Եվրոպայի ժողովրդական կուսակցության պաշտոնական ուսանողական կազմակերպությունը (EDS-European Democrat Students, Եվրոպայի ժողովրդավար ուսանողներ) հայտարարություն է տարածել խստորեն դատապարտելով Ադրբեջանի կողմից իրականացվող ագրեսիվ գործողությունները և իր աջակցությունը հայտնելով հայ ժողովրդին և EDS անդամ ՀՀԿ երիտասարդական կազմակերպությանը։
Երեկ մի խումբ ջավախահայեր, ի նշան բողոքի՝ Կարզախ գյուղի հատվածում փակել էին վրաց-թուրքական սահմանը՝ Վրաստանի իշխանություններից պահանջելով բացել հայ-վրացական սահմանը, որպեսզի կարողանան իրենց հումանիտար օգնությունը հասցնել Արցախ։ Այս պահին ջավախահայերը բացել են սահմանը, պայմանով, եթե Վրաստանի իշխանությունները չբացեն հայ-վրացական սահմանը, պատրաստվում են կրկին փակել։
Պաշտպանության բանակը շարունակում է վստահորեն կատարել իր առջև դրված մարտական խնդիրը՝ բոլոր ուղղություններով ձախողելով թշնամու գրոհները:
Սեպտեմբերի 29-ի առավոտյան, Ադրբեջանի «Գյանջա» օդանավակայանում տեղակայված Թուրքիայի Հանրապետության ռազմաօդային ուժերին պատկանող F-16 կործանիչներից մեկի կողմից խոցվել է ՀՀ տարածքում գտնվող ռազմական և քաղաքացիական օբյեկտների վրա ադրբեջանական հարձակումները հետ մղելու նպատակով ՀՀ օդային տարածքում՝ Վարդենիսի շրջանում, մարտական խնդիրները կատարող ՀՀ ԶՈւ ռազմաօդային ուժերի ՍՈւ-25 գրոհիչը:
Եկեղեցիների Համաշխարհային Խորհրդի (ԵՀԽ) գործող գլխավոր քարտուղար Հայր Իոան Սաուկան խորը մտահոգություն է հայտնել Լեռնային Ղարաբաղի տարածաշրջանում վերսկսված և շատ լուրջ լարման կապակցությամբ, ինչն առաջացել է Ադրբեջանի զինված ուժերի հարձակումից հետո՝ հանգեցնելով բազմաթիվ զոհերի, այդ թվում՝ քաղաքացիական անձանց շրջանում, և դա կարող է սադրել լայնածավալ զինված հակամարտություն տարածաշրջանում։
Այսօր ՊԲ հյուսիս-արևելյան, իսկ ապա նաև հարավային ուղղություններում հակառակորդը կիրառել է թուրքական F-16 բազմաֆունկցիոնալ ինքնաթիռներ: Այս պահի դրությամբ մարտագծի ամբողջ երկայնքով ինտենսիվ մարտերը շարունակվում են:
ՀՀ պաշտպանության նախարարությունը հայտարարություն է տարածել․ կարևոր
Երեկ ադրբեջանական լրատվականները՝ հղում անելով իրենց ռազմական աղբյուրներին, գրել էին, թե ոչնչացվել է բունկեր, որտեղ հայ սպաներ, գեներալներ և հայկական զինված ուժերի բարձրաստիճան պաշտոնյաներ են եղել։ Նշվում էր, թե «մահացու» հարվածը հասցվել է Harop-ի կործանիչ ԱԹՍ-ով։
Հայաստանի Հանրապետության պաշտպանության նախարարությունը հրապարակել է Թուրքիայի զինված ուժերին պատկանող F-16 կործանիչի կողմից խոցված ՀՀ ԶՈւ ռազմաօդային ուժերի ՍՈւ-25 գրոհիչի լուսանկարները:
168 TV ԼՐԱՀՈՍ
«Այս պահին մարտերը շարունակվոմ են: Արցախի ՊԲ ստորաբաժանումները առանձին հատվածներում իրականացնում են պատժիչ գործողություններ։ Ոչնչացվել են հակառակորդի մեծ թվով կենդանի ուժ, սպառազինություն և ռազմական տեխնիկա, այդ թվում՝ «ՏՕՍ-1Ա» ծանր հրանետային համակարգ»։
Ֆրանսիայի նախագահ Էմանուել Մակրոնը բանակցություններ կվարի ՌԴ նախագահ Վլադիմիր Պուտինի ու ԱՄՆ նախագահ Դոնալդ Թրամփի հետ՝ ուղղված Արցախյան հակամարտության գոտում իրավիճակի կարգավորմանը: Ռուսական ՏԱՍՍ-ի փոխանցմամբ՝ այս մասին Մակրոնը հայտարարել է Լատվիա կատարած այցի շրջանակում։
«Երեկ երեկոյան մենք արդեն տեղեկացրինք, որ Եվրոպական դատարանը կայացրել է որոշում ավելի վաղ ՀՀ-ի կողմից ներկայացված՝ Ադրբեջանի դեմ միջանկյալ միջոցի խնդրանքը բավարարելու վերաբերյալ: Իհարկե, հետևյալ բովանդակությամբ է կայացվել որոշումը, որը, կարծում եմ, ակնկալելի էր նաև մեզ համար, երբ մենք դիմում էինք ՄԻԵԴ պետության անունից՝ նաև հաշվի առնելով իրավիճակի սրությունը, լայնամասշտաբ բնույթը: Որոշման մեջ կոչ է արվում թե Ադրբեջանին, նաև Հայաստանին՝ զերծ մնալ այնպիսի միջոցների կիրառումից, որոնք կառաջացնեն կոնվենցիայով երաշխավորված քաղաքացիական բնակչության իրավունքների խախտումներ»,- միասնական տեղեկատվական կենտրոնում այսօր տեղի ունեցած ասուլիսի ժամանակ ասաց Մարդու իրավունքների եվրոպական դատարանում (ՄԻԵԴ) ՀՀ կառավարության ներկայացուցիչ Եղիշե Կիրակոսյանը՝ անդրադառնալով ՄԻԵԴ երեկ կայացված որոշմանը:
«Արցախի սահմանի երկայնքով մարտերը շարունակվում են։ Հակառակորդը չի հրաժարվում իր նպատակներից, քանի որ ինչ-որ տեղ դարձել է իր ավանտյուրաների գերին։ Այսինքն՝ այդքան զոհեր տալով և տեխնիկայի կորուստ տալով, չեն կանգնում, ուզում են կանգնեցնել ամեն ինչ, բայց չեն կարողանում, որովհետև պետք է պատասխան տան հասարակության առջև, թե ինչի համար են սկսել այդ ավանտյուրան, որը նման հետևանքներ է ունենում՝ առանց ցանկալի արդյունքների»,- այս մասին 168.am-ի հետ զրույցում ասաց Արցախի նախագահի արտաքին հարաբերությունների գծով խորհրդական Դավիթ Բաբայանը։
ՀՀ արդարադատության նախկին նախարար Գևորգ Դանիելյանը ֆեյսբուքյան իր էջում գրում է․ «Եթե որոշվել է դիմել ՄԻԵԴ, ապա փաստերի տրամաբանությունը թելադրում է, որ նոր դիմումով որպես պատասխանող հարկ է ճանաչել ռազմական գործողությունների իրական դերակատարին՝ Թուրքիային, իսկ ապացույցների հարցում, թերևս, առանձնակի խնդիր չկա (դրանք արդեն հրապարակվում են իրավասու կառույցների կողմից)։
Որքանո՞վ են Գետաշենի, Շահումյանի ուղղությամբ առաջխաղացման հետ կապված սոցցանցերում պտտվող լուրերը հավաստի: Լրագրողների հետ ճեպազրույցի ընթացքում ՀՀ ՊՆ ներկայացուցիչ Արծրուն Հովհաննիսյանն ասաց, որ այս պահին նպատակահարմար չէ մեկնաբանել կոնկրետ ուղղություններով կոնկրետ գործողությունները, հատկապես որոնք վերաբերում են մեր զինված ուժերի հաջողություններին, առաջընթացներին:
«Комсомольская правда» ռադիոկայանի ուղիղ եթերում ՌԴ ԱԳՆ պաշտոնական ներկայացուցիչ Մարիա Զախարովան մանրամասնել է, թե ինչ քայլեր է ձեռնարկում Ռուսաստանն Արցախյան հակամարտության գոտում վերսկսված պատերազմը «հանգցնելու» համար։ Նա նշեց, որ ռուսական կողմի գլխավոր ուղերձը կայանում է նրանում, որ հայ-ադրբեջանական պատերազմ թույլ չտալն ընդհանուր խնդիր է։
ԱԺ նախագահ Արարատ Միրզոյանը ֆեյսբուքյան իր էջում տարածել է այս լուսանկարը՝ գրելով․ «Մեր խաղաղապահն էլ ա ինքը, անկախապահն էլ, հայրենապահն էլ»։
«Դրանք չեն եղել նույն ինտենսիվությամբ, ինչ ընթանում էին երեկ: Բայց տեղ-տեղ, բնականաբար, եղել են հրետակածություններ: Վաղ առավոտյան Ադրբեջանի զինված ուժերը հյուսիսային ուղղությամբ անցել են լայնածավալ հարձակողական գործողությունների, մասնավորապես, ավիացիոն, հրթիռային և հրետանային հարվածներ են հասցրել: Այս պահին այդ ուղղությամբ ընթանում են մարտեր: Պետք է հստակ ֆիքսենք, որ կիրառվում են բազում միջոցներ, այդ թվում՝ հեռահար ճշգրիտ միջոցներ, ԱԹՍ-եր, մեծ քանակությամբ հրետանի:
ՀՀ ԱԳՆ–ն հայտարարություն է տարածել Թուրքիայի ԶՈՒ ներգրավվածության վերաբերյալ, որում ասված է․ «Սեպտեմբերի 29-ի առավոտյան, Ադրբեջանի «Գյանջա» օդանավակայանում տեղակայված Թուրքիայի Հանրապետության ռազմաօդային ուժերին պատկանող F-16 կործանիչներից մեկի կողմից խոցվել է ՀՀ տարածքում գտնվող ռազմական և քաղաքացիական օբյեկտների վրա ադրբեջանական հարձակումները հետ մղելու նպատակով ՀՀ օդային տարածքում՝ Վարդենիսի շրջանում, մարտական խնդիրները կատարող ՀՀ ԶՈւ ռազմաօդային ուժերի ՍՈւ-25 գրոհիչը:
Ֆրանսիայի նախագահ Էմանուել Մակրոնը հայտնել է, որ նախատեսում է Լեռնային Ղարաբաղում տիրող իրավիճակի հարցը քննարկել ՌԴ նախագահ Վլադիմիր Պուտինի և ԱՄՆ նախագահ Դոնալդ Թրամփի հետ:
Արծրուն Հովհաննիսյանի և Եղիշե Կիրակոսյանի ասուլիսը՝ ՈՒՂԻՂ
Այսօր մեր զինվորն իր կյանքը զոհում է՝ «Արցախը Հայաստան է և՝ վերջ» պոպուլիստական լոզունգի պատճառով, ինչն առիթ դարձավ, որ ադրբեջանա-թուրքական տանդեմը միջազգային ամբիոններում այն ցիտելով, փորձեն լիգիտիմացնել այս թուրանական հարձակումը, նաև՝ բանակցություններից հրաժարվելու պատճառը։ Հասարակության հայացքը այսօր Արցախում հավաքված նախկին-ներկա ռազմաքաղաքական էլիտան է, այդ թվում՝ նաև «դավադիրները», ովքեր ամբիոններից չէ, որ հայտարարել են, թե պատրաստ են զոհվել Արցախի համար։ Եվ ժողովուրդը հավատում է նրանց։
Արցախի նախագահի մամուլի խոսնակ Վահրամ Պողոսյանը քիչ առաջ հանդիպեց ԶԼՄ ներկայացուցիչների հետ: Լրագրողները հետաքրքրվեցին, թե կամավորների մեծ ակտիվություն է նկատվում, ինչպե՞ս է այն համակարգվում և արդյոք այս պահին կա՞ դրա կարիքը: Պողոսյանը նշեց, որ հազարավոր մեր հայրենակիցներ արդեն համալրել են ՊԲ շարքերը:
«Այսօր արդեն երրորդ օրն է, ինչ Արցախի Հանրապետության և Ադրբեջանի Հանրապետության շփման գծի ամբողջ երկայնքով շարունակվում են ինտենսիվ մարտեր ընթանալ»,- այսօր լրագրողների հետ հանդիպման ժամանակ ասաց Արցախի նախագահի մամուլի խոսնակ Վահրամ Պողոսյանը՝ ներկայացնելով սահմանին տիրող իրավիճակը:
Ադրբեջանի ռազմաօդային ուժերը խառը մարտակարգով ռմբաավիացիոն հարվածներ են հասցնում Արցախի ՊԲ հյուսիսային ուղղությամբ, օգտագործվում են նաև թուրքական արտադրության ԱԹՍ-ներ։
«Վրաստանը ռազմական տարանցման երկիր չի դառնա »,- Վրաստանի խորհրդարանի անվտանգության և պաշտպանության հանձնաժողովի դիրքորոշումն այսօր հնչեցրել է հանձնաժողովի ղեկավար Իրակլի Սեսիաշվիլին՝ անդրադառնալով Ղարաբաղյան հակամարտությանը: Այս մասին գրում է aliq.ge–ն։
ՀՀ վարչապետ Նիկոլ Փաշինյանը հարցազրույց է տվել «The Washington Post»-ին, որում անդրադարձել է Լեռնային Ղարաբաղում Ադրբեջանի սանձազերծած ագրեսիային և պատերազմական գործողություններին: ՀՀ վարչապետը խոսել է նաև Թուրքիայի ներգրավվածությւան մասին: Դեյվիդ Իգնեշիուսի հոդվածը ներկայացնում ենք ստորև:
Բարերարներ Միքայել և Կարեն Վարդանյանները «Հայաստան» համահայկական հիմնադրամի «Մենք ենք, մեր սահմանները. բոլորս Արցախի համար» դրամահավաքի շրջանակներում հատկացրել են 250 մլն դրամ՝ հայոց բանակին աջակցելու նպատակով: Բացի այդ, Վարդանյան եղբայրները 50 մլն դրամի սիգարետ են տրամադրել զինծառայողների և 67 բեռնատար մեքենա՝ Պաշտպանության բանակի կարիքների համար:
Ադրբեջանի ռազմաօդային ուժերը խառը մարտակարգով ռմբաավիացիոն հարվածներ են հասցնում Արցախի ՊԲ հյուսիսային ուղղությամբ, օգտագործվում են նաև թուրքական արտադրության ԱԹՍ-ներ։ Օդում են նաև Թուրքիայի Հանրապետության ռազմաօդային ուժերին պատկանող F-16 բազմաֆունկցիոնալ կործանիչները։
