Ավելի վաղ գերմանացի կոմիկը Էրդողանին ծաղրի էր ենթարկել չափից ավելի մեծ ծախսեր կատարելու եւ քաղաքացիական ազատությունները ճնշելու համար, ինչից հետո թուրքական կողմը բողոքի նոտա էր հանձնել Թուրքիայում Գերմանիայի դեսպանին: Այդ դիվանագիտական սկանդալի ենթակա միջադեպը հարթել էր Գերմանիայի կանցլեր Անգելա Մերկելը` Թուրքիայի իր գործընկեր Ահմեթ Դավութօղլուի հարցը քննարկելուց հետո:
Ինչպես հայտնի է, այսօր ՌԴ վարչապետ Դմիտրի Մեդվեդևը Երևան կատարած այցից հետո մեկնել էր Ադրբեջան: ՌԴ վարչապետը, ով սիրում է լուսանկարներ տեղադրել Twitter-ի իր միկրոբլոգում և գրառումներ կատարել, հետևյալ գրառումն է կատարել Բաքու այցից հետո:
Ահաբեկիչները կարող են զենք գնել՝ օգտվելով Facebook սոցիալական ցանցի առցանց-խանութներից: Այս մասին գրել է The New York Times (NYT)-ը: «Այստեղ կարելի գտնել ցանկացած սպառազինություն՝ ատրճանակներից եւ նռնակներից մինչեւ ծանր գնդացիրներ եւ կառավարվող հրթիռներ»,- նշված է հոդվածում:
Այս օրերին բազմաթիվ այլ հեռուստալրագրողների և դերասանների հետ Լեռնային Ղարաբաղում գտնվող Նազենի Հովհաննիսյանին ադրբեջանական մամուլը ներկացրել է որպես «վարձու դիպուկահար»:
Նրա խոսքով` այս հարցում երկու տարբերակ կա. կամ գնալ և արտահայտել դժգոհությունը, կամ չգնալ: «Շատ ավելի արդյունավետ կլինի գնալը»,-համոզված է Կարեն Բեքարյանը:
Ընդգծվեց, որ Հայաստանի Հանրապետությունը, չնայած ճշգրիտ թիրախավորման և նոր բարենպաստ բնագծերի զբաղեցման միջոցով հակառակորդի սանձահարմանը ներգավվելու պատրաստականությանը, դեռևս շարունակում է ապավինել Լեռնային Ղարաբաղի հակամարտության բանակցային կարգավորմանը:
Աշխատանքային այցով Մոսկվայում գտնվող Հայաստանի ԱԳ նախարար, ՀԱՊԿ արտգործնախարարների խորհրդի նախագահ Էդվարդ Նալբանդյանը ապրիլի 8-ին հանդիպում է ունեցել ՀԱՊԿ գլխավոր քարտուղար Նիկոլայ Բորդյուժայի հետ։
Հայկական Instigate Robotics ՏՏ ընկերությունը երկար տարիներ զբաղվում է անօդաչուների ծրագրային եւ տեխնիկական մասի մշակումներով: Ընկերության համահիմնադիր ու գլխավոր ինժեներ Վահագն Պողոսյանը Մեդիամաքսին պատմել է իրենց անօդաչուների ու բանակի հետ հնարավոր համագործակցության մասին:
Ռուսաստանի Դաշնության նախագահ Վլադիմիր Պուտինն անվտանգության խորհրդի մշտական անդամների օպերատիվ նիստ է հրավիրել: Կրեմլի մամուլի ծառայությունը տեղեկացնումէ , որ քննարկվել է Լեռնային Ղարաբաղի հակամարտության հարցը` այդ ուղղությամբ Ռուսաստանի գործադրած ջանքերի համատեքստում:
Բաքուն Ստեփանակերտը չի ճանաչում որպես հակամարտող կողմ և համաձայնագիր կստորագրի միայն Հայաստանի հետ։ Ինչպես տեղեկացնում է RIA Novosti-ն, այդ մասին այսօր հայտարարել է Ադրբեջանի ԱԳՆ-ի մամլո ծառայության ղեկավար Հիքմեթ Գաջիևը: «Ապրիլի 5-ին շփման գծում կրակի դադարեցման ռեժիմի մասին համաձայնագիրը ձեռք է բերվել Հայաստանի ու Ադրբեջանի ԶՈՒ միջև։
ԱՊՀ երկրների արտգործնախարարների խորհրդի նիստի մասնակիցներն իրենց գոհունակությունն են հայտնել ղարաբաղյան հակամարտության գոտում ռազմական գործողությունների դադարեցման վերաբերյալ և կոչ են արել կողմերին երկխոսության գնալ: Այս մասին, ինչպես հայտնում է RIA Novosti-ն, հայտնել է ԱՊՀ գործադիր կոմիտեի նախագահ Սերգեյ Լեբեդևը:
Բաքվում գտնվող ՌԴ վարչապետ Դմիտրի Մեդվեդևը այցելել է Շահիդների ծառուղի: Այս մասին տեղեկացնում են ադրբեջանական լրատվամիջոցները: Ըստ նրանց, Մեդվեդևը ծաղիկներ է դրել Ադրբեջանի շահիդների գերեզմաններին:
Արման Թաթոյանը, ընդգծելով Մարդու իրավունքների պաշտպանի ինստիտուտի կարողությունների ամրապնդման գործում Եվրոպական միության պատվիրակության դերը, հաստատել է մարդու իրավունքների պաշտպանության ոլորտում համատեղ ծրագրեր նախաձեռնելու և համագործակցության ոլորտներն ընդլայնելու իր պատրաստակամությունը:
«Մեր գնահատականով Լեռնային Ղարաբաղի Հանրապետության մասնակցությունը հակամարտության կարգավորման գործընթացում պարտադիր պայման է, որպեսզի հնարավոր լինի հաջողություն արձանագրել»,- նշեց Միրզոյանը:
ՌԴ վարչապետ Դմիտրի Մեդվեդևը փակ դռների հետևում բանակցություններ է անցկացնում իր ադրբեջանցի գործընկերոջ՝ Արթուր Ռասիզադեի հետ, հայտնում է RIA Novosti-ն:
«Հայաստանի և Ադրբեջանի ԶՈՒ-երի միջև առկա ուժային հավասարակշռությունն է որոշում իրավիճակը Ղարաբաղի շուրջ»,- այս մասին 168.am-ի հետ զրույցում ասաց «Ազգային պաշտպանություն» ամսագրի գլխավոր խմբագիր Իգոր Կորոտչենկոն՝ անդրադառնալով ռուս-ադրբեջանական զենքի գործարքների վերաբերյալ հասարակության շրջանում առկա դժգոհություններին ու ՀՀ իշխանությունների արտահայտած մտահոգություններին:
ԵԱՏՀ կոլեգիայի նախագահը բարձր է գնահատել ՀՀ կառավարության կողմից՝ անձնական սպառման նպատակով ֆիզիկական անձանց կողմից ԵԱՏՄ երկրներից Հայաստան մեքենաների ներմուծման ժամանակ ավելացված արժեքի հարկման չեղարկման մասին հարցի օպերատիվ լուծումը՝ ընդգծելով, որ այժմ հանրապետական օրենսդրությունը համապատասխանեցվել է վերազգայինին:
Ռուսաստանի նախագահ Վլադիմիր Պուտինը ՌԴ Անվտանգության խորհրդի ժամանակ քննարկել է Լեռնային Ղարաբաղի հակամարտության կարգավորման հարցն այն ջանքերի համատեքստում, որ ձեռնարկում է ռուսական կողմը, քննարկվել են նաև ՌԴ Ազգային գվարդիայի ձևավորման գործընթացին վերաբերող հարցեր: Այս մասին, ինչպես տեղեկացնում է RIA Novosti-ն, հայտնում է ՌԴ նախագահի մամուլի քարտուղար Դմիտրի Պեսկովը:
ԵԱՀԿ Մինսկի խմբից որոշումներ պահանջել չի կարելի, դրանք պետք է կայացնեն Բաքուն և Երևանը, հայտարարել է ԵԱՀԿ-ին առընթեր ՌԴ մշտական ներկայացուցիչ Ալեքսանդր Լուկաշևիչը «Ռուսաստանն այսօր»-ի կողմից կազմակերպված Մոսկվա-Վիեննա տեսակամրջի ժամանակ:
Ղարաբաղյան հակմարտության լուծումը բացառապես ԵԱՀԿ-ի պատասխանատվությունն է, մյուս կազմակերպությունները կարող են ընդամենն օգնել: Այս մասին հայտարարել Է ԵԱՀԿ-ին առընթեր ՌԴ մշտական ներկայացուցիչ Ալեքսանդր Լուկաշևիչը, տեղեկացնում է RIA Novosti-ն:
Ադրբեջանի նախագահ Իլհամ Ալիևը հայտարարել է, որ Լեռնային Ղարաբաղում ստեղծված իրավիճակի կարգավորման մեխանիզմներ կան, սակայն դրանք չեն իրագործվում։
Ռուսաստանն առավելապես հանձնառու է Լեռնային Ղարաբաղի հակամարտության խաղաղ կարգավորմանը, բանակցություններին այլընտրանք չկա: Այս մասին ինչպես հայտնում է RIA Novosti-ն, այսօր Բաքվում հայտարարել է Ռուսաստանի վարչապետ Դմիտրի Մեդվեդևը:
«Ռուսաստանը շարունակելու է զենք մատակարարել երկու կողմերին էլ, և յուրաքանչյուր կողմ իր եզրակացություններն է անելու դրանից՝ լինելով դժգոհ իրավիճակից, բայց սա է դրությունը: Չնայած դժգոհություններին` Ռուսաստանը դա չի փոխելու, քանի որ այլ շահեր ևս կան»,- ասաց «Կարնեգի» կենտրոնի առաջատար վերլուծաբանը:
ՌԴ նախագահ Վլադիմիր Պուտինը հեռախոսազրույց է ունեցել Ղազախստանի նախագահ Նուրսուլթան Նազարբաևի հետ, որի ժամանակ վերջինիս տեղեկացրել է Ռուսաստանի կողմից Ղարաբաղում իրականացվող կարգավորման ջանքերի մասին, հայտնում է Կրեմլի մամուլի ծառայությունը:
Ռուսաստանը կշարունակի Ադրբեջանին զենք մատակարարել իր ռազմավարական գործընկերոջ հետ ունեցած պայմանագրային պարտավորություններին համապատասխան:
Արցախի դեմ Բաքվի կողմից վերջին օրերին սանձազերծված լայնածավալ հարձակողական գործողությունները խախտում են Ադրբեջանի իսկ կողմից ստորագրված հրադադարի 1994թ. և հրադադարի ամրապնդման 1995թ. եռակողմ անժամկետ համաձայնագրերը. իմիջիայլոց, առաջին համաձայնագիրը նախաձեռնվել էր հենց ԱՊՀ միջխորհրդարանական վեհաժողովի շրջանակներում: Սանձազերծված հարձակման առաջին իսկ ժամերից միտումնավոր և բացահայտ թիրախավորվել էին քաղաքացիական օբյեկտներ, տ ուժեցին քաղաքացիական անձինք, այդ թվում` երեխաներ և ծերեր:
Լեռնային Ղարաբաղում հակամարտության կարգավորումը հարկավոր է և´ Հայաստանին, և´ Ադրբեջանին: Ինչպես հայտնում է RIA Novosti-ն, հայտարարել է Ադրբեջանի նախագահ Իլհամ Ալիևը:
Հանրապետության Նախագահը մտահոգություն է հայտնել միության որոշ գործընկերների կողմից ցուցաբերվող ապակառուցողական մոտեցման կապակցությամբ և ընդգծել է, որ Հայաստանի մոտեցումները չեն փոխվել և մեր երկիրը պատրաստակամ է շարունակել տնտեսական շահերից բխող միության զարգացմանն ուղղված կառուցողական քայլերը:
ԵԱՀԿ-ն պատրաստ է նոր՝ հատուկ նիստ հրավիրել Լեռնային Ղարաբաղի հարցով, եթե իրավիճակն այնտեղ վատթարանա, հայտնում է RIA Novosti-ն՝ հղում կատարելով կազմակերպության գլխավոր քարտուղար Լամբերտո Զանիերին:
ՌԴ նախագահ Վլադիմիր Պուտինն այսօր նիստ է հրավիրելու Անվտանգության խորհրդի անդամների հետ: Այս մասին, ինչպես հայտնում է RIA Novosti-ն, հայտարարել է ՌԴ նախագահի մամուլի քարտուղար Դմիտրի Պեսկովը:
