Տարածաշրջան

ԱԺ «Քաղաքացիական պայմանագիր» խմբակցության պատգամավոր, Անվտանգության հարցերի հանձնաժողովի նախագահ Անդրանիկ Քոչարյանը թշնամու կողմից իրականացվող սադրանքները, որոնք տեղի են ունենում Արցախում ու Հայաստանի  սահմաններին, պայմանավորում է աշխարհում տիրող անհանգստությամբ։

Ուկրաինայի արտաքին գործերի նախարար Դմիտրի Կուլեբան հայտարարել է, որ կհանդիպի ու կբանակցի Ռուսաստանի արտգործնախարար նախարար Սերգեյ Լավրովի հետ:

«Չեմ կարծում, որ ռուս խաղաղապահների գործառույթներում կամ իրականացվող միջոցառումներում համեմատական փոփոխություններ են տեղի ունեցել, ինչից Ադրբեջանն օբյեկտիվ առումով կարող էր դժգոհ լինել։ Տեսնում եմ, որ ադրբեջանական քարոզչամեքենան և այն լրատվամիջոցները, որոնք գործում են ադրբեջանական պաշտոնական մարմինների ներքո, արշավ են սկսել նաև ռուսական առաքելության հրամանատարի նկատմամբ, ինչը, չեմ կարծում, թե պայմանավորված է ռուսական առաքելության աշխատանքի կամ ծառայության ոչ արդյունավետությամբ»:

ԱԺ «Պատիվ ունեմ» խմբակցության պատգամավոր Տիգրան Աբրահամյանի խոսքով՝ հաշվի առնելով, որ վերջին 10 օրերի ընթացքում Ադրբեջանը և՛ Արցախի, և՛ Հայաստանի շփման գծի տարբեր ուղղություններով դիմում է տարբեր բնույթի սադրանքների, ապա մեծ է հավանականությունը, որ Հայաստանից Արցախ մուտք գործող գազատարի պայթյունը տեղի է ունեցել Ադրբեջանի նախաձեռնությամբ։

Թեհրանը վճռականորեն դատապարտում է Իսրայելի զինված ուժեր հարվածը Դամասկոսի օբյեկտներին:

Նախօրեից ԱՄՆ-ը արգելք է դրել ռուսական նավթագազային էներգիայի ողջ ներմուծման վրա: Արգելքը մասնավորապես տարածվում է ռուսական նավթի, հեղուկացված բնական գազի և ածուխի վրա:

Շերմոլա թատերախումբը, որը քրդերեն պիեսներ և թատերախաղեր է ներկայացնում, հայտնում է, որ իրենց «Մեմ և Զին» պիեսն առանց որևէ հիմնավորման չեղարկվել է Թուրքիայի Ջիզրեի շրջանի նահանգապետարանի կողմից։

Չնայած ռուս-ուկրաինական ֆրոնտում Ֆրանսիայի նախագահ Էմանուել Մակրոնի աշխարհաքաղաքական գերզբաղվածությանը, Հայաստանի ու Ադրբեջանի հետ դիվանագիտական հարաբերությունների հաստատման 30-ամյակի կապակցությամբ Մակրոնն ուղերձներ հղեց Նիկոլ Փաշինյանին ու Իլհամ Ալիևին: Փաշինյանին ուղարկված նամակում Մակրոնը շեշտում է.

Թուրքիայի իշխող «Արդարություն և զարգացում» կուսակցության (AKP-ԱԶԿ) փոխնախագահ Նուման Քուրթուլմուշը համաշխարհային ուժային կենտրոնների պայքարի համատեքստում անդրադարձել է կովկասյան տարածաշրջանին ու Թուրքիային: Այս մասին տեղեկացնում է ermenihaber.am-ը։

Ուկրաինական ներկա ճգնաժամը, որն ամենավտանգավորն է 1959_61թթ. Կարիբյան ճգնաժամից ի վեր, ոչ միայն բևեռների բախման հետևանք է, այլ այն ունի իր մեջ մի քանի թաքուն շերտեր, որն առաջին հայացքից կարծես թե չի երևում։ Դա ուկրաինական տարածքներին տիրելու հարևան պետությունների պատմական պահանջներն են։ Եթե շատ հեռուն չգնանք, այլ վերցնենք նորագույն ժամանակաշրջանը, ինչ ենք տեսնում։

168 TV-ի «Ռեվյու» հաղորդաշարի հյուրն է Տարածաշրջանային հարցերով փորձագետ, «Հայկական նախագծի» անդամ Կարեն Իգիթյանը։

Նախարար Սոյլուն, Տրապիզոնի Յունուս Էմրե մշակութային կենտրոնում տեղի ունեցած մի հանդիպման ընթացքում անդրադառնալով Ռուսաստանի և Ուկրաինայի միջև ընթացող ռազմական գործողություններին, նշել է, որ Սև ծովի մյուս ափին տեղի է ունենում պատերազմ, որը երբեք աշխարհը չէր սպասում։

Ուկրաինայում տեղի ունեցող մարտական գործողությունների տեղամասը գնալով ընդլայնվում է, և փաստ է՝ և՛ ռուսական կողմի արձակած հրթիռներն ու արկերը, և՛ ուկրաինական բանակի կիրառած զինամթերքներն ընկնում և պայթում են Ուկրաինայի տարածքում։ Այս մասին 168.am-ի հետ զրույցում նշեց «Հենակետ» վերլուծական կենտրոնի ղեկավար Վիտալի Մանգասարյանը:

Իմ ձեռքի տակ են հայտնվել Եվրոպական Միությունում Ադրբեջանի դեսպան Վագիֆ Սադիկովի երկու նամակները, որոնք հրապարակվում են առաջին անգամ, եւ որոնց նպատակն էր ճնշում գործադրել եվրադեպուտատների վրա եւ մոլորեցնել նրանց։

Ազգությամբ Ուկրաինացի,  խորհրդային միության հետախուզության աշխատակից Յուրի Շվեցը սոցիալական ցանցում տեսանյութ է հրապարակել, որտեղ նշել է, որ մի քանի երկրներ, ներառյալ հետխորհրդային երկրները, ինչպիսիք են Վրաստանը, Ադրբեջանը և Հայաստանը, գաղտնի բանակցություններ են վարել Կրեմլի հետ՝ Ռուսաստանի դեմ պատժամիջոցները շրջանցելու վերաբերյալ։

Թուրքիայի արտարժույթի շուկայում շարունակում է պահպանվել լիրայի անկայունությունը։

«Ադրբեջանին շատ բան ունեն հասկացնելու: Պատահական չէ, որ Ուկրաինայում ռազմական գործողություններ սկսելուց առաջ Իլհամ Ալիևին կանչել էին Մոսկվա, այնտեղ ստորագրվեց հռչակագիր, որի ժամանակ Պուտինը իբր Ուկրաինայի կապակցությամբ որոշակի բաներ հասկացրեց Բաքվին, մասնավորապես նշելով, որ Ուկրաինան հատուկ դեպք է, քանի որ այլ պետության ազդեցության տակ է ընկել: Դրանով ՌԴ-ն Ադրբեջանին հասկացրեց, որ նույնը կարող է կրկնվել իր հետ, եթե ինքն ընկնի այլ պետությունների ազդեցության տակ: Նկատի ունի Թուրքիային, Բրիտանիային»,- 168TV-ի «Ռեվյու» հաղորդման ընթացքում ասաց նա:

Ինչպես պարտության, այնպես էլ հաղթանակի համար ազգերը պարտավոր են վարել համարժեք կենսաոճ, և, եթե նայենք մեր վարած կենսաոճին, կարձանագրենք հետևյալը՝ վարել ենք ոչ թե հաղթողի, այլ՝ պարտվողի կենսաոճ, ինչին էլ գումարվել է նաև մեր ազգի՝ դասեր չքաղելու հատկությունը, իսկ նա, ով պարտությունից դասեր չի քաղում, նորից է պարտվելու։ 168 TV-ի «Ռեվյու» հաղորդաշարի եթերում այսպես բնութագրեց պարտվողի կենսաոճը Քաղաքական գիտությունների դոկտոր, պրոֆեսոր, սոցիոլոգ Արթուր Աթանեսյանը:

Ադրբեջանական զորքերը շարունակում են տարբեր բնույթի սպառնալիքներ ստեղծել նաև արցախա-ադրբեջանական զորքերի շփման գծի մի քանի ուղղություններում, հատկապես այն տեղամասերում, որի մերձակա հատվածներում բնակավայրեր կան։

Ռուս-ուկրաինական պատերազմի և աշխարհաքաղաքական իրավիճակի արմատական փոփոխությունների ֆոնին սկսում է «եռալ» տարածաշրջանային «կաթսան»: Ռազմական լուրջ լարվածության բռնկման միտումներ են ի հայտ գալիս:

«Հարավային Կովկասում առանձին մեծ ռազմական բախման հավանականությունը քիչ եմ համարում, շատ ավելի վտանգավոր է այն, որ փլուզվում են բոլորի կողմից ընդունված բանակցային ձևաչափերը, աշխարհը տարերային ու անվերահսկելի փուլ է թևակոխում»,- այս մասին 168.am-ի հետ զրույցում ասաց վրացի քաղաքական վերլուծաբան Իրակլի Մենագարիշվիլին՝ անդրադառնալով Ուկրաինայում պատերազմին զուգահեռ իրավիճակի սրմանը Հարավային Կովկասում՝ հայ-ադրբեջանական սահմանին և Արցախում:

Մարտի 7-ին, ՀՀ սահմանագոտու արևմտյան ուղղությամբ Ադրբեջանի զինված ուժերի կողմից հրադադարի ռեժիմի կոպիտ խախտման հետևանքով զոհվել է ՀՀ ԶՈՒ զինծառայող, սերժանտ Հրաչ Արամի Մանասարյանը, ևս մեկ զինծառայող ստացել է վիրավորում:

Շարունակվող հակամարտությունից թուրք-ադրբեջանական թշնամին հարմար առիթի դեպքում փորձելու է օգտվել։

Մինչ հայրենի իշխանությունները տարբեր առիթներով հաստատում են իրենց հավատարմությունը տարածաշրջանում խաղաղության դարաշրջան բացելու վեհ առաքելությանը, Հայաստանի պետական սահմաններին ու Արցախում ադրբեջանական սադրանքների պակաս չի զգացվում:

Պատերազմից անմիջապես հետո Ադրբեջանի ղեկավարությունը հայտարարեց, որ ստեղծելու են թուրքական մոդելի փոքր բանակ, թեպետ արդեն պատերազմի ընթացքում ադրբեջանական կողմը կիրառել է թուրքական, այսինքն՝ ՆԱՏՕ-ական կառավարման համակարգ:

«Եթե այնտեղ, բացի համաժողովից, երկկողմանի ինչ-որ տեսակցություններ չեն լինելու, դա ուրիշ հարց է, սակայն Արարատ Միրզոյանի գնալը նոր հարցադրումներ է առաջ բերում: Այստեղ գուցե նորից այն առիթը տեսած լինեն, թե  հնարավորություն է ստեղծվել առանց միջնորդների, մասնավորապես՝ ՌԴ ներկայության, ինչ-որ հարցեր ավարտին հասցնեն:

Իրանը եւ Ատոմային էներգիայի միջազգային գործակալությունը (ՄԱԳԱՏԷ) կազմակերպության գլխավոր տնօրեն Ռաֆայել Գրոսիի՝ Թեհրան կատարած այցի ընթացքում համաձայնեցրել են համապարփակ տեխնիկական համագործակցությունը հետագա համաձայնության հասնելու համար: Մամուլի ասուլիսում մարտի 7-ին այդ մասին հայտարարել է Իրանի արտաքին գործերի նախարարության պաշտոնական ներկայացուցիչ Սայիդ Խաթիփզադեն:

Ադրբեջանի պաշտպանության նախարար Զաքիր Հասանովը տեղեկատվություն է ստացել հայ-ադրբեջանական սահմանին և Արցախում տիրող իրավիճակի վերաբերյալ։

3,8 մագնիտուդով երկրաշարժ է տեղի ունեցել Վրաստանի սահմանից 5 կիլոմետր հեռավորությամբ, էպիկենտոնը Չեչնիայում (ՌԴ) է: Այդ մասին հաղորդվում է Սեյսմիկ մոնիթորինգի ազգային կենտրոնի կայքում:

Ադրբեջանի պաշտպանության նախարարությունը հերթական անգամ ապատեղեկատվություն է տարածել, պնդելով, թե ՀՀ ԶՈՒ ստորաբաժանումները կրակ են բացել հայ-ադրբեջանական սահմանի արևելյան հատվածում տեղակայված ադրբեջանական մարտական դիրքերի ուղղությամբ։ Այս մասին հաղորդագրություն է տարածել ՀՀ պաշտպանության նախարարությունը: