Վրաստանը Հայաստան է արտահանել 1,6 մլն դոլարի հացաբուլկեղեն
2026 թվականի առաջին յոթ ամիսներին Վրաստանի հացաբուլկեղենի և հրուշակեղենի արտահանման հասույթը կրկնապատկվել է, հայտնում են տեղական լրատվամիջոցները։
Այս ժամանակահատվածում Վրաստանն արտահանել է 2 224 տոննա արտադրանք՝ ընդհանուր 8 մլն 776 հազար դոլար արժեքով։ Արտահանման ծավալն աճել է 129%-ով։ Ցուցանիշը ներառում է ինչպես Վրաստանում արտադրված, այնպես էլ ներմուծված և վերաարտահանված ապրանքները։
Հայաստան է արտահանվել 343 տոննա հաց և հացաբուլկեղեն՝ 1,6 մլն դոլար ընդհանուր արժեքով։
