնի կդառնան այն բանից հետո, երբ հարցը կքննարկվի կառավարության նիստում: Այս մասին լրագրողների հետ զրույցում հայտնել է Վրաստանի էներգետիկայի նախագահ Կախա Կալաձեն, որը հունվարի 10-ին «Գազպրոմ-էքսպորտի» ղեկավարության հետ հերթական հանդիպումն է անցկացրել ռուսական գազի տարանցման հարցի շուրջ:

ԱՄԷ-ից 5 դիվանագետ է դարձել ահաբեկչության զոհ Աֆղանստանի Կանդահար քաղաքում, հայտնում է WAM լրատվական գործակալությունը։

Թուրքիայի վարչապետ Բինալի Յըլդըրըմը քննադատել է Արևմուտքի երկրների դիրքորոշումը ահաբեկչական կառույցների նկատմամբ։

Թուրքիան բախվել է արտաքին ու ներքին ճնշման, հայտարարել է Թուրքիայի նախագահ Ռեջեփ Էրդողանը՝ ելույթ ունենալով տեղական վարչակազմերի ղեկավարների հետ հանդիպմանը։ Այս մասին հայտնում է «Անադոլու» գործակալությունը։

«Թուրքիան փոխվում է, և այդ փոփոխությունները բավականին սրընթաց են տեղի ունենում: Փոփոխությունների կենտրոնում գտնվում է Թուրքիայի նախագահը՝ Էրդողանը, որը որպես քաղաքական գործիչ և որպես անհատականություն՝ շատ անկանխատեսելի է: Նախորդ տարի Թուրքիայում սկսվեց ահաբեկչական գործողությունների կտրուկ աճ, ինչը պայմանավորված է Թուրքիայի վարած արտաքին քաղաքականությամբ»:

Եվրոպայի խորհրդի Ադրբեջանի վերաբերյալ զեկույցներ ունեցող համազեկուցողներ Ավստրիացի պատգամավոր Ստեֆան Շեննաքը եւ Ռումինիայի ներկայացուցիչ Կեսար Ֆլորին Պրեդան հունվարի 12-ից 14-ը կլինեն Ադրբեջանում: Այս մասին հայտնում է ադրբեջանական azadliq.info լրատվական գործակալությունը:

Թուրքիայի Կենտրոնական բանկը որոշում է կայացրել ներգրավել հավելյալ լիկվիդայնություն գրեթե 1.5 միլիարդ դոլարի չափով՝ նպատակ ունենալով կայունացնել լիրայի փոխարժեքը, հայտնում են թուրքական լրատվամիջոցները։

2016թ. օտարերկրյա ներդրումները Ադրբեջանի տնտեսությունում կազմել են 8 մլրդ դոլար, ներքին ներդրումները՝ 3.7 մլրդ դոլար, հայտարարել է Ադրբեջանի նախագահ Իլհամ Ալիևն այսօր նախարարների կաբինետի ընդլայնված նիստի ժամանակ, որը նվիրված է եղել 2016թ. սոցիալ-տնտեսական զարգացմանը։

Անկարայում Կարյաղդը փողոցը, որտեղ գտնվում է Թուրքիայում ՌԴ դեսպանատունը, ստացել է սպանված ռուս դեսպան Անդրեյ Կառլովի անունը, RIA Novosti-ն հայտնել են Անկարայում ՌԴ դեսպանատնից։

Թուրքիայի զինված ուժերի գլխավոր շտաբը երեքշաբթի հայտնել է անցած օրերին «Եփրատի վահան» գործողության շրջանակում Սիրիայի հյուսիսում ԴԱԻՇ-ի 19 զինյալի ոչնչացման մասին։

Ստամբուլում ձյան ուժեղ տեղումները հանգեցրել են քաղաքի բոլոր դպրոցներում պարապմունքները չեղյալ հայտարարելուն, հայտարարել է քաղաքապետ Վասիպ Շահինը։

Թուրքիայի Սահմանադրության փոփոխություններն առաջին ընթերցմամբ ընդունվել են երկրի խորհրդարանի կողմից, հայտնում են թուրքական ԶԼՄ-ները։

Այսօր Թեհրանի համալսարանում տեղի է ունենում Իրանի նախկին նախագահ Ալի Աքբար Հաշեմի Ռաֆսանջանիի հրաժեշտի արարողությունը։

Եթե պարոն Թրամփը անհրաժեշտ համարի ինձ այստեղ թողնել, ես կմնամ։ Այդ մասին, ինչպես հայտնում է APA գործակալությունը, հայտարարել է Ադրբեջանում ԱՄՆ դեսպան Ռոբերտ Սեկուտան։

Հայկական կողմը պետք է ստիպի ԵԱՀԿ խմբին, որպեսզի հայտարարությունների մեջ հասցեական նշվի մեղավոր կողմը:

Թուրքիան չի վերանայելու Ուկրաինայի հարցով դիրքորոշումը, չնայած Անկարայի և Մոսկվայի համագործակցությանը։ Այս մասին հայտարարել է Թուրքիայի ԱԳՆ ղեկավար Մևլյութ Չավուշօղլուն, հայտնում է «Անադոլու» գործակալությունը։

Նախագահ Սերժ Սարգսյանն այսօր ցավակցական հեռագիր է հղել Իրանի Իսլամական Հանրապետության Նախագահ Հասան Ռոհանիին՝ ԻԻՀ նախկին Նախագահ Ալի Աքբար Հաշեմի Ռաֆսանջանիի մահվան կապակցությամբ:

Վրաստանի ԱԳՆ ղեկավար Միխայիլ Ջանելիձեն այսօր պաշտոնական այցով կմեկնի Թուրքիա, հայտնում է sputnik-georgia-ն՝ վկայակոչելով գերատեսչության մամուլի հաղորդագրությանը:

Ադրբեջանի կողմից Իսլամական ռազմական դաշինքին անդամակցելու հարցը դեռևս ծառացած չէ Ադրբեջանի արտաքին քաղաքական օրակարգում։ Ինչպես հայտնում է RIA Novosti-ն, այս մասին այսօր հայտարարել է Ադրբեջանի ԱԳՆ պաշտոնական ներկայացուցիչ Հիքմեթ Հաջիևը։

Թուրքական ազգային արժույթի՝ լիրայի փոխարժեքը այսօր նվազել է 2.35 տոկոսով՝ հասնելով 1 դոլարի դիմաց 3.7308 լիրայի՝ նորացնելով 2005-ից ից վեր ռեկորդային նվազագույն մակարդակը։

Թուրքիայի իշխանությունները հաշվարկում են, որ ԱՄՆ նորընտիր նախագահ Դոնալդ Թրամփի վարչակազմը Անկարային կարտահանձնի ընդդիմադիր քարոիչ Ֆեթուլլահ Գյուլենին, հայտարարել է Թուրքիայի ԱԳՆ ղեկավար Մևլյութ Չավուշօղլուն։

Սիրիայի նախագահ Բաշար Ասադը հայտարարել է սիրիական ճգնաժամի կարգավորման հարցով Աստանայում կայանալիք հանդիպմանը մասնակցելու պատրաստակամության մասին, հայտնում է սիրիական SANA գործակալությունը։

Թուրքական իշխանությունները ռուս դեսպան Անդրեյ Կառլովի սպանությանն առնչություն ունենալու կասկածանքով 5 մարդու են կալանավորել։ Նշվում է, որ նրանց թվում է նաև թուրք ընդդիմադիր քարոզիչ Ֆեթուլլահ Գյուլենի կազմակերպության ակտիվիստներից մեկը։